ბარსელონა ესპანეთის თასის გათამაშების ფინალში ითამაშებს. კატალონელებმა ორი მატჩის ჯამში მადრიდის „ატლეტიკო“ დაამარცხეს.

პირველ შეხვედრაში სტუმრად 2-1 გამარჯების შემდეგ ლუის ენრიკეს გუნდმა, გუშინ, საკუთარ ნოუ კამპზე ფრედ 1-1 დაასრულა თამაში.

მასპინძლები 43 წუთზე ლუის სუარესმა დააწინაურა. მეორე ტაიმი კიდევ უფრო საინტერესო გამოდგა, რომელშიც აცილებული პენალტი და სამი გაძევება დაფიქსირდა.

მე-80 წუთზე, თერთმეტმეტრიანი „ატლეტიკოს“ თავდამსხმელმა კევინ გამეირომ ვერ გაიტანა, თუმცა სამ წუთში ფრანგმა ფორვარდმა მაინც მოახერხა თავის გამოჩენა და დარჩენილ დროში შეხვედრას ინტრიგა დაუბრუნა. ამის მიუხედავად, ბარსამ შეძლო სასურველი შედეგის შენარჩუნება და კოპა დელერეის ფინალში გასვლა, სადაც მეტოქედ ვიგოს სელტას და ალავესს შორის გამარჯვებულს დაუპირისპირდება.