მოტოტრანსპორტისა და L კატეგორიის სატრანსპორტო საშუალებების ტექნიკური ინსპექტირება, შესაძლოა, უახლოეს პერიოდში სავალდებულო გახდეს. აღნიშნულ საკითხზე შესაბამისი უწყებები ტექნიკური რეგლამენტის შექმნაზე უკვე მუშაობენ. ტექინსპექტირების ცენტრების კავშირში აცხადებენ, რომ ამ ეტაპზე მოტოციკლებისთვის ინსპექტირების გავლა სავალდებულო არ არის, თუმცა პროცესის დასაწყებად მოსამზადებელი სამუშაოები აქტიურ ფაზაშია. სექტორში შესაბამისი საკანონმდებლო ბაზის მომზადებას წლისთვის ბოლოსთვის ელოდებიან. მოტომოყვარულთა ნაწილი კი, მსგავსი რეგულაციის შემოტანას ნაადრევად მიიჩნევს, და იმ რეგულაციის ტექნიკურად გასწორებას ითხოვს, რომლის მიხედვითაც გასული წლის ივლისიდან თვითნებურად გადაკეთებული მაყუჩის მქონე ავტო/მოტო სატრანსპორტო საშუალებები ჯარიმდებიან. როგორც სფეროში განმარტავენ, რეგულაციაში უზუსტობებია, რაც მოტომფლობელების უსამართლოდ დაჯარიმებას იწვევს, ხოლო დამატებითი ცვლილებების შემოტანა ორთვლიანი ტრანსპორტის სფეროში, ვითარებას კიდევ უფრო დაამძიმებს. რა ცვლილებებია მოსალოდნელი ორთვლიანი ტრანსპორტის სეგმენტში და როგორია მოთხოვნები?


#ახალიამბები #BusinessMediaGeorgia