იანვარში სასტუმროებში ფასი წლიურად 9%-ით გაიზარდა - PMC კვლევითი ცენტრი განახლებულ სტატისტიკას აქვეყნებს. მათი ინფორმაციით წლიურად კი ზრდაა, თუმცა იანვარში საქართველოს სასტუმროს ფასების ინდექსი წინა თვესთან შედარებით, 0.8%-ით არის შემცირებული. 2026 წლის იანვარში სასტუმროების საშუალო ფასმა საოჯახო ტიპის სასტუმროებში 107 ლარი შეადგინა, 3-ვარსკვლავიან სასტუმროებში - 152 ლარი, ხოლო 4-ვარსკვლავიან სასტუმროებში - 229 ლარი. რაც შეეხება 5-ვარსკვლავიან სასტუმროებს, საშუალო ფასი ამ სეგმენტში 416 ლარი იყო. PMC კვლევითი ცენტრის ცნობითვე, ყველაზე მაღალი საშუალო ფასი 5-ვარსკვლავიან სასტუმროებზე მცხეთა-მთიანეთში - 1016 ლარი, თბილისში - 535 ლარი და კახეთში - 518 ლარი იყო. ანგარიში მიხედვით, 2026 წლის იანვარში 3, 4 და 5-ვარსკვლავიანი სასტუმროების ფასების ინდექსი 2.3%-ით შემცირდა წინა თვესთან შედარებით, ხოლო საოჯახო ტიპის სასტუმროების ფასების ინდექსი 5.7%-ით გაიზარდა. რაც შეეხება წლიურ მაჩვენებელს, იანვარში 3, 4 და 5-ვარსკვლავიანი სასტუმროების ფასების ინდექსი 10.4%-ით გაიზარდა წინა წელთან შედარებით, ხოლო საოჯახო ტიპის სასტუმროების ფასების ინდექსი - 4.4%-ით. რამ განაპირობა გასულ წელთან შედარებით სასტუმრო ფასების ინდექსის ზრდა, როგორია სექტორში მოთხოვნა და რამდენად არის ისევ ქვეყანაში განთავსების ადგილების სიჭარბე?

სტუმარი: მაია წერეთელი - McInerney Hospitality International, ვიცე-პრეზიდენტი

#ახალიამბები #BusinessMediaGeorgia