2026 წლის რთველი ახალი წესებით ჩატარდება და სახელმწიფოს მხრიდან ყურძნის სამი ფასი იქნება დადგენილი. ღვინის ეროვნულ სააგენტოში აცხადებენ, რომ წელს კიდევ უფრო მეტი აქცენტი გაკეთდება ხარისხზე და ღვინო 17%-ზე დაბალი შაქრიანობის ყურძნისგან აღარ დამზადდება. ღვინის მწარმოებელ კომპანიებში აცხადებენ, რომ წლევანდელ რთველთან დაკავშირებით სააგენტოს მიერ გაჟღერებული მიდგომა მეტად საბაზრო პრინციპებს ეფუძნება. დარგის სპეციალისტების ნაწილი კი მიიჩნევს, რომ სახელმწიფოს მიერ რთველის სუბსიდირებასთან დაკავშირებული მიდგომა კვლავ არასწორია და ბაზარზე მანკიერი პრაქტიკის ჩამოყალიბებას უწყობს ხელს. რა სიახლეები იქნება 2026 წლის რთველისთვის და როგორია შეფასებები?


#ახალიამბები #BusinessMediaGeorgia