მიმდინარე წლის იანვარმა ელექტროენერგიის ბაზარზე არსებული გამოწვევები წინ წამოწია. ელექტროენერგიის გამომუშავების კლების და მოთხოვნის მკვეთრი ზრდის ფონზე, იმპორტიც მკვეთრად გაიზარდა და ქვეყანა იძულებული გახდა ძვირადღირებული ელექტროენერგია შეეძინა. ჯამში 600 მლნ კვტ სთ -მდე ელექტროენერგიის შეძენა ქვეყანას 22.5 მლნ დოლარი დაუჯდა, რაც იმას ნიშნავს, რომ იმპორტის საშუალო ფასი 49%-ით, 3.8 აშშ ცენტამდე გაიზარდა, ხოლო კომერციული ფასი (აფხაზეთის გამოკლებით) 6.3 აშშ ცენტს შეადგენდა, რაც წლიურად 5.2% -იანი ზრდაა. საინვესტიციო ბანკი გალტ ენდ თაგარტი აღნიშნავს, რომ ამ ვითარებამ ზამთრის პერიოდში სისტემის მოწყვლადობა გამოაჩინა. “აღნიშნული ვითარება კვლავ მიუთითებს ზამთარში მაღალი გამომუშავების მქონე გენერაციის ობიექტების სტრუქტურულ საჭიროებაზე, განსაკუთრებით რეზერვუარიანი ჰიდროსადგურებისა და ქარის სადგურების”, - მიიჩნევს გალტ ენდ თაგარტი. ის რომ დამატებითი სიმძლავრეები გვჭირდება წლებია ვსაუბრობთ, თუმცა არაერთი მცდელობის და ოპტიმიზმის მიუხედავად სექტორში გამოწვევები რჩება… დაიწყება თუ არა პროექტების რეალური განხორციელება და რა საკითხების გადაჭრა სურთ ენერგეტიკის ინვესტორებს?

სტუმარი: გიორგი შუკაკიძე - "ენერჯი დეველოპმენტ ჯორჯიას" / "გრინ ენერჯი ჰოლდინგის" მმართველი დირექტორი

#ახალიამბები #BusinessMediaGeorgia