ისრაელის, ირანის და არაბული ქვეყნების ცა ისევ დახურულია. მთავრობის გადაწყვეტილებით მუსკატიდან თბილისის მიმართულებით პირველი სპეც რეისი უნდა გამოფრინდეს, იქამდე ომანის დედაქალაქიდან ბიზნესმენ ილია წულაიას დაქირავებული თვითმფრინავის რეისი შესრულდება.

60-ზე მეტი საქართველოს მოქალაქე დაგვემატა და 122 მგზავრი მოვემართებით საქართველოსკენ!
16 საათზე დაანონსებული რეისი რამდენიმე საათით გზის გადატვირთულობის გამო დაგვიანდა, თუმცა ბიზნესმენმა გაავრცელა ფოტოები თვითმფრინავიდან, რომელიც დაახლოებით 19 საათისთვის გამოფრინდა.
მინდა მადლობა გადავუხადო ჩემს მეგობარ ბიზნესმენებს (ლაშა კვაჭაძეს, ლევან ფხაკაძეს, კახა დევაძეს, კახა კობაივანოვს, ბაჩო საბანაძეს, ლევან კობიაშვილს, ალექსანდრე ამისულაშვილს და უტა მაზიაშვილს), ვისთან ერთადაც შევუკვეთეთ კერძო რეისი და ვბრუნდებით ჩვენს საყვარელ სამშობლოში. ასევე მადლობა მინდა გადავუხადო ეკონომიკის მინისტრს, მარიამ ქვრივიშვილს აღმოჩენილი დახმარებისთვის, რის გარეშეც ომანში კერძო თვითმფრინავის მიღებას ვერ მოვახერხებდით.- წერს ბიზნესმენი

ბიზნესმენმა დღეს საჯარო პოსტი დაწერა სოციალურ ქსელში, რომელშიც აღნიშნავს, რომ 120 ნომრიანი თვითმფრინავია დაქირავებული 70 მდე ადამიანთან დაკავშირება თავად შეძლეს და მსურველ 40 მდე ადამიანის გამოფრენას უზრუნველყოფდნენ.

ახლო აღმოსავლეთში შექმნილი რთული ვითარებისა და საჰაერო სივრცეების ჩაკეტვის გამო, საქართველოს მთავრობის მიერ ორგანიზებული სპეციალური რეისების განრიგი შეიცვალა. საგარეო საქმეთა სამინისტროს ინფორმაციით, ფრენების დრომ გადაიწია და მოქალაქეების ტრანსპორტირება განახლებული გრაფიკით მოხდება.
უწყების განმარტებით, გადაწყვეტილება იმ მოქალაქეების დასახმარებლად მიიღეს, რომელთა გამოყვანასაც ავიაკომპანიები შეფერხებების გამო ვერ ახერხებენ.

განახლებული რეისების განრიგი:
მასკატი (ომანი) - თბილისი:
3 მარტი, 23:00 სთ (ნაცვლად ადრე დაგეგმილი დროისა);
5 მარტი, 19:00 სთ (ადგილობრივი დროით).

რიადი (საუდის არაბეთი) - თბილისი:
4 მარტი, 19:00 სთ (ადგილობრივი დროით).

საგარეო უწყება მოუწოდებს მოქალაქეებს, განრიგის ცვლილებასთან დაკავშირებით დამატებითი კითხვების შემთხვევაში დაუკავშირდნენ ცხელ ხ#ახალიამბები #BusinessMediaGeorgia