საქართველოს ტურიზმის ეროვნულმა ადმინისტრაციამ სამი ძირითადი სტრატეგიული მიმართულებით ქვეყნის პოპულარიზაციისთვის ჯამში 7 მილიონ ევროზე მეტის დახარჯვა გადაწყვიტა. კამპანიები 2026-2027 წლებს მოიცავს. ყველაზე მსხვილი ბიუჯეტი- 4.14 მილიონი ევრო - ევროპის ბაზრისთვის (გერმანია, საფრანგეთი, პოლონეთი, სკანდინავია) გამოიყო. მეორე ადგილზეა ახლო აღმოსავლეთი (კატარი, საუდის არაბეთი, ქუვეითი, საამიროები), სადაც 1.8 მილიონი ევრო დაიხარჯება. ხოლო ინდოეთის სწრაფად მზარდ ბაზარზე საქართველოს პოზიციონირებისთვის დაახლოებით 1 მილიონი დოლარია გათვალისწინებული. ყველა ეს შესყიდვა გამარტივებული წესით ხორციელდება და მოიცავს როგორც ციფრულ მარკეტინგს და სატელევიზიო რეკლამას, ისე ბიზნეს-შეხვედრებს პრესტურებსა და ე.წ. „როუდშოუებს“. როგორც ადმინისტრაციაში განმარტავენ ამ ყველაფრის მიზანი ქვეყანაში მაღალმხარჯველუნარიანი ვიზიტორების მოზიდვაა. რამდენად აისახება ტურიზმის ეროვნული ადმინისტრაციის მარკეტინგული სტრატეგია რეალურ ჯავშნებზე, როგორია კერძო სექტორის განწყობა და მზაობა და ამის მიღმა, რა გავლენა აქვს ახლო აღმოსავლეთში მიმდინარე ომს MICE და ბიზნეს ტურიზმზე?

სტუმარი: გურამ ავალიანი - “ბითიელ ჯორჯია”, ბიზნესის განვითარების დირექტორი

#ახალიამბები #BusinessMediaGeorgia