საქართველოს ბიზნეს ასოციაცია კიდევ ერთ წევრს ესტუმრა. BAG-ის წარმომადგენლები ამჯერად პეპსის საწარმოში იმყოფებოდნენ, სადაც როგორც წარმოების სრულ ციკლს, ისე კომპანიის განვითარების დინამიკასა და სამომავლო გეგმებს გაეცნენ. პეპსი ერთ-ერთია იმ მრავალრიცხოვან ბრენდებს შორის, რომელსაც გლობალური კომპანია პეპსიკო აერთიანებს. თავად პეპსიკოს კი, საქართველოში ოფიციალურად, კომპანია "იბერია რეფრეშმენტსი" წარმოადგენს, რომელიც უკვე 2 წელია, საქართველოს ბიზნეს ასოციაციის წევრია. რა შედეგები მოიტანა ამ თანამშრომლობამ და როგორია ბიზნესის ოპერირების შედეგები რიცხვებში? #ახალიამბები #BusinessMediaGeorgia
უძრავი ქონების კომპანია „ბიოგრაფი ლივინგი“ მასშტაბური პროექტის „ჰისნის“ მშენებლობის აქტიურ ფაზაში გადავიდა. ღონისძიებაზე, რომელსაც კომპანიის პარტნიორები და ადგილზე დასაქმებულები ესწრებოდნენ, კომპლექსის საძირკველში სიმბოლური კაფსულა მოათავსეს - როგორც პროექტის მდგრადობისა და სიმტკიცის სიმბოლო. მულტიფუნქციური პროექტი „ჰისნი“ ქეთევან დედოფლის გამზირზე შენდება და საცხოვრებელთან ერთად კომერციულ ზონებსაც მოიცავს. გეგმის მიხედვით, ოთხი თაუერიდან პირველი ორი 2028 წლის სექტემბერში დასრულდება. #ახალიამბები #BusinessMediaGeorgia
8-9 ნოემბერს საქართველოს უნივერსიტეტმა საერთაშორისო სამეცნიერო კონფერენციას — „საქართველო და კავკასია – წარსული, აწმყო, მომავალი“ უმასპინძლა, რომელიც დავით აღმაშენებლის გარდაცვალებიდან ცხრაასი წლის იუბილეს მიეძღვნა. კონფერენცია თამაზ ბერაძის სახელობის ქართველოლოგიის ინსტიტუტის ორგანიზებით და გოეთეს ფრანკფურტის უნივერსიტეტთან თანამშრომლობით უკვე მეოთხედ გაიმართა. ყოველწლიური სამეცნიერო და აკადემიური ფორუმი აერთიანებდა როგორც საქართველოში მოღვაწე, ისე საზღვარგარეთ მყოფ მკვლევარებს, რომელთა საქმიანობაც ქართველოლოგიისა და კავკასიოლოგიის სფეროებს მოიცავს. ფორუმზე ქართველი და უცხოელი მეცნიერები წარდგენილნი იყვნენ მრავალფეროვანი თემებით — ისტორიის, წყაროთმცოდნეობის, არქეოლოგიის, ეთნოლოგიის, ანთროპოლოგიის, ფილოლოგიის, კულტუროლოგიის, ხელოვნებათმცოდნეობის, სოციოლოგიის, ფსიქოლოგიის და სხვა მიმართულებებით. კონფერენციის მულტიდისციპლინურმა და ინტერდისციპლინურმა ფორმატმა კიდევ ერთხელ გამოკვეთა მისი მასშტაბურობა და მნიშვნელობა როგორც ქართველოლოგიური კვლევების განვითარების, ისე საერთაშორისო სამეცნიერო თანამშრომლობის ხელშეწყობის თვალსაზრისით. #ახალიამბები #BusinessMediaGeorgia
