არნემის ვიტესი ჰოლანდიის თასის გათამაშების ნახევარფინალში ითამაშებს. გურამ კაშიას გუნდმა გუშინ საკუთარ მოედანზე,როტერდამის "ფეინოორდი" ანგარიშით 2-0 დაამარცხა.

პირველი გოლი სწორედ საქართველოს ნაკრების კაპიტანმა გაიტანა თავური დარტყმით. მატჩის საფინალო ანგარიში მაროკოელმა ადნანე ტიგადუინიმ დააფიქსირა.

აღსანიშნავია, რომ "ვიტესს" ჰოლანდიის თასი და ჩემპიონატი არასოდეს მოუგია.

წელს არნემელებს თასის დაუფლების საკმაოდ რეალური შანსი აქვთ, გამომდინარე იქიდან, რომ ნახევარფინალში მათ გარდა, "ალკმაარი", როტერდამის "სპარტა" და "კამბური" ითამაშებენ.