“უცხოელი ავტოდილერების გაკონტროლება და მათი დაჯარიმება დაიწყო“ - ამის შესახებ ავტოიმპორტიორთა ასოციაციაში აცხადებენ. ასოციაციის ცნობით, საგადასახადო ვალდებულებებისთვის თავის არიდების გამო რამდენიმე ათეული არარეზიდენტი პირია დაჯარიმებული. საქართველოში უცხოელი ავტოდილერების რაოდენობა რუსეთისთვის დაწესებული სანქციების ფონზეა განსაკუთრებით გაზრდილი, რადგანაც საქართველო ერთ-ერთი მთავარი ქვეყანაა, რომლის გავლითაც ავტომობილები სხვადასხვა ქვეყანაში, მათ შორის შუა აზიურ ქვეყნებში ხვდება, საიდანაც არის ეჭვი, რომ ავტომობილების ნაწილი შესაძლოა რუსეთშიც გადიოდეს. აღსანიშნავია, რომ სექტემბერში ავტომობილების ექსპორტ-იმპორტი შემცირდა. ექსპორტში კლებამ 3%-ი, იმპორტში კი 31%-ი შეადგინა. თუმცა ამის მიუხედავად, წელს ჯამურად მსუბუქი ავტომობილებით ვაჭრობის მონაცემები ისტორიულ მაქსიმუმზეა. კერძოდ, წელს 9 თვეში საქართველოში იმპორტით 2.8 მილიარდი დოლარის მსუბუქი ავტომობილები შემოვიდა, რაც წლიურად 9.9%-ით გაზრდილი მაჩვენებელია, ამავე დროს საექსპორტო ბაზრებზე 2 მილიარდის ავტომობილები გავიდა, 14%-ით მეტი ვიდრე შარშან. რა ტენდენციებია დღეს ავტომობილების ბაზარზე და რას შეცვლის არარეზიდენტი დილერების მიმართ კონტროლის გამკაცრება?

სტუმარი: ალექსი ნონიაძე - საქართველოს ავტოიმპორტიორთა ასოციაციის ხელმძღვანელი

#ახალიამბები #BusinessMediaGeorgia