რძე, რძის ნაწარმისა და რძის შემცველი პროდუქტები ეტიკეტირების დამატებით წესებს დაექვემდებარება. გარემოს დაცვისა და სოფლის მეურნეობის სამინისტროში აცხადებენ, რომ ცვლილებების მიზანი ადგილობრივი რძის წარმოების წახალისება და საბოლოო მომხმარებლის ინფორმირებულობის გაზრდაა. ცვლილებას „რძისა და რძის ნაწარმის შესახებ“ ტექნიკური რეგლამენტი ითვალისწინებს. დაგეგმილი ცვლილების თანახმად, შეფუთვაზე დატანილი უნდა იყოს ე.წ. პიქტოგრამები, რომელიც სხვადასხვა ფერის იქნება, იქიდან გამომდინარე, თუ რით არის დამზადებული - ნედლი რძით, აღდგენილი რძისა და კარაქის გამოყენებით, თუ აღდგენილი რძისა და მცენარეული ცხიმის გამოყენებით. დაგეგმილი ცვლილებების მოლოდინია, რომ ნედლი რძის წარმოებას წაახალისებს თუმცა, გაურთულებს საქმიანობას რძის გადამამუშავებლებს. მათ მომავალი წლიდან დამატებითი ცვლილებებიც ელოდებათ, რაც საკვები პროდუქტების პლასტიკის შეფუთვიდან გათავისუფლებას გულისხმობს. რა ცვლილებებია დარგში მოსალოდნელი და როგორია გამოხმაურება სექტორიდან?


#ახალიამბები #BusinessMediaGeorgia