საერთაშორისო ენერგეტიკულ ბირჟაზე ნავთობის ფასები კვლავ არასტაბილურია და ისევ მაღალ ნიშნულზე რჩება. მცირედი გაიაფების შემდეგ ამჟამად ბრენტის ფასი 108 დოლარზეა, რაც თვიურ ჭრილში 38%-იანი გაძვირებაა. ნედლი ნავთობი 104 დოლარი ღირს, ხოლო ყველაზე დიდი ზრდა რუსულ ურალსზე ფიქსირდება. ამ დროისთვის ურალსის ღირებულება 115 დოლარს აჭარბებს, რაც 1 თვიან ჭრილში თითქმის 70%-იანი გაძვირებაა. საერთაშორისო ბაზარზე ნავთობის გაძვირებას უკვე ჰქონდა გავლენა მათ შორის საქართველოზეც, სადაც საწვავის ფასი 17-დან 75 თეთრის დიაპაზონში არის გაზრდილი. მსოფლიოში ნავთობის გაძვირების მიზეზი აშშ-სა და ისრაელის მიერ 28 თებერვალს ირანზე მასშტაბური სამხედრო ოპერაციის დაწყებაა, რომელსაც ირანმა საპასუხო დარტყმებით უპასუხა არა მხოლოდ ისრაელზე, არამედ რეგიონის სხვა ქვეყნებზეც. ჩაიკეტა ჰორმუზის სრუტეც, ვიწრო გასასვლელი სპარსეთის ყურიდან ოკეანეში, რომელიც წლიურად მსოფლიო ნავთობის მეხუთედს ატარებს. ამიტომ გასაკვირი არაა, რომ მისმა ჩაკეტვამ ნავთობის ბაზრებზე მიწოდება შეაფერხა ამან კი ბუნებრივია ფასი გაზარდა. რა ტენდენციებია მსოფლიო სანავთობო ბაზარზე, რა რისკებს ხედავენ ექსპერტები და როგორია მოლოდინები?

სტუმარი: გიორგი კაპანაძე - ნავთობპროდუქტების ტრეიდერი / ექსპერტი

#ახალიამბები #BusinessMediaGeorgia