დონალდ ტრამპის განცხადების შემდეგ მოლაპარაკებების დაწყებასთან დაკავშირებით ნავთობის ბაზარმა შავი ოქროს გაიაფება აჩვენა, თუმცა ირანიდან კომენტარების შემდეგ ფასი ისევ ზრდის მიმართულებით წავიდა. ჯამურად დღის ბოლოსკენ ნავთობი მაინც 10% მდე ფასის შემცირებას აჩვენებს. თუმცა ნავთობის მოკლევადიანი გაიაფება საერთო სურათს ვერ ცვლის. ენერგეტიკის საერთაშორისო სააგენტოს ხელმძღვანელი ვითარების სტაბილიზაციისთვის ბაზარზე 6 თვიან პერიოდზე საუბრობს.
სოფლის მეურნეობის დარგს საწვავი და სასუქები გაუძვირდა. ახლო აღმოსავლეთის კონფლიქტის გამო, ჰორმუზის სრუტის ჩაკეტვა ქვეყანაში სასუქების იმპორტს ართულებს. შედეგად, მოსალოდნელია, რომ სასუქებზე ფასი გაიზრდება. ჰორმუზის სრუტის ჩაკეტვისა და საერთაშორისო ბაზრებზე ნავთობის გაძვირების გამო, ადგილობრივ ბაზარზე მნიშვნელოვნადაა გაზრდილი დიზელის ფასიც. ამ ტიპის საწვავზე კი, ფერმერებისა და აგროსექტორის მხრიდან საგაზაფხულო სამუშაოებისას მოთხოვნა განსაკუთრებულად იზრდება. შედეგად, აგროსექტორის წარმომადგენლები ელიან, რომ გაძვირებული საწვავი და სასუქები სექტორს სასოფლო-სამეურნეო სამუშაოებს მნიშვნელოვნად გაუძვირებს, რაც პროდუქტის თვითღირებულებაშიც აისახება.

#ახალიამბები #BusinessMediaGeorgia