დღეს საღამოს ხუთ საათზე კონრად ადენაუერის ფონდის წარმომადგენლობა სამხრეთ კავკასიაში (KAS) და მისი პარტნიორი ორგანიზაციები ეკონომიკური პოლიტიკის კვლევის ცენტრი (EPRC), საქართველოს ღია საზოგადოების ფონდი (OSGF) და თავისუფალ ჟურნალისტთა სახლი (IJH) ევროკავშირის მიერ მხარდაჭერილი ახალი პროექტის „ერთიანი საქართველო ევროპისთვის“ პრეზენტაციას გამართავენ. პროექტი მიზნად ისახავს საქართველოს ევროკავშირთან დაახლოების ხელშეწყობას საზოგადოების ფართო ჩართულობითა და თანამშრომლობით; ქვეყანაში დემოკრატიის, სამოქალაქო საზოგადოების, ახალგაზრდების, მედიის, ბიზნესის, ახალგაზრდა ადვოკატების, და აქტივისტების სამართლებრივ მხარდაჭერასა და გაძლიერებას; სამეცნიერო კვლევებისა და საზოგადოებრივი დიალოგის ინიცირებას; საქართველოს საზოგადოებისა და საერთაშორისო საზოგადოების ინფორმირების ზრდას. პროექტი შემდეგი 33 თვის განმავლობაში გაგრძელდება. ერთიანი საქართველო ევროპისთვის საერთო ბიუჯეტის 3 მილიონ 99 ათას 837 ევრო. სტუმარი: ირინა გურული - პროექტის "ერთიანი საქართველო ევროპისთვის" მენეჯერი; #საქმიანიდილა-ს ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
საუკეთესო წლიური ანგარიშის და გამჭვირვალობის ჯილდო - BARTA. კონკურსის მიზანია ქართული კომპანიების ანგარიშგების და გამჭვირვალობის ხარისხის ამაღლება. ევროპული და გლობალური მოვლენების გათვალისწინებით, კერძოდ კი, მდგრადი ანგარიშგების დანერგვის მიმართულებით გადადგმული ნაბიჯების პირობებში, ამ ჯილდოს კიდევ უფრო მნიშვნელოვანი როლი ენიჭება. მდგრადი ანგარიშგების დანერგვის მნიშვნელობის მაჩვენებელია 2023 წლის კონკურსში მდგრადი ანგარიშის ორი ნომინაციის შენარჩუნება. ანგარიშები უნდა მომზადდეს საყოველთაოდ აღიარებული საფუძვლების გამოყენებით, როგორიცაა წლიური ანგარიშის ნაწილის სახით წარმოდგენილი გლობალური ანგარიშგების ინიციატივა. 2023 წელს BARTA გაფართოვდა და პირველად გაიხსნა პირველი კატეგორიის კომპანიებისთვის და ჯგუფებისთვის, ისევე როგორც საზოგადოებრივი დაინტერესების მქონე ყველა პირისთვის, რომელთა შორის არიან A და B სალისტინგო კატეგორიებში შემავალი ყველა კომპანია. ბირჟაზე დალისტულმა ყველა კომპანიამ, რომლებმაც შესაბამისობის კრიტერიუმები დააკმაყოფილეს, ისევ ავტომატურად მიიღეს მონაწილეობა შეფასებაში. ეს იმას ნიშნავს, რომ ამ კომპანიებს ჰქონდათ აუდიტის უპირობო დასკვნა და კომპანიის კატეგორიისთვის სავალდებულო ყველა ანგარიში, რომელთა წარდგენისთვისაც შესაბამისი ვადები არ დარღვეულა. საზოგადოებრივი დაინტერესების მქონე სხვა პირებმა და პირველი კატეგორიის კომპანიებმა თუ ჯგუფებმა, განაცხადის თვითწარდგენის უფლებით ისარგებლეს. BARTA 2019 წელს ევროკავშირის და მსოფლიო ბანკის ფინანსური ჩართულობის და ანგარიშვალდებულების ერთობლივი პროექტის ფარგლებში დაარსდა, მას შემდეგ რაც ევროკავშირმა კორპორაციული ფინანსური ანგარიშგებების ფუნდამენტური გადახედვის ინიციატივა წამოაყენა. 2021 წლის აპრილში ევროკომისიამ ევროკავშირის მდგრად ეკონომიკაზე გადასვლის ღონისძიებების მხარდასაჭერად, კორპორაციული მდგრადობის ანგარიშგების დირექტივა დააინიცირა. გამოდის, მდგრადი ანგარიშგება ევროკავშირში ისეთსავე მნიშვნელოვან ადგილს დაიკავებს, როგორიც ფინანსურ ანგარიშგებას უკავია. შეიძლება გლობალურადაც იმავეს ველოდოთ, რამდენადაც ფასს-ის ფონდი მდგრადი ანგარიშგების საერთაშორისო სტანდარტების შემ #ახალიამბები #BusinessMediaGeorgia
ევროკავშირი-საქართველოს ბიზნეს საბჭოს (EUGBC) ორგანიზებით, მიმდინარე წლის 6 დეკემბერს შავი ზღვის პლატფორმის ყოველწლიური კონფერენცია გაიმართა. ღონისძიება USAID-ის ეკონომიკური მმართველობის პროგრამის მხარდაჭერით ჩატარდა. კონფერენციაზე ის გამოწვევები და შესაძლებლობები განიხილეს, რაც შუა დერეფნის სატრანსპორტო მარშრუტს უკავშირდება. საუბარი შეეხო კონკრეტულ პროექტებსა და რეფორმებს, რაც გაამარტივებს ევროკავშირთან ვაჭრობას და განამტკიცებს ურთიერთკავშირებს. ღონისძიებაში მონაწილეობა მიიღეს სამთავრობო უწყებების, დიპლომატიური კორპუსის, ბიზნეს ასოციაციების, კერძო სექტორისა და სამოქალაქო ორგანიზაციების წარმომადგენლებმა, როგორც საქართველოდან, ისე ევროკავშირის ქვეყნებიდან და რეგიონიდან. სტუმრები: ნატალია ბერუაშვილი - USAID-ის ეკონომიკური მმართველობის პროგრამის ხელმძღვანელი; გიორგი კაჭარავა - ევროკავშირი-საქართველოს ბიზნეს საბჭოს (EUGBC) აღმასრულებელი დირექტორი; #საქმიანიდილა-ს ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
