ახლო აღმოსავლეთში მიმდინარე ომს ტურისტულ ინდუსტრიასა და საავიაციო სექტორზე უკვე მნიშვნელოვანი გავლენა აქვს. მათ შორის ტურისტული ჯავშნები ახლო აღმოსავლეთის ქვეყნების მიმართულებით საქართველოდანაც უქმდება. როგორც ტურისტულ კომპანიებში აცხადებენ, დაგეგმილი ტურების ნაწილი ავიარეისების შეჩერების ფონზე უქმდება, თუმცა არის შემთხვევებიც, როდესაც უსაფრთხოების რისკებიდან გამომდინარე, მომხმარებლები საკუთარი სურვილით აუქმებენ ჯავშნებს. ტუროპერატორების ნაწილში კი ამბობენ, რომ რეგიონში შექმნილი ვითარების ფონზე, მოგზაურების ნაწილი ევროპის მიმართულებებზე გადაერთო. ამასთან, იმ ფონზე, როდესაც რეგიონის საჰაერო სივრცის ფართო დერეფანი კვლავ შეფერხებებით მუშაობს, უკვე ფიქსირდება ავიაბილეთების გაძვირებაც.


#ახალიამბები #BusinessMediaGeorgia