ბათუმისა და ფოთის ნავსადგურებში შემოსული გემების რაოდენობა, წინა წლის ანალოგიურ პერიოდთან შედარებით გაზრდილია. ეკონომიკის მინისტრის მოადგილის ინფორმაციით, რომელსაც რამდენიმე დღის წინ ბათუმსა და ფოთში საზღვაო ნავსადგურებს სტუმრობდა, ასევე გაიზარდა შემოსული გემების ტონაჟიც - ბათუმის ნავსადგურში მიმდინარე წლის პირველ 9 თვეში დაფიქსირდა შემოსული გემების ტონაჟის 19%-იანი, ხოლო ფოთის ნავსადგურის შემთხვევაში 8%-იანი ზრდა.

„ეიპიემ ტერმინალს ფოთის“ 10 თვის მონაცემების მიხედვით ამ შუალედში 532 908 TEU კონტეინერი დაამუშავეს, რაც გასული წლის ანალოგიურ პერიოდთან შედარებით 17%-ით მეტია.

კომპანიის ინფორმაციით, გაიზარდა საკონტეინერო გემების მიღების რაოდენობაც. მიმდინარე წლის 10 თვეში ფოთის პორტმა 299 გემი მიიღო, რაც 14%-ით მეტია, ვიდრე 2024 წლის იანვარ-ოქტომბერში მიღებული 262 გემი. გარდა ამისა, 2025 წლის განმავლობაში გაიზარდა გენერალური ტვირთების მოცულობაც. პორტში დამუშავდა 214 095 ტონა, რაც 11%-ით აღემატება შარშანდელ მაჩვენებელს (192 865 ტონა). ასევე მომატებულია საბორნე გზით მიღებული ტვირთების რაოდენობაც.

სტუმარი: ზვიად ჩხარტიშვილი, ფოთის საზღვაო ნავსადგურის ადმინისტრაციის დირექტორი



#ახალიამბები #BusinessMediaGeorgia