მაკდონალდსი გლობალური სიახლეებისთვის ემზადება, ამის შესახებ კომპანიის აღმასრულებელმა დირექტორმა, კრის კეპჩინსიკმ სიენენთან ინტერვიუში განაცხადა და აღნიშნა, რომ სიახლეებში ბურგერის მოცულობის ზრდა, ფილიალების დამატება, მომხმარებლების რაოდენობის მატება და მარკეტინგულ აქტივობებში ინვესტიციების ზრდა მოიაზრება. კონკრეტულად, რა სიახლეებს გეგმავს ბურგერების ქსელი? #ახალიამბები #BusinessMediaGeorgia
„თეგეტა ჰოლდინგი", საქართველოს ფასიანი ქაღალდების ბაზრის ისტორიაში პირველად, ლარში დენომინირებული, საცალო მომხმარებლებისათვის განკუთვნილი, ობლიგაციების ემისიას აანონსებს. ფასიანი ქაღალდების საორიენტაციო მოცულობა 20 მილიონი ლარია. ტრანზაქციის განთავსების ექსკლუზიური აგენტი თიბისი კაპიტალია. სტუმრები: თორნიკე მჭედლიშვილი - "თიბისი კაპიტალის" საბროკერო მიმართულების ვიცე-პრეზიდენტი; მანანა ხინაშვილი - „თეგეტა ჰოლდინგის“ ინვესტორებთან ურთიერთობის დეპარტამენტის ხელმძღვანელი. #ახალიამბები #BusinessMediaGeorgia
2022 წელს საერთო სამუშაო სივრცეებზე მოთხოვნამ რეკორდულ მაჩვენებლებს მიაღწია, რის გამოც ბაზარზე არაერთი ახალი ობიექტი გაჩნდა. ამ დროის მონაცემებით, თბილისში ასეთი 50-მდე ობიექტია რეგისტრირებული, თუმცა 2023 ამ ბაზრისთვის ისეთივე წარმატებული არ აღმოჩნდა როგორც გასული წელი. როგორ ვითარდება თბილისში Co-working ინდუსტრია? #ახალიამბები #BusinessMediaGeorgia
25 წელი ქართულ ბაზარზე და განსაკუთრებული ადგილი მომხმარებლებისთვის, რომელიც ხარისხთან და საუკეთესო მომსახურებასთან ასოცირდება. ხშირად ამ ბრენდის მაღაზიებს ახალი წლის პერიოდში ვსტუმრობთ… როგორ მოახერხა "ჰოუმმა" ძალიან კონკურენტულ და გაჯერებულ ბაზარზე ბრენდად ქცევა და რა ღირებულებებს აერთიანებს კომპანია დღეს. მაყვალა როგავა - HOME • ჰოუმ-ის დამფუძნებელი; #BrandVoice #ბრენდისხმა #BMG #BMGTV #ახალიამბები #BusinessMediaGeorgia
ველი ორი წლის გახდა. ი-კომერს პლატფორმებისთვის განსაკუთრებით ცხელ სეზონზე დაბადების დღე მისი დაარსებიდან და ბაზარზე გამოჩენისთანავე ამბიციის მასშტაბებზე და გეგმებზე 2 წლის წინაც ბევრს ამბობდა. ეს დრო ყველა წინასწარ გაწერილი მიზნის მისაღწევად საკმარისი არ არის, თუმცა კომპანიის საჯარო დაპირებებს და სიახლეებს თუ გადავხედავთ ნაბიჯ ნაბიჯ მიყოლილ გზაზე მომხმარებლისთვის საუკეთესო გამოცდილების შექმნისთვის არაერთ პროექტს და უცვლელად ხარისხიან მომსახურებაზე ამბებს ყველაზე სკეპტიკურებიც ვერ აუვლიან გვერდს. ამ ვარაუდის საფუძველი ანოვას კვლევის შედეგებიც შეიძლება იყოს, რომლის მიხედვითაც ველის ქართულ იქომერს პლატფორმებს შორის ყველაზე დიდი (29%) სამომხმარებლო წილი უკავია და ამავე მონაცემებში NPS( ენ პი სის) - 89 ქულიანი შეფასება აქვს. 2 წელში შეგროვებულ ჯილდოებზე და რაც მთავარია მომხმარებლის დამოკიდებულებაზე? სტუმარი: გიორგი ბერეჩიკიძე - "ველისთორის" ციფრული მარკეტინგის ხელმძღვანელი; #ახალიამბები #BusinessMediaGeorgia
ელექტროტექნიკის უმსხვილესი გლობალური ექსპორტიორები #ახალიამბები #BusinessMediaGeorgia
"ვოლვო ქარ საქართველოს" სრულიად ახალი კონცეპტუალური შოურუმი ოფიციალურად გაიხსნა, ეს არის იმ შოურუმების ანალოგი, რომლებიც ბრენდის სამშობლოში, შვედეთშია წარმოდგენილი და მომსახურების ცენტრი სრულად VRE კონცეფციითაა შექმნილი. ბრენდი უსაფრთხოებითა და ეკომეგობრული ბიზნესმოდელით არჩეულ ხაზს სრულად მიჰყვება და თბილისში მდებარე შენობის ფასადსა და სახურავზე დამონტაჟებული მზის პანელებით, კომპანია განახლებადი ენერგიის მიღებას გეგმავს. მასშტაბური პროექტისთვის 15 მილიონი ლარის ინვესტიცია განხორციელდა. #ახალიამბები #BusinessMediaGeorgia
მოსწავლეთა შეფასების საერთაშორისო პროგრამამ (PISA) 2022 წლის მონაცემები გამოაქვეყნა, რომლის თანახმად, საქართველო წაკითხულის გააზრებაში, 81 ქვეყანას შორის 67-ე ადგილზეა. მათემატიკაში მე-60, საბუნებისმეტყველო მეცნიერებებში კი 66-ე პოზიცია უჭირავს. კვლევის თანახმად ირკვევა, რომ საქართველოს 2022 წლის შედეგები, 2018 წელთან შედარებით, მათემატიკასა და კითხვაში გაუარესდა, საბუნებისმეტყველო მეცნიერებებში კი მცირედით გაუმჯობესდა. მონაცემების მიხედვით, საქართველოში კერძო სკოლების მოსწავლეები სტატისტიკურად მნიშვნელოვნად მაღალ შედეგებს აღწევენ საჯარო სკოლის მოსწავლეებთან შედარებით, როგორც მათემატიკაში, ასევე კითხვასა და საბუნებისმეტყველო საგნებში. სკოლის ტიპების მიხედვით, შედეგები ასეთია: მათემატიკა: კერძო - 445 