ბრიტანული სპორტული პრემიალური ბრენდი LOTUS უკვე საქართველოშია - საქართველოს ბანკის მხარდაჭერით, კომპანია „გეზ მოტორსმა“ ქართულ ბაზარზე LOTUS-ის ბრენდი შემოიტანა და კახეთის გზატკეცილის №15-ში ახალი, თანამედროვე შოურუმიც გახსნა. აღნიშნული პროექტის ჯამური ღირებულება 35 მილიონი ლარია.„გეზ მოტორსი“ LOTUS-ის ექსკლუზიური წარმომადგენელი და დისტრიბუტორია საქართველოში, რაც კომპანიას საშუალებას აძლევს, ბრენდის 3S და 4S სტანდარტის სადილერო ცენტრები განავითაროს და მომხმარებლებს პრემიუმ სერვისი შესთავაზოს. 2026 წლიდან კომპანია LOTUS-ის დისტრიბუციას უკვე მთელ ამიერ კავკასიაში გეგმავს, უახლოეს ორ წელიწადში კი დაგეგმილია კიდევ ორი ახალი შოურუმის გახსნა — თბილისსა და ბათუმში. #ახალიამბები #BusinessMediaGeorgia
28 ოქტომბერი უდიდესი ბრაზილიელი ფეხბურთელის მანე გარინჩას დაბადების დღეა, რომელიც ადგილობრივებისთვის იმდენად საყვარელი ფიგურაა, რომ ბრაზილიის ბედნიერება და ეროვნული საგანძურიც კი შეარქვეს. სწორედ მის სახელს უკავშირდება 1962 წელს ბრაზილიის ტრიუმფი მუნდიალზე და თავისი შეზღუდული შესაძლებლობების მიუხედავად მსოფლიოს საუკეთესო ფეხბურთელის სტატუსიც. #ახალიამბები #BusinessMediaGeorgia
თურქეთში დაბადებული ესპანელი ბიზნესმენი, ისაკ ანდიკი, რომელმაც ტანსაცმლის ბრენდი Mango დააფუძნა და წლების განმავლობაში მოდის ჭეშმარიტ გიგანტად აქცია, გასულ წელს გარდაიცვალა. 71 წლის ბიზნესმენი ტრაგიკულ შემთხვევას ემსხვერპლა, რომელიც ბარსელონასთან ახლოს, კატალონიის მთებში მოხდა. ისაკ ანდიკი ლაშქრობაში იმყოფებოდა, როცა კლდიდან გადმოვარდა და უფსკრულში ჩავარდა. მანგოს დამფუძნებლის გარდაცვალების საკითხმა - ათი თვის შემდეგ აქტუალობა კვლავ შეიძინა. ამის მიზეზი კი ანდიკის შვილია. ჯონათან ანდიკს მამის სიკვდილის საქმეში ერთ-ერთ ეჭვმიტანილად განიხილავენ, მაშინ როცა საქმეში ის როგორ თვითმხილველი ისე ფიგურირებდა. ამ სიახლემ ჯერ ესპანური მედია, ახლა კი, საერთაშორისო პრესაც მოიცვა. რა ხდება ისაკ ანდიკის გარდაცვალების თუ მკვლელობის საქმეში? #ახალიამბები #BusinessMediaGeorgia
Sotheby’s-ის აუქციონზე 18-კარატიანი ოქროს უნიტაზი გაიყიდება როგორ გამოიყურება Rolls-Royce უნიტაზი? #ახალიამბები #BusinessMediaGeorgia
რომელი იყო 2020-2025-ის მთავარი რისკები გლობალური ეკონომიკისთვის? #ახალიამბები #BusinessMediaGeorgia
#საქმიანიდილა - 10 ნოემბერი - პროლოგი #ახალიამბები #BusinessMediaGeorgia
✔️ “კრისტალი ჯგუფი”-ს საბაგიროს და სათხილამურო ტრასის დათვალიერება (თებერვალი,2023 წელი); ✔️ “კრისტალი ჯგუფი”-ს დამფუძნებელს ვლადიმერ სტეფანიანს ბრალი წაუყენეს; ✔️ რატომ დაიჭირეს ვლადიმერ სტეფანიანი? - ”კრისტალ ჯგუფი”-ს დამფუძნებელს ბრალი წაუყენეს ✔️ ვლადიმერ სტეფანიანის სასამართლო დღეს გაიმართება #ახალიამბები #BusinessMediaGeorgia
შუა დერეფანი, საქართველო & დიდი სურათი #ახალიამბები #BusinessMediaGeorgia
ზუსტი მეტეოპროგნოზის სიკეთეები I ინტერვიუ ირაკლი ერაძესთან ➡️ ინტერვიუ: ირაკლი ერაძე - “საქართველოს მეტეოროლოგიური კომპანიის” გენერალური დირექტორი ➡️ ინტერვიუერი: ელენე კვანჭილაშვილი - #ანალიტიკა, ავტორი&წამყვანი #ახალიამბები #BusinessMediaGeorgia
