საქართველოში სალიზინგო სექტორის პორტფელის მოცულობამ 800 მილიონ ლარს მიაღწია. სალიზინგო კომპანიების მსესხებლების რაოდენობამ კი თითქმის 26 ათასს მიაღწია, რაც წლიურად 6000-ით გაზრდილი მაჩვენებელია. სექტორის წარმომადგენლები აცხადებენ, რომ ბიზნესის მხრიდან სალიზინგო პროდუქტებზე მოთხოვნა მზარდია და ამ მიმართულებით განსაკუთრებული აქტივობა სამშენებლო სექტორიდან ფიქსირდება. ამასთან, ბაზრის მონაწილეები ამბობენ, რომ ბოლო პერიოდში განსაკუთრებით გააქტიურებულია საცალო მიმართულება, მათ შორის ავტოლიზინგი. თუმცა სექტორის წარმომადგენლები აცხადებენ, რომ სალიზინგო ბაზრის უფრო სწრაფად განვითარებისთვის აუცილებელია, საკანონმდებლო ცვლილებები, მათ შორის ქონების გადასახადის და დღგ-ს ნაწილში. როგორ ვითარდება საქართველოში სალიზინგო ბაზარი და რა სჭირდება დარგს სწრაფი ზრდისთვის?

#ახალიამბები #BusinessMediaGeorgia