ქულა, საჯარო - 384 ქულა; კითხვა: კერძო - 426 ქულა, საჯარო - 369 ქულა; საბუნებისმეტყველო საგნები: კერძო - 436 ქულა, საჯარო - 379 ქულა. სკოლის ადგილმდებარეობის მიხედვით, PISA 2022-ში მათემატიკაში მაღალი შედეგებით გამოირჩევიან თბილისის მაცხოვრებელი მოსწავლეები (417 ქულა), შემდეგ სხვა ქალაქებისა (383 ქულა) და სოფლად მცხოვრები მოსწავლეები (369 ქულა). ყველაზე დაბალი შედეგები დაბაში მცხოვრებ მოსწავლეებს აქვთ (344 ქულა). მსგავსი შედეგებია კითხვასა და საბუნებისმეტყველო საგნებშიც. PISA 2022 წლის შედეგებით, საქართველოში ბიჭები (387 ქულა) და გოგონები (393 ქულა), საშუალოდ მსგავს დონეზე ასრულებდნენ მათემატიკის დავალებებს, თუმცა კითხვაში გოგონები 35 ქულით სჯობნიდნენ ბიჭებს. საბუნებისმეტყველო საგნებში კი გოგონების მაჩვენებლები (391 ქულა) ბიჭებისას (377 ქულა)14 ქულით აღემატებოდა. PISA 2022-ში მონაწილეობდა 81 ქვეყნისა და აერთიანებდა დაახლოებით 29 მილიონ 15 წლის მოზარდს. სტუმარი: ავთო აბდუშელიშვილი - სკოლა „შავნაბადას“ დირექტორი, სასკოლო ადმინისტრატორთა ასოციაციის წევრი; #ახალიამბები #BusinessMediaGeorgia
მიმდინარე წლის 9 თვეში, საქართველოში პირველადი მოხმარების პროდუქციით ვაჭრობის (FMCG) ბაზარზე ზრდის ტენდენცია გაგრძელდა. TBC Capital-ის კვლევის თანახმად, სექტორის შემოსავალი წლიურად 25%-ით, 5.1 მილიარდ ლარამდე გაიზარდა. სექტორული კვლევა აჩვენებს, რომ სტრუქტურულად მნიშვნელოვანი ცვლილებები არაა და FMCG ბაზრის მთლიანი შემოსავლების ნახევარზე მეტი სამ უმსხვილეს კომპანიაზე (ნიკორა, ორი ნაბიჯი, კარფური) მოდის. უფრო დეტალურად, 9 თვის მონაცემებით, 5.1 მილიარდი ლარის შემოსავალი კომპანიებს შორის ასე ნაწილდება: ნიკორა - 20.1%; ორი ნაბიჯი - 17.6%; კარფური - 14.6%; სპარი -13.1%; მაგნიტი - 9.7%; დეილი - 4.6%; გუდვილი 4.3%; აგროჰაბი - 4.2%; ზღაპარი - 2.5%; ფრესკო - 2.4%; მადაგონი - 1.8%; გვირილა - 1.7%; ევროპროდუქტი - 1.3%; ექსპრეს ქსელი - 1.3%; სმარტი - 0.9%. აღსანიშნავია, რომ გაზრდილია კომპანიების წარმომადგენლობა რეგიონებში, რაც შემოსავლების ზრდაშიც აისახა. კერძოდ, თბილისზე 3.1 მილიარდი ლარის შემოსავალი მოდის, რაც წლიურად 23%-ით გაზრდილი მაჩვენებელია. რეგიონების შემთხვევაში კი, ზრდა კიდევ უფრო მეტია და 28%-ს შეადგენს, შემოსავალი - 1.9 მილიარდი ლარია. თბილისის შემთხვევაში მაღაზიების რაოდენობა 20%-ით, 1 405 ერთეულამდეა გაზრდილი, ხოლო რეგიონებში 39%-ით, 1 268-მდე. როგორ ვითარდება საქართველოში პირველადი მოხმარების პროდუქციით ვაჭრობის ბაზარი? სტუმარი: თემურ ალექსანდრია - "ნიკორა ტრეიდის" აღმასრულებელი დირექტორი; #ახალიამბები #BusinessMediaGeorgia
მას შემდეგ რაც ფასების რეგულირების მექანიზმი, ე.წ რეფერენტული ფასწარმოქმნა ამოქმედდა გაჩნდა რისკები რომ ბაზარზე მაღალი ხარისხის, ევროპული წარმოების მედიკამენტების დეფიციტი შეიქმნებოდა. ფარმაცევტული ასოციაციის ინფორმაციით, 1200-ზე მეტი მედიკამენტი მწვავე დეფიციტშია და არსებობს წამლები, რომლებიც ამ მოცემულობით მარაგების ამოწურვის შემდეგ ბაზარზე ვეღარ შემოვა. დარგობრივი ასოციაციების თქმით, იმ შემთხვევაში თუ არსებულ მეთოდოლოგიაში ცვლილებები არ შევა, ევროპული წარმოების მაღალხარისხიანი მედიკამენტები დაბალხარისხიანი პროდუქციით ჩანაცვლდება. როგორი იყო ფარმაცევტული სექტორისთვის 2023 წელი და რა რისკები არსებობს ბაზარზე? სტუმარი: ირაკლი მარგველაშვილი - "საერთაშორისო ფარმაცევტული კომპანიების წარმომადგენელთა ასოციაციის" ხელმძღვანელი; #ახალიამბები #BusinessMediaGeorgia
#საქმიანიდილა-ს ახალი რუბრიკა - “ფინტექი საქართველოში” სტუმარი: ვარლამ ებანოიძე - ეროვნული ბანკის ფინანსური და საზედამხედველო ტექნოლოგიების განვითარების დეპარტამენტის უფროსი; #ახალიამბები #BusinessMediaGeorgia
რამდენიმე თვეა განსაკუთრებით აქტიურად განიხილება და ხშირად საკმაოდ ხმაურიანადაც საავტორო უფლებების თემებთან დაკავშირებული საკითხები, უშუალოდ საკანონმდებლო ცვლილებებს მიღმა ბაზარზე მოქმედი და შემოქმედებითი სფეროს წარმომადგენლების განსხვავებული პოზიციების გათვალისწინებით. ბევრჯერ იყო საუბარი და განხილვა კონკრეტული ბრალდებების ფონზე, თუმცა ამ დროში უმეტესად უშუალოდ ცვლილებებთან დაკავშირებული საკითხები ნაკლებად განხილვადი იყო. ამ დროისთვის მოკითხული ინფორმაციით, ჰონორარების შეკრების ფუნქციას GCA ახორციელებს, რომელთან დაკავშირებითაც ავტორების ნაწილის საჯარო პრეტენზიები არაერთხელ იყო. გასული თვეების და კვირების განმავლობაში იყო პასუხებიც, თუმცა ამ კითხვა-პასუხის დაუსრულებლობის ფონზე შეიქმნა საინიციატივო ჯგუფი, რომლის მიერ ორი სხვა და სხვა ჰონორარების შეკრების ფუნქციის მატარებელი ორგანიზაციის წესდებების შესწავლა მოხდა. სტუმრები: დათო ევგენიძე - მუსიკოსი; მიშა რამიშვილი - IPOA-ს წარმომადგენელი, იურისტი; ლადო რაფავა - დათო ევგენიძის ადვოკატი; #ახალიამბები #BusinessMediaGeorgia