BMG & Renault Georgia წარმოგიდგენთ #BMGDRIVE-ს: რას ცვლის ხელოვნური ინტელექტი და როგორები იქნებიან ბანკები 10 წელიწადში? #BMGDrive-ის მგზავრი: ალექსანდრე ძნელაძე - პრეზიდენტი/ საქართველოს საბანკო ასოციაცია ავტორები: ბექა ბაციკაძე, ირაკლი ხიზანიშვილი, კაკი პაიჭაძე #ახალიამბები #BusinessMediaGeorgia
საქართველოში, შესაძლოა, 20-მეგავატიანი დატაცენტრი აშენდეს, რომელიც თბილისში, ადგილობრივად წარმოებული ელექტროენერგიით მომარაგდება. აი, სწორედ ეს მიზანი დაისახა აზერბაიჯანულმა AS Group-მა, რომელსაც, ამ დრომდე, საქართველოში ორასი მილიონი დოლარის ინვესტიცია აქვს განხორციელებული. ჩვენი მეზობელი სახელმწიფოს ერთ-ერთი უმსხვილესი კომპანია საქართველოში “დირსის” პროექტითაა ცნობილი და ახალი ჰეს-ის და დატაცენტრის მოწყობასაც თბილისში, დირსის დასახლების მიმდინარე ტერიტორიაზე გეგმავს. პროექტის შესახებ პირველად თბილისის აბრეშუმის გზის ფორუმზე გახდა ცნობილი. ინტერვიუ: რამიზ მამადოვი - AS Group-ის ენერგეტიკის და ინდუსტრიული ინოვაციების დირექტორი #ახალიამბები #BusinessMediaGeorgia
ენერგეტიკული ექსპო 2025 -დღე II - როგორ მიმდინარეობს გამოფენა? თიკო ნატმელაძე - #BMG, რეპორტიორი #ახალიამბები #BusinessMediaGeorgia
მომაკვდინებელი მხუთავი აირი (CO) - როგორ დავიცვათ უსაფრთხოების წესები? სტუმრები: გიორგი ლეფსვერიძე - თბილისი ენერჯის ტექნიკური დირექტორის მოადგილე; დავით ბალავაძე - თბილისი ენერჯის გაზსადენების მონიტორინგის სამსახურის უფროსი #ახალიამბები #BusinessMediaGeorgia
„ამბასადორი აილენდის" პროექტის შესახებ პოლონურმა ბიზნეს გამოცემა Strefa Nieruchomości - Magazyn Inwestora-მა ვრცელი სტატია გამოაქვეყნა. სტატიაში საუბარია ხელოვნური კუნძულისა და ნახევარკუნძულების, როგორც საინვესტიციო შესაძლებლობის პოტენციალზე, ასევე პროექტის მნიშვნელობაზე როგორც შავი ზღვის რეგიონის ეკონომიკური განვითარებისთვის, ისე პოლონელი ინვესტორებისთვის, რომლებიც ბოლო წლებში აქტიურად ინტერესდებიან უძრავი ქონების სექტორით საქართველოში. „ამბასადორი აილენდის” გენერალური დირექტორი, გოჩა კამკია ინტერვიუში ვრცლად საუბრობს პროექტის იდეის, მისი განვითარების გზებისა და ხელოვნური კუნძულის, როგორც საინვესტიციო შესაძლებლობის შესახებ, არამარტო საქართველოს, არამედო ზოგადად, შავი ზღვის რეგიონის ჭრილში. წარმატებები გოჩას და მის გუნდს, მალე გადავიკვეთებით მათთან და მეტს მოგიყვებით ხელოვნური კუნძულის განვითარების და მშენებლობის მიმდინარეობის შესახებ. #ახალიამბები #BusinessMediaGeorgia
