ნავთობის ფასები ბოლო ოთხი წლის მინიმალურ ნიშნულზეა. საერთაშორისო ბირჟებზე ნედლი ნავთობის ფასი 60 დოლარამდეა შემცირებული. ასეთი დაბალი ნავთობის ფასი ბოლოს 2021 წელს აგვისტოში იყო. ბირჟაზე ნავთობზე ფასისი ვარდნა დონალდ ტრამპის მიერ ტარიფების დაწესების შესახებ განცხადებას მოჰყვა. ფასების კლებაზე დამატებით მოახდინა გავლენა "OPEC+"-ის მიერ მიღებულმა გადაწყვეტილებამ, რომლის თანახმადაც, ქვეყნები ბაზარზე მიწოდების გაზრდაზე შეთანხმდნენ და მიმდინარე წლის მაისში წარმოებას დღიურად 411 ათასი ბარელით გაზრდიან. მსოფლიო ბაზრის ტენდენციები ნელ-ნელა უკვე აისახება ქართულ ბაზარზეც. ბოლო რამდენიმე დღეა ბენზინგასამართ სადგურებზე საწვავის ღირებულება რამდენიმე თეთრით შემცირდა.

#ახალიამბები #BusinessMediaGeorgia