კერძო სექტორის წარმომადგენელთა ნაწილი აკრიტიკებს მთავრობის გადაწყვეტილებას, რომლითაც უცხოელებს საქართველოში დასაქმება მთელ რიგ საქმიანობებში ეკრძალებათ. ბიზნესი მიიჩნევს, რომ ახალი კანონი, რომელიც 1 მარტიდან შევა ძალაში, დასაქმების ბაზარზე კადრების დეფიციტს გააჩენს და საბოლოო პროდუქტისა და მომსახურების ფასებს გააძვირებს. პარალელურად, კი მთავრობა სოციალურად დაუცველთა ბაზაში რეგისტრირებული ოჯახების გადამოწმებას და მათი რიცხვის შემცირებას იწყებს. სტატისტიკის თანახმად, 2026 წლის იანვარში სოციალური შემწეობა 710 ათასზე მეტმა ადამიანმა მიიღო. რა პერსპექტივა აქვთ სოციალურად დაუცველთა ბაზიდან ამორიცხულ პირებს დასაქმების ბაზარზე გაჩენილი დეფიციტი შეავსონ, და რა გამოწვევებზე საუბრობენ მუშახელის კიდევ უფრო შემცირების საფრთხის წინაშე აღმოჩენილი ბიზნესის წარმომადგენლები.


#ახალიამბები #BusinessMediaGeorgia