თიბისი კონცეპტის მომხმარებლებისთვის ბანკის 0%-იანი თანამონაწილეობით და ამას გარდა თბილისის ჰილსს სპეციალური შეთავაზება აქვს. სტუმარი: თამარ კანთელაძე - "ორთაჭალა ჰილსის" გაყიდვების სამსახურის ხელმძღვანელი; #ახალიამბები #BusinessMediaGeorgia
„გალტ & თაგარტი“ წარმოადგენდა „თეგეტას“ ექსკლუზიურ განთავსების აგენტს უცხოურ ვალუტაში დენომინირებული ობლიგაციების სრული პროგრამისთვის და ამასთან, ერთადერთ საინვესტიციო ბანკს, რომელსაც ადგილობრივ ბაზარზე, ევროში დენომინირებული ობლიგაციების შეთავაზება გაუკეთებია. აღსანიშნავია, რომ პროგრამის მიმართ და განსაკუთრებით, ევროს ობლიგაციების შეთავაზებებისთვის, საკმაოდ მაღალი დაინტერესება იყო ინვესტორების მხრიდან. შედეგად ობლიგაციები შეძენილი აქვს 194-მდე ქართველ და უცხოელ ფიზიკურ პირს, რაც ინვესტორთა ბაზის მაღალ დივერსიფიკაციაზე მიუთითებს სტუმრები: ანი კვარაცხელია - Galt & Taggart-ის კაპიტალის ბაზრის სამსახურის უფროსი; მანანა ხინაშვილი - „თეგეტა ჰოლდინგის“ ინვესტორებთან ურთიერთობის დეპარტამენტის ხელმძღვანელი #ახალიამბები #BusinessMediaGeorgia
ექიმი, რომელიც ბედნიერების ჰორმონებს აბრუნებს დავით აბულაძე - ზოგადი და ბარიატრიული ქირურგი, პროფესორი; ხათუნა გარდაფხაძე - დავით აბულაძის ქართულ-იტალიური კლინიკის დირექტორი ავტორები: მანანა მანჯგალაძე, ედგარ ყაზახაშვილი, ლადო ცხადაია #ახალიამბები #BusinessMediaGeorgia
რატომ სჭირდებათ კომპანიებს საახალწლო მარკეტინგული კამპანიები? #ახალიამბები #BusinessMediaGeorgia
მიმდინარე წელს მსოფლიოს ქვეყნების საგარეო ვალი, სავარაუდოდ, 97 ტრილიონ ამერიკულ დოლარს გადააჭარბებს, რაც 40%-ით მეტია 2019 წელთან შედარებით. საერთაშორისო სავალუტო ფონდის პროგნოზებზე დაყრდნობით ვიზუალ კაპიტალისტმა 2023 წელს ქვეყნების საგარეო ვალი დაითვალა. რომელ ქვეყანას რა მოცულობის საგარეო ვალი აქვს? მარიამ იზორია - BMG-ის რეპორტიორი #ახალიამბები #BusinessMediaGeorgia
ტერაბანკისა და საქართველოს ინოვაციებისა და ტექნოლოგიების სააგენტოს ორგანიზებით, მცირე და საშუალო ბიზნესის მხარდაჭერის პლატფორმა Saasargeblo.ge-მ B2B შეხვედრა გამართა. შეხვედრა მცირე და საშუალო ბიზნესისა და SaaS კომპანიების წარმომადგენლების გაცნობას, მათ შორის ახალი, სასარგებლო და პერსპექტიული პარტნიორობების დამყარებას, მცირე და საშუალო ბიზნესების გაციფრულების მხარდაჭერასა და, საბოლოოდ, ქვეყანაში SaaS ეკოსისტემის განვითარების ხელშეწყობას ემსახურებოდა. #ახალიამბები #BusinessMediaGeorgia
პროკრედიტ ბანკში, გუშინ ქალების და გოგოების გაძლიერების აქტივობის ფარგლებში, ახალგაზრდული პროექტის “გოგოები ცვლილებებისთვის“ მეოთხე ეტაპი გაიმართა. პროგრამის ფარგლებში უკვე 200-ზე მეტი სტუდენტი გოგო გადამზადდა, სხვადასხვა უნივერსიტეტის ბაკალავრიატის/მაგისტრატურის საფეხურიდან. პროექტის ფარგლებში, მათ ეძლევათ შესაძლებლობა აიმაღლონ ცოდნა საერთაშორისო და არასამთავრობო ორგანიზაციების, ევროკავშირის, PR სტრატეგიების, ბიზნესის მართვის, ვაჭრობის, საინვესტიციო გარემოს შესახებ და განივითარონ ლიდერული უნარები პროფესიონალების დახმარებით. #ახალიამბები #BusinessMediaGeorgia
Visa-სა და თიბისის პარტნიორობით საქართველოში საერთაშორისო გადახდების პლატფორმა Visa Direct to Account დაინერგება. თანამშრომლობის ხელშეკრულებას თიბისის გენერალურმა დირექტორმა ვახტანგ ბუცხრიკიძემ და Visa VDA-ის ცენტრალური ევროპის, ახლო აღმოსავლეთისა და აფრიკის (CEMEA) რეგიონის ხელმძღვანელმა ივან პონოვარონმა მოაწერეს ხელი. პლატფორმის დანერგვის შემდეგ თიბისის მომხმარებლებს შესაძლებლობა მიეცემათ გამარტივებულად და უფრო მოკლე დროში განახორციელონ საერთაშორისო გადახდები. გარდა ამისა, შესაძლებელი გახდება დამატებით 1.5 მილიარდ მოწყობილობასთან კავშირის დამყარება, რომელთა უმრავლესობაც ადრე მიუწვდომლად ითვლებოდა. თანხის გადარიცხვა, გადახდა და მიღება მსოფლიოს უმსხვილესი ელექტრონული საფულეებისა და მობილური სერვისებით იქნება შესაძლებელი. #ახალიამბები #BusinessMediaGeorgia
