ნავთობის ფასი ვარდნას განაგრძობს. გუშინ, 5-პროცენტიანი გაუფასურების შემდეგ, ნავთობის ფასი, დღეს ბრენტის ტიპის ნავთობზე თითქმის ორი, ამერიკულ ნედლ ნავთობზე კი - 2.1 პროცენტით დაეცა და გასული წლის ნოემბრის შემდეგ, პირველად ყველაზე დაბალ ნიშნულზეა.

მიზეზად შეერთებულ შტატებში მარაგების ზრდა და გლობალურ ბაზარზე ჭარბი მიწოდება სახელდება. მხოლოდ შტატებმა დღიური წარმოება 9.3 მილიონ ბარელამდე გაზარდა, რაც თითქმის გაუთანაბრდა ორი უმსხვილესი მწარმოებლის რუსეთისა და საუდის არაბეთის დღიურ ნორმას.

საერთო ჯამში, ნავთობის ფასი, წლის დასაწყისიდან დღემდე უკვე 15 პროცენტით გაუფასურდა.