სახელმწიფო ელექტროსისტემა ბიზნესთან ღია თანამშრომლობას აანონსებს. ენერგოსექტორში არსებული გამოწვევების საპასუხოდ სახელმწიფო კომპანია აცხადებს, რომ მზადაა გადამცემი ქსელის განვითარების კუთხით გადასადგმელი ნაბიჯები კერძო სექტორთან პარტნიორობით დაგეგმოს და ამისთვის მრჩეველთა საბჭოს ქმნის, რომელიც ბიზნესის წარმომადგენლებით დაკომპლექტდა. ელექტროსისტემის ახალი მენეჯმენტი ირწმუნება, რომ ქსელის განვითარების და ქსელზე მიერთების პროცესი გამჭვირვალედ წარიმართოს, მოხდეს საჭიროებების და გამოწვევების იდენტიფიცირება და საპასუხოდ სტრატეგიული გადაწყვეტილებების მიღება. ენერგოსექტორში კი გამოწვევები მრავლადაა. გასულ წლებში CFD აუქციონების და ინვესტორებთან პირდაპირი მოლაპარაკებების გახსნით არაერთი პროექტზე გაფორმდა მემორანდუმი. როგორც ირკვევა ეკონომიკის სამინისტროში დაახლოებით 17 000 მეგავატის პროექტებია წარდგენილი, სახელმწიფო ელექტროსისტემაში კი, 9000 მეგავატის დაერთებაზეა შეტანილი განაცხადი. რატომ უხსნის ბიზნესს კარს ელექტროსისტემა და რა მოცემულობით ვხვდებით ენერგეტიკის სექტორში დაანონსებულ ახალ პოლიტიკას?

სტუმარი: გიორგი აბრამიშვილი - GREDA-ს სამეთვალყურეო საბჭოს თავმჯდომარე

#ახალიამბები #BusinessMediaGeorgia