#საქმიანიდილა - 7 დეკემბერი - პროლოგი #ახალიამბები #BusinessMediaGeorgia
ბოლო პერიოდის სულ უფრო მეტი მონაცემი ადასტურებს, რომ თანასწორობისკენ სწრაფვა ბიზნესს ეხმარება არა მარტო მეტი ინვესტიცია მოიზიდოს და შემოსავალი გაზარდოს, არამედ საზოგადოებრივ კეთილდღეობაშიც საკუთარი მნიშვნელოვანი წვლილი შეიტანოს. სწორედ ამ თემებზე იმსჯელეს გუშინ გაეროს ქალთა გაძლიერების პრინციპების ყოველწლიურ კონფერენციაზე, რომელიც გაეროს ქალთა ორგანიზაციის ინიციატივითა და ნორვეგიის მთავრობის მხარდაჭერით, უკვე მეექვსედ გაიმართა. რა მნიშვნელობა აქვს გენდერულ ბალანსს ბიზნესში, როგორია ქალთა ბიზნესების დაფინანსება საქართველოში და სად ვართ ქალთა გაძლიერების პრინციპების დანერგვის თვალსაზრისით? სტუმარი: ქეთი შუბაშვილი - გაეროს ქალთა ორგანიზაციის პროგრამის ანალიტიკოსი; #ახალიამბები #BusinessMediaGeorgia
ენერგეტიკის სექტორი მეორე სიმძლავრის აუქციონისთვის ემზადება. არსებული ინფორმაციით, ეკონომიკის სამინისტრო მომდევნო აუქციონს დეკემბრის ბოლომდე გამოაცხადებს. აუქციონზე ჯამში 600 მეგავატის სიმძლავრის პროექტების გამოტანა იგეგმება. 22 ნოემბერს განახლებადი ენერგიების ასოციაციის წევრი კომპანიებისა და ეკონომიკის სამინისტროს წარმომადგენლების შეხვედრაზე საუბარი იყო ასევე ახალ ინიციატივაზეც, რომელიც ბიზნესს აქვს. GREDA და მზის ენერგიის ასოციაცია სამინისტროს CFD სქემის ფარგლებში ენერგიის დამაგროვებელი ბატარეების პროექტების გათვალისწინებას სთხოვს. რამდენად საინტერესოა კერძო სექტორისთვის ენერგიის დამაგროვებლებში ინვესტირება და რამდენად დიდია ინტერესი მეორე სიმძლავრის აუქციონების მიმართ? სტუმარი: გიორგი მარგებაძე - მცირე და საშუალო ჰესების ასოციაციის ხელმძღვანელი #ახალიამბები #BusinessMediaGeorgia
5 დეკემბერს თბილისში ავეჯისა და ინტერიერის აქსესუარების ახალი შოურუმი, „ჰოუმ გალერი“ გაიხსნა, სადაც იტალიური, ფრანგული და გერმანული წარმოების პრემიუმ ბრენდები არის წარმოდგენილი. შოურუმში შეხვდებით ისეთი ბრენდებს, როგორიცაა: „ჯორჯეტტი“, „პორადა“, „ოუქი“, “მოროზო”, “არმანი კასა”,“იგუცინი”, “ფიურსტენბერგი”„რეინო“ და სხვა. პროდუქცია გამოირჩევა დახვეწილი დიზაინითა და უმაღლესი ხარისხით. „ჰოუმ გალერის“ შოურუმში სტუმრობა უკვე შესაძლებელია დიღომში, ასტრა პარკის გვერდით, კონსტანტინე ჩაჩავას 4-ში. #ახალიამბები #BusinessMediaGeorgia
თბილისის მერიის წარმომადგენლები სადისტრიბუციო და რითეილ სექტორის წარმომადგენლებს შეხვდნენ. განსახილველი საკითხი დედაქალაქის ადმინისტრაციულ საზღვრებში სხვადასხვა კატეგორიის სატრანსპორტო საშუალებების მოძრაობის საათობრივი რეგულირება იყო. დაგეგმილი ცვლილებები გულისხმობს დილის 8 საათიდან 11 საათამდე და საღამოს 5 საათიდან 8 საათამდე შუალედში მ2,ნ2 და ნ3 კატეგორიების სატრანსპორტო საშუალებების მოძრაობის აკრძალვას. შეხვედრაზე ბიზნესის მხრიდან დასმულ იქნა საკითხები იმ მოსალოდნელი ნეგატიური შედეგების შესახებ, რომლის წინაშეც კომპანიები ცვლილებების არსებული რედაქციით დამტკიცების შემთხვევაში დადგებიან. რა ზეგავლენას მოახდენს სატრანსპორტო საშუალებების მოძრაობის რეგულირება სადისტრიბუციო და რითეილ სექტორზე, რაზე იყო საუბარი მერიის წარმომადგენლებთან შეხვედრაზე და რამდენად მზადაა მერია ბიზნესთან მოლაპარაკებებისთვის? სტუმრები: ლაშა რიჟამაძე - დისტრიბუტორთა ბიზნეს ასოციაციის გენერალური მდივანი; სოფო ქაშაკაშვილი - რითეილ ასოციაციის აღმასრულებელი დირექტორი. #ახალიამბები #BusinessMediaGeorgia
2023 წლის 9 თვის განმავლობაში მოზიდულმა სადაზღვევო პრემიამ პირდაპირი დაზღვევის საქმიანობიდან 818 მილიონი ლარი შეადგინა. ამის შესახებ ინფორმაცია დაზღვევის ზედამხედველობის სამსახურის მიერ გამოქვეყნებულ ანგარიშშია მოცემული. საქართველოს მოსახლეობის 19% სარგებლობს სამედიცინო დაზღვევით, 2023 წლის 9 თვეში 725,710 სამედიცინო დაზღვევის პოლისი იყო მოქმედი. ავტოდაზღვევის კუთხით კი, 122,360 პოლისი იყო გაყიდული. 2023 წლის ამ დრომდე ხელმისაწვდომი შედეგების მიხედვით ანაზღაურების ყველაზე მაღალი მაჩვენებელი თიბისი დაზღვევას უფიქსირდება. კომპანიას ჯამურად 77 მლნ ლარზე მეტი აქვს ანაზღაურებული. სტუმრები: დავით კიღურაძე - "თიბისი დაზღვევა", გენერალური დირექტორის მოადგილე; ნიკოლოზ ბრეგვაძე, "თიბისი დაზღვევა", სტრატეგიული განვითარების დეპარტამენტის უფროსი #ახალიამბები #BusinessMediaGeorgia
