საქმიანი დილა ეთერს უბრუნდება კომპანია სავის მმართველი პარტნიორის მარიამ ქოიავას საავტორო რუბრიკა ბიზნესი 360 გრადუსით.

დღევანდელი გადაცემა უზბეკეთს ეძღვნება, როგორც მრავალფეროვანი და რეალური საინვესტიციო შესაძლებლობების მქონე ბაზარს, და ეს არის რეალობა რომ უზბეკეთი ცენტრალური აზიის ერთ-ერთი ყველაზე სწრაფად მზარდი ეკონომიკაა.

2018 დან 2024 წლამდე ქვეყნის მშპ თითქმის გაორმაგდა 58.7 მილიარდიდან 115 მილიარდ დოლარამდე. 2024-ში ქვეყნის ეკონომიკა 6.5 %-ით გაიზარდა, სავაჭრო ბრუნვამ კი 66 მილიარდ დოლარს მიაღწია.

ზრდის პარალელურად, უზბეკეთის ეკონომიკა სტრუქტურულადაც იცვლება:მომსახურების სექტორი იზრდება, სოფლის მეურნეობის წილი კი თანდათან მცირდება. მრეწველობა ნელა, თუმცა სტაბილურად ფართოვდება, ხოლო მშენებლობა ჯერ მცირე, მაგრამ ერთ-ერთი ყველაზე სწრაფად მზარდი სექტორია ეკონომიკაში.ეს ზრდა არ არის შემთხვევითი. სახელმწიფო აქტიურად უწყობს ხელს ბიზნესის განვითარებას რეგულაციების გამარტივებით და ბარიერების შემცირებით.შედეგად, უზბეკეთი სულ უფრო და უფრო იზიდავს უცხოურ ინვესტიციებს.

სტუმრები: მარიამ ქოიავა - SavvY-ის მმართველი პარტნიორი;
მარი გვილავა - საერთაშორისო B2B და B2C გაყიდვების და ბაზრის განვითარების ექსპერტი, კონსულტანტი

#ახალიამბები #BusinessMediaGeorgia