ბოლო რამდენიმე წელია, ლოგისტიკა საქართველოში განსაკუთრებით ხშირად ხდება განხილვის თემა. გლობალურ დონეზე განვითარებულმა მოვლენებმა — ომმა უკრაინაში და რუსეთზე დაწესებულმა სანქციებმა — მნიშვნელოვნად შეცვალა ტვირთების მოძრაობის გეოგრაფია. ამ პროცესის ფონზე, გაიზარდა ინტერესი ე.წ. შუა დერეფნის მიმართ, რომელიც აზიას ევროპასთან საქართველოს გავლით აკავშირებს.2022 წელს, მას შემდეგ რაც რუსეთის ფედერაციაზე ეკონომიკური სანქციები დაწესდა, დასავლურმა და აზიურმა კომპანიებმა დაიწყეს ახალი, ნაკლებად პოლიტიკურად რისკიანი ლოგისტიკური მარშრუტების ძიება. ერთ-ერთ ალტერნატივად სწორედ შუა დერეფანი მიიჩნიეს, რომელიც ჩინეთიდან ცენტრალური აზიის, კასპიის ზღვის, სამხრეთ კავკასიისა და შავი ზღვის გავლით ევროპამდე მიდის.

შედეგად, 2022 წელს, შუა დერეფნის მეშვეობით გადაზიდული ტვირთების მოცულობა 1.5 მილიონ ტონას მიაღწია, რაც წინა წელთან შედარებით 2.5-ჯერ მეტი იყო. 2023 წელს ეს მაჩვენებელი 2.8 მილიონ ტონამდე გაიზარდა, რაც 86%-იანი ზრდაა.

შუა დერეფანი ახალი იდეა არ არის, თუმცა ბოლო წლებში გეოპოლიტიკურმა ცვლილებებმა მისი აქტუალობა გაზარდა. ამ მარშრუტის მთავარი უპირატესობაა ის არის, რომ იგი არ გადის რუსეთის ტერიტორიაზე და ამავდროულად დროში მნიშვნელოვნად აღემატება საზღვაო მარშრუტებს. მარშრუტის განვითარების პარალელურად, ჩინეთიდან ევროპამდე ტვირთის ტრანზიტის დრო შემცირდა 38-53 დღიდან 18-23 დღემდე და ამ დროის 14-18 დღემდე შემცირება იყო დაგეგმილი.„შუა დერეფანში“ ტვირთბრუნვა გაიზარდა.

ტრანსკასპიური საერთაშორისო სატრანსპორტო მარშრუტის ასოციაციის მონაცემებით, 2024 წელს ე.წ „შუა დერეფნით“ 56.5 ათასი TEU კონტეინერი გადაიზიდა, 2023 წლის ამავე პერიოდში ეს მაჩვენებელი 20.5 ათასი ერთეული იყო.

სტუმრები: მარიამ ქოიავა - SavvY-ის მმართველი პარტნიორი;
ჯემალ ინაიშვილი - Tbilisi Dry Port-ის სამეთვალყურეო საბჭოს თავმჯდომარე

#ახალიამბები #BusinessMediaGeorgia