ახლო აღმოსავლეთის კონფლიქტის ფონზე, საქართველოს სოფლის მეურნეობის დარგს საწვავი და სასუქები გაუძვირდა. ჰორმუზის სრუტის ჩაკეტვა ქვეყანაში სასუქების იმპორტს ართულებს. შედეგად, მოსალოდნელია, რომ სასუქებზე ფასი გაიზრდება. გლობალური ტენდენციის გავლენით, ადგილობრივ ბაზარზე მნიშვნელოვნადაა გაზრდილი დიზელის ფასიც. ამ ტიპის საწვავზე კი, ფერმერებისა და აგროსექტორის მხრიდან საგაზაფხულო სამუშაოებისას მოთხოვნა იზრდება. მსოფლიო ბაზარზე ნავთობის გაძვირების შემდეგ, საქართველოში ფასების ყველაზე მკვეთრი ზრდა სწორედ დიზელის საწვავს შეეხო. შედეგად, აგროსექტორის წარმომადგენლები ელიან, რომ გაძვირებული საწვავი და სასუქები სექტორს სასოფლო-სამეურნეო სამუშაოებს მნიშვნელოვნად გაუძვირებს, რაც პროდუქტის თვითღირებულებაშიც აისახება.


#ახალიამბები #BusinessMediaGeorgia