სამოქალაქო ავიაციის დღესთან დაკავშირებით თბილისისა და ბათუმის საერთაშორისო აეროპორტების მმართველმა კომპანია ტავ ჯორჯიამ თბილისის საავიაციო უნივერსიტეტის სტუდენტები დააჯილდოვა. სტუდენტებს სასწავლო სტიპენდიები გადაეცათ, რომლითაც საავიაციო უნივერსიტეტში სწავლა დაუფინანსდებათ. წელს 5 სტუდენტი შეირჩა, რომლებიც უნივერსიტეტში საჰაერო მოძრაობის მართვის სისტემების ტექნიკურ ექსპლუატაციას, საფრენი აპარატების დაპროექტებასა და საჰაერო ტრანსპორტის მენეჯმენტს ეუფლებიან. გარდა სტიპენდიების კომპონენტისა, ტავ ჯორჯია და საქართველოს საავიაციო უნივერსიტეტი შესაბამისი მემორანდუმის ფარგლებში უკვე წლებია ერთობლივად მუშაობენ სტუდენტთა პრაქტიკული უნარების განვითარებაზე და საავიაციო სფეროში კვალიფიციური კადრების მომზადებაზე. ეს თანამშრომლობა გულისხმობს დამამთავრებელი კურსის სტუდენტებისთვის აეროპორტის მგზავრთა მომსახურებისა და ფრენების ოპერირების სამსახურებში სამუშაო პრაქტიკის შეთავაზებას, რაც სტუდენტებს სასწავლო კრედიტებში ეთვლებათ, წარმატებული სტაჟირების შემდეგ ტავ ჯორჯია წარჩინებულ სტუდენტებს დასაქმების შესაძლებლობებს სთავაზობს


#ახალიამბები #BusinessMediaGeorgia