2024 წელს FMCG ბაზარი წლიურად 6.8%-ით გაიზარდა და 22.7 მლრდ ლარს მიაღწია. როგორც მოსალოდნელი იყო, ბრენდული ქსელები სხვა ფორმატებზე მეტად, წლიურად 14.9%-ით 9.2 მლრდ ლარამდე გაიზარდა. სხვა ობიექტები კი 1.9%-ით 13.5 მლრდ ლარამდე. შედეგად, ბრენდულმა ქსელების წილმა 2023 წელს დაფიქსირებული 37.6%-დან 40.4%-მდე ზრდა აჩვენეს.

მათი გაზრდის საფუძველი უმეტესად გეოგრაფიული ექსპანსია იყო. ჯამურად 500-მდე ახალი ობიექტი გაიხსნა და აქედან 350 სწორედ რეგიონებზე მოდის. რეგიონებში ბრენდული ქსელების შემოსავლები წლიურად 23.6%-ით გაიზარდა, ხოლო თბილისში 9.3%-ით, რის გამოც თბილისის წილი ჯამურ შემოსავლებში 57.8%-მდე შემცირდა.

გალტი პროგნოზირებს, რომ რეგიონში გაფართოების მაღალი ტემპი მომავალშიც გაგრძელდება. ყველაზე მიმზიდველი კი აჭარა და ქვემო ქართლია.

რა ზომისაა FMCG ბაზარი და ვინ არის ლიდერი?

სტუმარი: მირანდა მანჯგალაძე - რითეილის ექსპერტი

#ახალიამბები #BusinessMediaGeorgia