ფეხბურთში აფრიკის თასის გათამაშება სრულდება.

გუშინ, პირველი ფინალისტი გუნდი გამოვლინდა. ეგვიპტის ნაკრებმა, რომელსაც საქართველოს ეროვნული ნაკრების ყოფილი თავკაცი, ექტორ რაულ კუპერი წვრთნის, პენალტების სერიაში, ბურკინა ფასო დაამარცხა.

მატჩის ძირითადი დრო ფრედ1-1 დასრულდა. ეგვიპტელები 66-ე წუთზე, რომას ფეხბურთელმა მოჰამედ სალაჰმა ულამაზესი დარტყმით დააწინაურა. მეტოქემ 5 წუთში გაათანაბრა. თავი არისტიდ ბანსემ გამოიჩინა.

საბოლოოდ, ყველაფერი თერთმეტმეტრიანთა სერიამ გადაწყვიტა, რომელშიც თამაშის გმირად, ეგვიპტის ნაკრების მეკარე, ესად ელ ჰადარი მოგვევლინა, ამ გოლკიპერმა, ბოლო ორი პენალტის მოგერიება შეძლო. ეგვიპტელთა მეტოქე ფინალში განას და კამერუნს შორის გამარჯვებული იქნება.