კიდევ ერთი ინფორმაცია რომელიც ამბასადორ აილენდის პროექტს უკავშირდება ბათუმში 22 წლიანი გამოცდილების მქონე კომპანია, საქართველოს სამშენებლო და დეველოპმენტის სექტორში, ვსაუბრობ კომპანია FK Development-ზე, რომელიც ახალ საეტაპო პროექტს იწყებს. პროექტი ხორციელდება ბათუმის ხელოვნურ კუნძულზე და წარმოადგენს საკოლექციო ტიპის უძრავ ქონებას, სადაც იტალიური დიზაინის ენერგია და ინოვაცია ერთ მთლიან იდეად ერთიანდება. კომპანიის ინფორმაციით და გადმოცემით, ეს ინიციატივა მნიშვნელოვნად ამაღლებს საქართველოს საინვესტიციო იმიჯს და აძლიერებს ქვეყნის პოზიციას, როგორც მაღალი კლასის საერთაშორისო დეველოპმენტების ცენტრალურ პლატფორმას რეგიონში. FK Development-სა და Tonino Lamborghini Group-ს შორის პარტნიორობის შეთანხმება გაფორმდა იტალიის ქალაქ ბოლონიაში. ამ ისტორიული თანამშრომლობის ოფიციალური გამოცხადება FK Development-ისა და Tonino Lamborghini Group-ის გუნდებმა, მოწვეულ საპატიო სტუმრებთან ერთად, 31 ოქტომბერს ბათუმში აღნიშნეს. სადაც ბათუმს ესტუმრნენ თავად ბატონი ტონინო ლამბორგინი და მისი გუნდი. ღონისძიებაზე ბრენდის სახელის გამოცხადება გახდა ახალი ეტაპის სიმბოლო FK Development-ისა და იტალიური ბრენდის ერთობლივ ისტორიაში.მსოფლიოში ცნობილი იტალიური ბრენდი პირველად და ექსკლუზიურად შემოდის ამიერკავკასიის მასშტაბით. შენობა ოფიციალურად იბრენდება სახელით Tonino Lamborghini Tower Batumi, რაც აღნიშნავს პრემიუმ არქიტექტურისა და ბრენდის ფილოსოფიის — “Luxury Beyond Time” — ერთიან სახეს შავი ზღვის სანაპიროზე. მე დიდი იმედი მაქვს, რომ უახლოეს დღეებში მომეცემა საშუალება გავესაუბრო ამ პროექთზე და ასევე , ეფკეი დეველოპმენტის სხვა გეგმებზე კომპანიის დამფუძნებელს ფრიდონ ქათამაძეს, მოკითხვები და წარმატებები ეფკეი დეველპოიმნებტის გუნდს #ახალიამბები #BusinessMediaGeorgia
21-ე საუკუნე არქიტექტურაში იქცა არა მხოლოდ ესთეტიკის, არამედ ტექნოლოგიური და ფილოსოფიური საზღვრების გადალახვის ეპოქად. თუ 20-ე საუკუნე მოდერნიზმისა და ურბანული ფუნქციონალიზმის ხანა იყო,ახალი საუკუნე-ინოვაციის, მდგრადობისა და სიმბოლური მნიშვნელობების ერად იქცა.შენობები მხოლოდ თავშესაფარი აღარ არის; ისინი ქალაქების იდენტობის, სახელმწიფოების ეკონომიკური ძალის და ადამიანის შემოქმედებითი შესაძლებლობების სიმბოლოებად იქცა. #ახალიამბები #BusinessMediaGeorgia
გიყვებით კომპანია NEXT- ის შესახებ, რომელიც 2018 წელს დაარსებული ქართული დეველოპერული კომპანიაა,თუმცა მოკლე დროში საერთაშორისო ბრენდად ჩამოყალიბება, ამაზე მოწმობს კომპანიის მიერ მიღებული არაერთი პრესტიჟული საერთაშორისო ჯილდო, ხოლო მისი საქმიანი პორტფოლიო 420,000 მ²-ზე მეტ საცხოვრებელ, სასტუმროსა და კომერციულ სივრცეს მოიცავს. ამ მოცულობებს ნექსთი შეჭიდებულია და ახორციელებს სამ კონტინენტსა და 6 ქალაქში ახორციელებს: ბათუმში, თბილისში, დუბაიში, ნაირობიში, მარბეიასა და ზანზიბარში. თბილისის ბაზარზე კომპანიამ ოპერირება ახლახან დაიწყო, დედაქალაქში ნექსთს განსაკუთრებით დიდი და ამბიციური გეგმები აქვს. გასულ კვირას საერთაშორისო დეველოპერულმა კომპანიამ NEXT ახალი, პრემიუმ კლასის პროექტის, Tbilisi Oriental-ის, პრეზენტაცია გამართა. პროექტის, რომელიც მიზნად თბილისის ისტორიულ უბანში ორთაჭალაში საინტერესო პროექტის განხორციელებას გეგმავს. 21-სართულიანი კომპლექსი High-tech სტილში შეიქმნება.- \რატომ შეარჩია ეს სტილი კომპანიამ და როგორი იქნება Tbilisi Oriental-ი? სტუმარი: ლიკა ევგენიძე - Next, ბრენდის ამბასადორი #ახალიამბები #BusinessMediaGeorgia
