სახელმწიფო უძრავი ქონების პირდაპირი მიყიდვის ფორმით პრივატიზების წინაპირობებს მთავრობა განსაზღვრავს - შესაბამისი ცვლილებები სახელმწიფო ქონების შესახებ კანონში პარლამენტმა უკვე დაამტკიცა. როგორც ეკონომიკის სამინისტროში აცხადებენ, დღემდე ასეთი წინაპირობები არ არსებობდა და ყოველ კონკრეტულ შემთხვევაში, მთავრობა გადაწყვეტილებას ინდივიდუალური განხილვის შემდეგ იღებდა. თავად პრემიერ-მინისტრი, ირაკლი კობახიძე კი აცხადებდა, რომ პირდაპირი გზით პრივატიზაციის არსებული პრაქტიკა მათ შორის კორუფციის რისკებს შეიცავდა. სპეციალისტების ნაწილის შეფასებით კი ამ მიმართულებით შესაბამისი კრიტერიუმების გაწერა კორუფციის რისკებს არსებითად არ შეცვლის, თვითმმართველობის დარგის სპეციალისტები კი აცხადებენ, რომ კანონში შესული ცვლილებები კიდევ უფრო ამცირებს მუნიციპალიტეტებში თვითმმართველი ორგანოების როლს.


#ახალიამბები #BusinessMediaGeorgia