რამდენიმეთვიანი პაუზის შემდეგ მარტში ენერგეტიკულ ბირჟაზე გარიგებები დაფიქსირდა. 11-15 მარტის პერიოდში გაყიდულ ელექტროენერგიაზე საშუალო ფასმა 1 მეგავატზე 15- 15.8 თეთრი შეადგინა. აღსანიშნავია, რომ ენერგეტიკულ ბირჟაზე ვაჭრობა აქტიური არ არის. გასულ წელს ბირჟაზე ჯამურად ნავაჭრმა რაოდენობამ მხოლოდ 17,490 მგვტ.სთ შეადგინა. ეს კი იმ ფონზე, რომ არსებული მოცემულობით, ელექტროენერგიის ბაზრის გარდამავალი მოდელი 1 ივლისამდე მოქმედებს, შესაბამისად, სამ თვეში ბაზრის მონაწილეებისთვის ახალი ვალდებულებები უნდა ამოქმედდეს. შესაბამისად, ენერგეტიკის დარგის წარმომადგენლების ნაწილი არ გამორიცხავს, რომ შესაძლოა, დღის წესრიგში ბირჟის სრულყოფილად ამოქმედების გადავადება დღის წესრიგში კიდევ ერთხელ დადგეს.


#ახალიამბები #BusinessMediaGeorgia