Euromoney-იმ 2023 წლის Awards for Excellence-ის ფარგლებში საქართველოში საქართველოს ბანკი საუკეთესო კორპორატიული სოციალური პასუხისმგებლობის მქონე ფინანსურ ინსტიტუტად დაასახელა. 1992 წლიდან Euromoney-ი მიზნად ისახავს ისეთი ფინანსური ინსტიტუტების გამოვლენასა და აღიარებას, რომლებიც პოზიტიურ ცვლილებას ახორციელებენ. წელს განსაკუთრებული ყურადღება კორპორატიული სოციალური პასუხისმგებლობის მიმართულებას დაეთმო. რომლის ფარგლებშიც, საქართველოს ბანკი საქართველოში საუკეთესო კორპორატიული სოციალური პასუხისმგებლობის მქონე ბანკად დასახელდა. საქართველოს ბანკის კორპორატიული სოციალური პასუხისმგებლობა სამ ძირითად მიმართულებას აერთიანებს, როგორებიცაა განათლების შესაძლებლობების შექმნა, ბიზნესის მხარდაჭერა და დასაქმების ხელშეწყობა. სტუმარი: ანა ლომთაძე - საქართველოს ბანკის CSR მიმართულების ხელმძღვანელი; #ახალიამბები #BusinessMediaGeorgia
Impact Hub Tbilisi-ს სტარტაპ პრე-აქსელერატორი იწყებს თანამშრომლობას Startup Wise Guys-თან, ევროპის ერთ-ერთ ყველაზე მსხვილ და წარმატებულ აქსელერატორთან. 2024 წლის იანვარში, Impact Hub Tbilisi-ის სტარტაპ პრე-აქსელერატორის მონაწილე 9 შერჩეული გუნდი გაემგზავრება ტალინში, ესტონეთში და დაესწრება Startup Wise Guys-ის მიერ სპეციალურად შემუშავებულ ინტენსიურ ტრენინგებს. გუნდებს ექნებათ შესაძლებლობა გაიზიარონ საერთაშორისო გამოცდილება და გაეცნონ ესტონეთის ძალიან წარმატებულ და ინოვაციურ სტარტაპ ეკოსისტემას. სტუმრები: მარიკა ხანთაძე - სტარტაპი Roommate-ის თანადამფუძნებელი; ნინი მოსიაშვილი - სტარტაპი Helio.AI-ის თანადამფუძნებელი. #ახალიამბები #BusinessMediaGeorgia
გუშინ სტამბაში, USAID-ის ფინანსური ინოვაციების პროგრამის ორგანიზებით ღონისძიება გაიმართა, რომელსაც საჯარო და კერძო სექტორის წარმომადგენლები ესწრებოდნენ და მისი მიზანი პროექტების შედეგების წარდგენა და სამომავლო გეგმების დამსწრეებისთვის გაცნობა იყო. USAID-ის ფინანსური ინოვაციების პროგრამის ორგანიზებით გამართულ ღონისძიებას გუშინ 150 მდე წარმომადგენელი ესწრებოდა. პროგრამა საქართველოში ინვესტიციების ზრდაზე, ინოვაციური ფინანსური პროდუქტების განვითარებაზე და ახალი სამუშაო ადგილების შექმნაზეა ორიენტირებული. სტუმრები: ქრისანტოს მილიარასი - USAID-ის ფინანსური ინოვაციების პროგრამის ხელმძღვანელი; გიორგი დარჩია - USAID-ის ფინანსური ინოვაციების პროგრამის ხელმძღვანელის მოადგილე; საუბარს სინქრონულად თარგმნის NG Georgia #ახალიამბები #BusinessMediaGeorgia
#საქმიანიდილა - 6 დეკემბერი - პროლოგი #ახალიამბები #BusinessMediaGeorgia
ქართულ ადგილობრივ მწარმოებლებს, განსაკუთრებით დატვირთული პერიოდი, სწორედ ახლა, დეკემბრის პერიოდში აქვთ, რადგან წინასაახალწლო სამზადისი, დამატებით შრომას და რესურსს მოითხოვს. ჩირს, ჩურჩხელას, ტყლაპს - ანუ, სეზონურ პროდუქტს, ზამთარში და მითუმეტეს საახალწლოდ განსაკუთრებული ადგილი უჭირავს, საქართველო კი ამ მხრივ განებივრებულია. აჭარის მთებში, ქედაში წლების წინ გახსნილი მშრალი ხილის საწარმო კერკი მომხმარებლებს სხვადასხვა ასორტიმენტს სთავაზობს, მათ შორის სასაჩუქრე შეფუთვებს, რომელიც ახალი წლის განუყოფელი ნაწილი გახდა. სტუმარი: ესმა ხალვაში - ქართული მშრალი ხილის საწარმო "კერკის" კომერციული დირექტორი; #ახალიამბები #BusinessMediaGeorgia
ახალ წლამდე 3 კვირაა დარჩენილი, ხოლო კერძო სექტორი აქტიურ სამზადისშია, ბაზარზე უკვე არის საახალწლო პროდუქტების მრავალფეროვანი არჩევანიც. წელსაც ისევე როგორ გასულ წლებში ბიბლუსი ჯგუფი წიგნებთან და საკანცელარიო ნივთებთან ერთად, საახალწლო პროდუქციასაც სთავაზობს ბაზარს. წელს განსაკუთრებულად ემზადებიან და ბიზნესებს გამოფენაში ჩართულობას და სხვადასხვა შეთავაზებებს სთავაზობენ. სტუმარი: ირაკლი გაგნიძე - "ბიბლუსი ჯგუფის" გენერალური დირექტორი #ახალიამბები #BusinessMediaGeorgia
მიწის ამზომველებს სერტიფიცირების ვალდებულება უჩნდებათ - იუსტიციის სამინისტროს მიერ შემუშავებული შესაბამისი კანონპროექტი პარლამენტში უკვე ინიცირებულია და მას დაჩქარებული წესით განიხილავენ. ცვლილების მიხედვით, ფიზიკური პირს, რომელსაც არ ექნება გავლილი სპეციალური სწავლება და შესაბამისი სერტიფიკატი, ეკრძალება საკადასტრო აგეგმვითი-აზომვითი სამუშაოების შესრულება. როგორი ეფეტი ექნება ცვლილებას და ზოგადად, როგორ მიმდინარეობს მიწების რეგისტრაცია? სტუმარი: თეო ზაქარაშვილი - “საერთაშორისო გამჭვირვალობა საქართველო” მთავარი იურისტი; #ახალიამბები #BusinessMediaGeorgia
