სახელმწიფოს მევენახეობა-მეღვინეობის ბაზარზე თამაშის ახალი წესები შემოაქვს- 2026 წლის მარტიდან კომერციული ვენახის გაშენებისთვის აუცილებელი ხდება ღვინის ეროვნული სააგენტოს თანხმობა. ნორმატიულ აქტში გაიწერება სად და რა ჯიშის ყურძნის ვენახის გაშენება იქნება შესაძლებელი. შემოდის კიდევ ერთი შეზღუდვა, რომლითაც ღვინის მწარმოებლებს დაცული ადგილწარმოშობის ღვინისა და სპირტიანი სასმლის წარმოება შეეძლებათ მხოლოდ და მხოლოდ განსაზღვრულ მიკროზონაში მოწეული ყურძნისგან. ირკვევა ისიც, რომ წლევანდელი ექსპერიმენტის შემდეგ, რომ მომავალ წელს სახელმწიფო რთველზე ყურძნის 3 განსხვავებულ ფასს დაადგენს. 17%-ზე დაბალი შაქრიანობის ყურძნის ფასი 1 კგ-ზე დაახლოებით 30 თეთრი იქნება. 17-21%-იანი შაქრიანობის თეთრი ყურძენი 1 ლარზე ნაკლებ ფასში ჩაბარდება, საღვინედ კი, შეფასდება ის თეთრი ყურძენი, რომლის შაქრიანობა 21%-ზე მეტი იქნება, ან წითელი ყურძენი 23%-ზე მეტი შაქრიანობით. ღვინის ეროვნული სააგენტო აცხადებს რომ აქცენტი ხარისხზე გაკეთდება, გრძელვადიანი მიზანი კი ექსპორტის გაორმაგებაა ანუ საექსპორტო ბაზრებზე 200 მლნ ბოთლის რეალიზებაა… რა ტენდენციებია დღეს სექტორში და რატომ დადგა დღის წესრიგში რეგულირების გამკაცრება - როგორ ესმის ბიზნესს სახელმწიფოს გზავნილები?

სტუმარი: ზურაბ მარგველაშვილი - „თბილღვინოს“ აღმასრულებელი დირექტორი

#ახალიამბები #BusinessMediaGeorgia