რამდენიმეწლიან პერსპექტივაში ზანგეზურის დერეფანი შესაძლოა შუა დერეფნის ალტერნატივად მოგვევლინოს. ჩვენი მეზობელი სახელმწიფოები ბოლო პერიოდში აქტიურად განიხილავენ ზანგეზურის დერეფნის გააქტიურებას. აზერბაიჯანის გამარჯვებით დასრულებული ყარაბაღის ომი სომხეთის მხარეს ავალდებულებს, უზრუნველყოს ნახიჩევანის ტერიტორიაზე ტრანსპორტის და ტვირთების გატარება. ახალი ზანგეზურის დერეფნის ამოქმედებით აზერბაიჯანს ეძლევა ნებისმიერი ტვირთნაკადის დივერსიფიცირების შესაძლებლობა, კერძოდ შეეძლება მისთვის მისაღები სატარიფო ინსტრუმენტების გამოყენებით, ტვირთნაკადი თავისი ტერიტორიის გავლით, მიმართოს შუა დერეფანში ან ზანგეზურის დერეფნით. არანაკლებ მნიშვნელოვანია ზანგეზურის დერეფნის ამოქმედება თურქეთისთვის, რადგანაც როგორც შუა დერეფნის ბაქო – თბილისი – ყარსის განშტოების,

ასევე ზანგეზურის დერეფნის ექსპლუატაციაში გაშვების შემთხვევაში, ტვირთების საბოლოო თავმოყრა მოხდება ყარსის სადგურში, რის შემდეგ თურქეთს შეეძლება ყარსში კონსოლიდირებული ნაკადი ევროპის მიმართულებით მიმართოს. ზანგეზურის მარშრუტის ამოქმედება, მოგებიანია სომხეთისთვისაც, რადგანაც სომხეთი სატრანზიტო ქვეყნად იქცევა და მას საქართველოს მარშრუტთან ერთად გაუჩნდება რუსეთთან დამაკავშირებელი ალტერნატივა.

როგორ იმოქმედებს ზანგეზურის დერეფნის ამოქმედება რეგიონში ტვირთნაკადების ახლებურად გადანაწილებაზე და რა როლი ექნება ასეთ გადანაწილებაში საქართველოს?

სტუმარი: ნიკოლოზ ალავიძე - ჯეოქეისის მრჩეველი

#ახალიამბები #BusinessMediaGeorgia