საქართველოს უახლოეს 4-5 წელიწადში 5,000 მეგავატი სიმძლავრე სჭირდება. პროექტების უდიდესი ნაწილი კი, რომლებიც CFD აუქციონების ფარგლებში გამოვლინდა, სიცოცხლისუუნაროა და უნდა გაიცხრილოს - ამის შესახებ ენერგეტიკის სექტორის წარმომადგენელთა ნაწილი აცხადებს. მათი შეფასებით, გენერაციის ობიექტების მშენებლობა ბოლო პერიოდში მკვეთრადაა გაძვირებული, და თუკი მესამე cfd აუქციონი გამოცხადდება, უმჯობესი იქნება თუკი ადეკვატური ტარიფები იქნება შეთავაზებული. თუმცა, მანამდე, ბიზნესი მიიჩნევს, რომ უკვე გამარჯვებულ კომპანიებთან და პროექტებთან მიმართებით, მიდგომა გასამკაცრებელია, რადგან, ხშირია პრაქტიკა, როდესაც ინვესტორები ენერგეტიკული პროექტების გადაყიდვას ცდილობენ და ამით, პროცესებს აჭიანურებენ. რატომ ხედავს სექტორი დიდი რაოდენობით პროექტების გაცხრილვის საჭიროებას და რა პროექტები მიიჩნევა პრიორიტეტულად.


#ახალიამბები #BusinessMediaGeorgia