10 დღეში წლევანდელი ბარტას დაჯილდოება გაიმართება. ვინ გახდა საუკეთესო წლიური ანგარიშის და გამჭვირვალობის ჯილდოს - BARTA-ს - მფლობელი მეხუთე საიუბილეო წელს ამაზე შესაბამისად მოგვიანებით მოგიყვებით და მიუხედავად იმისა რამდენად მნიშვნელოვანია ჯილდოთი კომპანიების დაფასება და მათ მიერ გაწეული ნამუშევრის შეფასება, თავად პროცესი, რომელიც ფინანსურ გამჭვირვალობას უკავშირდება ცალკე მასშტაბია. ბიზნესის ზრდისთვის ერთ-ერთი ყველაზე მნიშვნელოვანი კომპონენტები ფინანსური გამჭვირვალობა და ანგარიშგების მაღალი ხარისხია. გაზრდილი გამჭვირვალობა და ფინანსური ანგარიშგების აუდიტის მაღალი ხარისხი ზრდის ინვესტორების უნარს შეაფასონ ამა თუ იმ კომპანიის ფინანსური მაჩვენებლები და შესაბამისად მიიღონ გააზრებული საინვესტიციო გადაწყვეტილებები. სტუმრები: ირინა გორდელაძე - "მსოფლიო ბანკის" უფროსი კონსულტანტი მართვის სფეროში; ლელა ხუჭუა - ბუღალტრული აღრიცხვისა და ანგარიშგების ზედამხედველობის დეპარტამენტის უფროსი. #BARTA2023 #ახალიამბები #BusinessMediaGeorgia
Galt & Taggart: გლობალური ბაზრების ყოველკვირეული მიმოხილვა / Global Markets Weekly Update სტუმარი: რატი მესხიშვილი - Galt & Taggart-ის უფროსი ასოცირებული ბროკერი; #ახალიამბები #BusinessMediaGeorgia
წინა 3 თვის შენელებული ზრდის შემდეგ ოქტომბერში საქართველოს ეკონომიკური ზრდა 6.2%-მდე დაჩქარდა, რაც თანხვედრაშია ჩვენს მოლოდინთან. ოქტომბერში ზრდა დაფიქსირდა საფინანსო საქმიანობის, ვაჭრობის და ტრანსპორტის დარგებში. ამასთან, რეალური ზრდა შემცირდა დამამუშავებელი მრეწველობის და ურავი ქონების დარგებში. ჯამურად, 2023 წლის იანვარ-ოქტომბერში საქართველოს ეკონომიკა წლიურად 6.9%-ით გაიზარდა, რაც ასევე თანხვედრაშია ჩვენს 2023 წლის ეკონომიკური ზრდის 6.8%-იან პროგნოზთან. რაც შეეხება 2024 წელს, ჩვენი პროგნოზით რეალური მშპ-ის ზრდა 5.0%-ის ფარგლებშია მოსალოდნელი. სტუმარი: ლაშა ქავთარაძე - Galt&Taggart;-ის ეკონომისტი; #ახალიამბები #BusinessMediaGeorgia
ბაზარზე შემოსვლიდან არასრულ 3 თვეში, ჯილი საქართველოს გაყიდვები სტაბილურად იზრდება. მომხმარებლების ინტერესი საკმაოდ მაღალია და კომპანია 2024 წლის იანვრიდან ახალ სამოდელო რიგს ელოდება. მომსახურების გაუმჯობესების და მომხმარებლებისთვის მაქსიმალური კომფორტისთვის, ჯილი საქართველოს ახალი შოურუმი აქვს. სად მიიღებს მომხმარებელს ჯილი საქართველო, როგორია მიმდინარე გაყიდვების მაჩვენებელი და სამომავლო გეგმები? გიორგი შაქარაშვილი - Geely Sakartvelo-ს კომერციული დირექტორი; #ახალიამბები #BusinessMediaGeorgia
"თეგეტა ჰოლდინგი" ზრდა განვითარების კიდევე ერთ ნაბიჯს დგამს და „თეგეტა მოტორსი“ ExxonMobil-ს, საქართველოსა და სომხეთის შემდეგ, ამიერიდან უკვე უზბეკეთშიც ოფიციალურად წარმოადგენს. „თეგეტა მოტორსმა“ Mobil-ის სატესტო გაყიდვები უზბეკეთის ბაზარზე მიმდინარე წელს დაიწყო. საქმიან დასაწყისს და ამ საქმეში ხარისხიან პარტნიორობას ეფექტიც შესაბამისი მოჰყვა და ოფიციალური სადილერო ხელშეკრულების გაფორმება რამდენიმე თვეში გადაწყდა. სამომავლო გეგმები მასშტაბური და საინტერესო უკვე ჩანს, 2024 ში კომპანიის გეგმაშია 1,5 მილიონი ლიტრი საცხებ-საპოხი პროდუქტის რეალიზება. ExxonMobil-ის პროდუქციის ფართო სპექტრი 1000-ამდე დასახელების პროდუქტს მოიცავს და სრულად აკმაყოფილებს უზბეკეთის ბაზრის მოთხოვნებს, მათ შორის, მსუბუქი ავტომობილების, კომერციული ტრანსპორტის, სპეცტექნიკისა და ყველაზე მასშტაბურ ინდუსტრიულ მიმართულებებს. უზბეკეთის ბაზარზე უკვე შეტანილია ExxonMobil-ის 70 დასახელების პროდუქტი, მომდევნო წლისთვის კი ასორტიმენტის გაორმაგებაა დაგეგმილი. სტუმარი: ვახტანგ ღულაძე - „თეგეტა მოტორსის“ კომერციული დირექტორი #ახალიამბები #BusinessMediaGeorgia
საქართველოში სულ უფრო მეტად მზარდია იმ ბიზნესების რაოდენობა, რომლებიც განახლებადი ენერგიის მოხმარებაზე გადადიან და ცდილობენ წარმოება ენერგოეფექტური გახადონ. სწორედ ასეთ კომპანიებს გრინ ენერჯი მზის პანელების დაპროექტებასა და მონტაჟს სთავაზობს. ამჯერად გრინ ენერჯის მომსახურებით ბოსტნეულისა და ბაღჩეულის მწარმოებელი კომპანია “იმერი” ისარგებლებს, რომელიც საწარმო ტერიტორიაზე 225 კილოვატ საათის სიმძლავრის მზის ელექტრო სადგურს მოაწყობს. იმერია გრინ ენერჯის დახმარებით სამ წელიწადში სრულად ენერგოდამოუკიდებელი გახდება, რითაც წარმოების ხარჯებს შეამცირებს. #ახალიამბები #BusinessMediaGeorgia
