შუა აზიურ ქვეყნებს საქართველოს დერეფნის გამოყენებით როგორც წიაღისეული ენერგორესურსების ასევე მწვანე ელექტროენერგიის ტრანსპორტირება აინტერესებთ. ეს ინტერესი ამ კვირაში აზიურმა ქვეყნებმა საქართველოს დელეგაციასთან გამართულ შეხვედრებზე დაადასტურეს. მარიამ ქვრივიშვილისა და ყაზახეთის ენერგეტიკის მინისტრის შეხვედრაზე ითქვა, რომ საქართველოც დაინტერესებულია ყაზახეთმა მეტი ნახშირწყალბადის ტრანსპორტირება მოახდინოს საქართველოს სატრანზიტო დერეფნით. საუბრის თემა იყო ელექტროენერგიის ტრანზიტიც. აღინიშნა, რომ ყაზახეთი დაინტერესებულია, ევროპას „მწვანე“ ელექტროენერგიაც მიაწოდოს და ამ მიზნით, საქართველოს გადამცემი ინფრასტრუქტურის გამოყენებას განიხილავს. ეს სურვილები თანხვედრაშია ევროკავშირის სტრატეგიულ ენერგეტიკულ ინიციატივებთან ე.წ. მწვანე ენერგიის დერეფნის შექმნასთან დაკავშირებით, რისთვისაც არსებობს განვითარების სხვადასხვა ეტაპზე მყოფი რამდენიმე ენერგეტიკული ინიციატივა, მათ შორისა შავი ზღვის წყალქვეშა კაბელი. ამ მნიშვნელოვანი პროექტის ბედზე კი გადაწყვეტილება სწორედ ახლაა მისაღები. როგორ შეიძლება აისახოს საქართველოს სტრატეგიული გაურკვევლობა შუა დერეფნის გასწვრივ ჩაფიქრებულ ენერგეტიკულ პროექტებზე?

სტუმარი: მურმან მარგველაშვილი - ენერგეტიკოსი;

#ახალიამბები #BusinessMediaGeorgia