საქართველოს კორპორაციული ობლიგაციების ბაზრის ზომა 3 მილიარდ ლარს მიუახლოვდა. გასულ წელს საჯარო და კერძო განთავსებების ჯამურმა მოცულობამ 2.9 მილიარდ ლარს მიაღწია, რაც 19%-იანი ზრდაა. საინვესტიციო ბანკებში აცხადებენ, რომ ბიზნესის ზრდასთან ერთად კაპიტალის ბაზარზე მონაწილეობის სურვილს სულ უფრო მეტი კომპანია გამოთქვამს. ბაზრის მთავარ გამოწვევებად კი კვლავაც სიმცირე და შედარებით გრძელვადიან ინსტრუმენტებზე წვდომის ნაკლებობა სახელდება. სექტორის წარმომადგენლები ამბობენ, რომ კაპიტალის ბაზრისთვის გამოწვევაა ახლო აღმოსავლეთის კონფლიქტის ფონზე მაღალი საპროცენტო განაკვეთების შედარებით გრძელვადიანად შენარჩუნების მოლოდინიც. როგორია საქართველოში კაპიტალის ბაზრის პერსპექტივები და გამოწვევები?


#ახალიამბები #BusinessMediaGeorgia