საქართველოში საჯარო კორპორაციული ობლიგაციების ბაზარმა 2.74 მილიარდ ლარს მიაღწია - ამის შესახებ ეროვნული ბანკის კაპიტალის ბაზრის მიმოხილვაშია ნათქვამი. როგორც დოკუმენტშია აღნიშნული, 2022 წლის მეორე ნახევრიდან ობლიგაციების ბაზარი აქტიური ზრდის ფაზაში გადავიდა და განაგრძო ზრდა 2026 წლის პირველ ნახევარშიც. წლის პირველ ნახევარში, 5 ემიტენტის მიერ საჯარო შეთავაზების გზით გამოშვებული 8 ობლიგაციის ჯამურმა ღირებულებამ 385 მილიონი ლარი შეადგინა, რაც 2.6-ჯერ აღემატება 2025 წლის ანალოგიური პერიოდის მაჩვენებელს, 150 მილიონ ლარს. ახალი ემისიების 49%, დაახლოებით 190 მილიონი ლარი განხორციელდა აწარმოე საქართველოს პროგრამის მხარდაჭერით. სებ-ის თანახმად, მოზიდული სახსრების მიზნობრიობას ძირითადად, კვლავ საბანკო სესხებისა და ობლიგაციების რეფინანსირება წარმოადგენს, რაც ობლიგაციების მზარდი ბაზრისთვის ბუნებრივია. თუმცა 2023 წლიდან იზრდება იმ ემისიების წილი, რომელთა მიზანს მხოლოდ ბიზნესის გაფართოებისა და კაპიტალური დანახარჯების დაფინანსება წარმოადგენს. როგორ ვითარდება კაპიტალის, მათ შორის კორპორაციული ობლიგაციების ბაზარი საქართველოში და განვითარების რა პერსპექტივაა ამ მიმართულებით?

სტუმარი: დავით აბესაძე - ეროვნული ბანკის ფასიანი ქაღალდების ბაზრის ზედამხედველობის დეპარტამენტის უფროსი

#ახალიამბები #BusinessMediaGeorgia