საქართველოში ქონების გადასახადის გადახდის საკითხმა საკმაოდ დიდი ყურადღება და ინტერესი გამოიწვია, რაც სავარაუდოდ იმ ფაქტით იყო განპირობებული, რომ 2005 წელს დაწესებული, 40 000 ლარიანი წლიური საშემოსავლო ზღვარი, 2025 წელს, როცა საშუალო ხელფასი ქვეყანაში გაზრდილია, უკვე ბევრ მოქალაქეს შეეხო. როგორი სისტემა მოქმედებს ქონების გადასახადის გადახდისას ევროპის ქვეყნებში? #ახალიამბები #BusinessMediaGeorgia
გადავხედოთ ვითარებას კავკასიის რეგიონის ქვეყნებში, რომელთა შორის ფიქსირდება როგორ უმაღლესი ინფლაცია და რეფინანსირების განაკვეთები, ასევე მსოფლიოში ერთ-ერთი გამორჩეულად მაღალი ეკონომიკური ზრდის მაჩვენებლებიც, მოკლედ, სამხრეთ კავკასიის გარშემო სრული მაკრო ეკლექტიკაა და ერთადერთი რაც ამ ვითარებას პერსპექტიულს ხდის, არის გრძელვადიანი მშვიდობის მნიშვნელოვანი შესაძლებლობა, რაც აზერბაიჯანს და სომხეთს შორის უახლოეს მომავალში სამშვიდობო ხელშეკრულებით დაგვირგვინდება. #ახალიამბები #BusinessMediaGeorgia
მსოფლიოში ცნობილი სატვირთო ბრენდი Scania ქართულ ბაზარზე ოფიციალურად შემოვიდა და პირველი სერვის ცენტრიც გახსნილია. Scania-ს ოფიციალური წარმომადგენელი საქართველოში Georgian Truck Company გახდა, „ამბოლის“ შვილობილი კომპანია, რომელმაც ბრენდთან თანამშრომლობის მემორანდუმი უკვე გააფორმა. პირველი ფილიალი, რომელიც თბილისის შემოვლით გზაზე მდებარეობს მომხმარებლებს სრულ მომსახურებას შესთავაზებს. როგორია Scania-ს გეგმები ქართულ ბაზარზე და რას ნიშნავს ეს პარტნიორობა ქვეყნის სატრანსპორტო სექტორისთვის #ახალიამბები #BusinessMediaGeorgia
„მომხმარებელზე ორიენტირებული კულტურა“ - „თეგეტა მოტორსმა“ კიდევ ერთი საერთაშორისო აღიარება მოიპოვა და ამჯერად პრესტიჟული კონკურსის, Customer Centricity World Series Awards 2025-ის გამარჯვებული გახდა. ღონისძიება, რომელიც დუბაიში გაიმართა, მსოფლიოს წამყვან კომპანიებს აერთიანებს; იმ კომპანიებს, რომლებიც მომხმარებლისა და თანამშრომლის გამოცდილების მართვის მიმართულებით ბაზარზე საუკეთესო პრაქტიკას ნერგავენ. ეს აღიარება და ჯილდო რომელიც Customer Centricity World Series 2025-ზე „თეგეტა მოტორსმა“ მიიღო პროექტის Customer-centered Central Branch -ის შეფასების შედეგია. პროექტის რომლითაც კომპანიის ცენტრალური ფილიალი მაქსიმალურად მომხმარებელზე ორიენტირებული გახდა. პროექტის მიზანი იყო სერვისის თითოეული ეტაპის გამარტივება და პერსონალიზება, ისე რომ პროცესი უფრო სწრაფი და გამჭვირვალე გამხდარიყო. ტრანსფორმაცია მოიცავდა როგორც ინფრასტრუქტურულ, ისე კულტურულ ცვლილებებს: განახლდა მომხმარებელთა ზონები, ასევე დაინერგა თანამედროვე CRM სისტემა და შევიდა ცვლილებები საოპერაციო პროცესებში. #ახალიამბები #BusinessMediaGeorgia
