საქართველოს სადაზღვევო სექტორი წელს დაახლოებით, 12-13%-ის ფარგლებში გაიზრდება. მოზიდული პრემია კი, სავარაუდოდ, მილიარდ ნახევრამდე მიაღწევს. ასეთია სახელმწიფო დაზღვევის ზედამხედველობის სამსახურის საპროგნოზო შეფასება წლიურ შედეგებთან დაკავშირებით. მიუხედავად იმისა, რომ სექტორმა წელს, გასულ წლებთან შედარებით, ზრდა შეანელა, როგორც BMG-ს ზედამხედველობის სამსახურში განუცხადეს, სექტორში უახლოეს პერიოდში ავტომფლობელთა მესამე პირის პასუხისმგებლობის სავალდებულო დაზღვევის შემოტანის მოლოდინია, რის შედეგადაც, სექტორი დაახლოებით 25%-ით გაიზრდება. ზედამხედველის განმარტებით, სექტორში არსებობს ზრდის დიდი პოტენციალი ისეთი სავალდებულო სქემების ამოქმედების შემთხვევაში. ეკა გაზდელიანი ესაუბრა სახელმწიფო და კერძო სექტორის წარმომადგენლებს.

#ახალიამბები #BusinessMediaGeorgia