ბიზნეს ინსაიდერმა ამერიკის ეკონომიკის შესახებ კვლევა გამოაქვეყნა, რომელშიც ნათქვამია, რომ ამერიკა სამ წლიანი რთული პერიოდის შემდეგ ერთგვარ ეკონომიკურ ნირვანას მიაღწია, რაც იმას გულისხმობს, რომ ქვეყანაში ეკონომიკური მდგომარეობა სტაბილურ ნიშნულს მიუახლოვდა, თუმცა ამას წინ საკმაოდ რთული პროცესები უძღოდა. რეალურად რას მოიაზრებს ამერიკის ეკონომიკის დასტაბილურება? #ახალიამბები #BusinessMediaGeorgia
2023 წელი ელექტრომობილებისთვის კიდევ ერთი ისტორიული წელი იყო, როდესაც წლიურმა წარმოებამ პირველად 14 მილიონ ერთეულს გადააჭარბა. უნდა აღინიშნოს, რომ ეს მაჩვენებელი 2022 წელს მხოლოდ 10 მილიონი იყო, რაც იმას ნიშნავს, რომ მხოლოდ 1 წლის განმავლობაში ელექტრომობილების წარმოება დაახლოებით 40%-ით გაიზარდა. ამ მონაცემების პარალელურად, საინტერესოა თუ რომელი ელექტრომობილები არის მთელ მსოფლიოში ყველაზე გაყიდვადი? - ამ კითხვაზე საპასუხოდ CleanTechnica-მ უახლესი მონაცემები გამოაქვეყნა. #ახალიამბები #BusinessMediaGeorgia
2023 წლის ნოემბერში წინა თვესთან შედარებით ინფლაციის დონემ საქართველოში -0.2%, ხოლო წლიური ინფლაციის დონემ 0.1% შეადგინა. საქსტატის მონაცემებით, ყოველთვიური ინფლაციის მაჩვენებლის ფორმირებაზე ძირითადი გავლენა სურსათისა და უალკოჰოლო სასმელების ჯგუფმა იქონია, სადაც საანგარიშო პერიოდში 0.5%-იანი კლება დაფიქსირდა. ავეჯი, საოჯახო ნივთები, სახლის მოვლა - ფასები შემცირდა 1.7%-ით, ჯანმრთელობის დაცვაზე კი კლება 0.8% იყო. როგორია მონაცემები წლიურ ჭრილში? #ახალიამბები #BusinessMediaGeorgia
#საქმიანიდილა - 5 დეკემბერი - პროლოგი #ახალიამბები #BusinessMediaGeorgia
გასული კვირის ბოლოს შრომის ინსპექციის სამსახურის უფროსი ბექა ფერაძე საქართველოს დამსაქმებელთა ასოციაციის წევრ კომპანიებს შეხვდა. შეხვედრის ფარგლებში მხარეებმა განიხილეს როგორც შრომის უსაფრთხოების, ისე შრომითი უფლებების საკითხები საკანონმდებლო მოთხოვნებისა და ინსპექტირების პროცესების ჭრილში. კერძოდ, შრომის ინსპექციის სამსახურის წარმომადგენლებმა წარადგინეს პრეზენტაცია შრომის ინსპექციის მანდატის, ინსპექტირების შედეგების, გამოვლენილი დარღვევების, შრომითი მიგრაციის კანონისა და სხვა აქტუალური თემების შესახებ. შეხვედრას 100-მდე მონაწილე ესწრებოდა და ის კითხვა-პასუხის რეჟიმში წარიმართა. სტუმარი: ელგუჯა მელაძე - დამსაქმებელთა ასოციაციის პრეზიდენტი; #ახალიამბები #BusinessMediaGeorgia
TBC Capital-ის ინფორმაციით, საქართველოში 2023 წელს გაუმჯობესებულმა ბიზნეს აქტივობამ და დაჩქარებულმა მიგრაციამ ხელი შეუწყო ეკონომიკურ ზრდას და გაააქტიურა მოთხოვნა კომერციულ უძრავ ქონებაზე, მათ შორის საცალო და საოფისე ფართებზე. შედეგად ქუჩის სავაჭრო ობიექტების იჯარის ფასი 2023 წლის 9 თვეში თბილისში წლიურად საშუალოდ 11.2%-ით გაიზარდა და კვადრატულ მეტრის ფასმა $19.3- ს მიაღწია. TBC Capital-ის პროგნოზით, 2024 წელს თბილისის ქუჩის საცალო სავაჭრო ობიექტებში ქირის ფასი საშუალოდ 8%-ით კიდევ გაიზრდება. იჯარის ფასები 2023 წლის 9 თვეში 7.5%-ით გაიზარდა თბილისის სავაჭრო ცენტრებში და აქაც მოლოდინია, რომ მომავალი წლისთვის ეს ზრდა გაგრძელდება. თიბისი კაპიტალი მიმოხილვაში წერს, რომ ბიზნესცენტრებში იჯარის ფასები 2024 წელს დაახლოებით 5%-ით გაიზრდება. კომერციულ ფართებზე ყველაზე მაღალი ფასი ვაკეში და მთაწმინდაზე ფიქსირდება, ყველაზე იაფი კი სამგორშია. სტუმარი: ლაშა ბაღათურია - „კრედიტინფო საქართველოს“ ბიზნესის განვითარების ხელმძღვანელი #ახალიამბები #BusinessMediaGeorgia
სახელმწიფო ტენდერებში ფასთა ინდექსაციის გათვალისწინების კვლევის პრეზენტაცია ინფრასტრუქტურის მშენებელთა ასოციაციამ გამართა, სადაც ამ მიმართულებით ევროპის სხვადასხვა ქვეყნებში არსებული გამოცდილება იყო თავმოყრილი. სტუმარი: ანა საბახტარაშვილი - ინფრასტრუქტურის მშენებელთა ასოციაციის თავმჯდომარე #ახალიამბები #BusinessMediaGeorgia
#ავიაციისსიახლეები: ✈ თელავის აეროპორტის ტერმინალის პროექტირებაზე კონკურსი გამოცხადდა; ✈ #WizzAir-ი ქუთაისის აეროპორტში 1 ბაზირებულ ხომალდს ამატებს; ✈ Georgian Airways-ი თბილისიდან სანქტ-პეტერბურგში ფრენებს იწყებს; ✈ სააგენტო სამოქალაქო ავიაციის გარემოზე მავნე ზეგავლენის რეგულირებას იწყებს; ✈ Air Cairo თბილისიდან შარმ ელ-შეიხის მიმართულებით ფრენებს 3 მარტიდან განაახლებს; ✈ Virgin Atlantic-მა 100%-ით მდგრადი საავიაციო საწვავით მსოფლიოში პირველი კომერციული ფრენა შეასრულა; ✈ ლონდონის ჰითროუს აეროპორტის 25%-იანი წილი იყიდება; კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ავიამიმოსვლა #ახალიამბები #BusinessMediaGeorgia