მსოფლიოში ნავთობის ფასების რეკორდული ზრდის ფონზე, საქართველოში საწვავის გაძვირება გრძელდება. ბოლო ერთი კვირის განმავლობაში, ბენზინის ფასი კიდევ 5-20 თეთრით, დიზელის კი 15-32 თეთრით გაიზარდა. Gulf-ის ქსელში საწვავის ღირებულება ერთკვირიან ჭრილში 20 – 32 თეთრით გაძვირდა. Wissol-ის გასამართი სადგურების ქსელში ყველა ტიპის საწვავის ფასი ბოლო ერთი კვირის ჭრილში საწვავი ტიპის მიხედვით 18-30 თეთრით შეიცვალა. Socar-ის გასამართი სადგურების ქსელში საწვავის ფასი ბოლოს დღეს შეიცვალა 11 მარტის შემდეგ საწვავი Socar-ში 8-32 თეთრით არის გაძვირებული. რაც შეეხება მსოფლიო ბაზარს, მცირედი კლების მიუხედავად, მსოფლიო ბაზარზე ნავთობზე კვლავ მაღალი ფასი ნარჩუნდება. ბოლო ერთ თვეში ნედლი ნავთობი 42%-ით 94 დოლარამდეა გაძვირებული. თვიურ ჭრილში 50%-იანი მატებაა ბრენტის ტიპის ნავთობზე, რომლის ფასი ბარელზე 110 დოლარს აღწევს. რეკორდულად გაძვირებულია რუსული ურალსი, რომლის ფასიც ბარელზე 104 დოლარს აჭარბებს, ბოლო ერთ თვეში ურალსი 77%-ით არის გაძვირებული. 96 დოლარად ივაჭრება WTI-ი. როგორია მოლოდინები გლობალურ ბაზარზე ნავთობის ფასთან მიმართებაში და უნდა ველოდეთ თუ არა საქართველოში საწვავის მორიგ გაძვირებას?

სტუმარი: ზაალ იაკობიძე - „სენტა პეტროლიუმ ჯორჯიას“ გენერალური დირექტორი

#ახალიამბები #BusinessMediaGeorgia