თბილისში ორდღიანი რეგიონული კონფერენცია "სანდო ბანკინგი: ბიზნესის მდგრადობა შესაბამისობის გზით" მიმდინარეობს. ღონისძიება ავსტრიული საბანკო ჯგუფის Raiffeisen Bank International-ის ინიციატივით და “საერთაშორისო სავაჭრო პალატის” ორგანიზებით იმართება. თიბისისთან ერთად კონფერენციის მხარდამჭერი “აზიის განვითარების ბანკია". ღონისძიებაზე აქცენტი საერთაშორისო რეგულაციებსა და მათთან შესაბამისობაზე კეთდება. კონფერენციის ფარგლებში ბიზნესისა და საფინანსო ინსტიტუტების წარმომადგენლებს ინფორმაცია მიეწოდებათ იმ პრაქტიკებზე, რომლებიც ხელს უწყობს შესაბამისობის სტანდარტების დაცვას, რისკების შემცირებასა და საერთაშორისო ვაჭრობის უსაფრთხო და გამჭვირვალე განხორციელებას. #ახალიამბები #BusinessMediaGeorgia
ბოლო წლებში უძრავი ქონების ბაზარზე ისეთი საინვესტიციო შეთავაზებები გაჩნდა, რომლებიც მოქალაქეებს მაღალი სარგებლის დაპირებით იზიდავს. ბაზარზე ადგილი აქვს როგორც ყიდვის, ისე გირავნობის შემთხვევაში მოქალაქეებისთვის არარეალურ შეთავაზებებს, რასაც ამ დროისთვის ასობით დაზარალებული ჰყავს. რა მექანიზმით მუშაობდა ე.წ. საინვესტიციო სქემა და რატომ მიიჩნევენ ექსპერტები მას ფინანსურ პირამიდად? #ახალიამბები #BusinessMediaGeorgia
საქართველოს პროკურატურა ოპოზიციონერ პოლიტიკოსებს ბრალს უყენებს #ახალიამბები #BusinessMediaGeorgia
კუსტარულად ან თვითნებურად დამონტაჟებული გაზის დანადგარები სტანდარტებს არ შეესაბამება და საფრთხეს უქმნის ადამიანების სიცოცხლესა და ჯანმრთელობას - ამის შესახებ ენერგოომბუდსმენი საუბრობს და მოქალაქეებს ზამთრის მოახლოებასთან ერთად მეტი სიფრთხილის გამოჩენისაკენ მოუწოდებს. მომეტებული საფრთხე ორი მიმართულებით არსებობს: ერთი არასწორად დამონტაჟებულმა გამათბობელმა შესაძლოა გაჟონვა გამოიწვიოს, მეორე შემთხვევაში კი შესაძლოა ადგილი ჰქონდეს ჟანგბადის გამოლევას, CO-ს დაგროვებას რაც ადამიანის გარდაცვალებას ან მძიმე მოწამვლას იწვევს. რას აჩვენებს მიმდინარე წლის მონიტორინგის შედეგები, რომელი უბნებში და რა ტიპის საცხოვრებლებშია მომატებული საფრთხეები და რაც მთავარია, რა რეკომენდაციები უნდა დავიცვათ? სტუმარი: ნინო გულეიშვილი - ენერგოომბუდსმენის მოვალეობის შემსრულებელი; #ახალიამბები #BusinessMediaGeorgia
საქართველოს ეროვნულმა ბანკმა რეფინანსირების განაკვეთი უცვლელად, 8%-ზე დატოვა, მიმდინარე წლის ინფლაციის პროგნოზი კი გაზარდა. მზარდი ინფლაციის ფონზე სებ-ი მოელის რომ საშუალო წლიური მაჩვენებელი 4% იქნება, 2026 წლიდან კი 3.5%-მდე შემცირდება. მნიშვნელოვანია ითქვას, რომ წინა პროგნოზის მიხედვით წელს ინფლაცია 3.8%, მომავალ წელს კი 3.1%-ის ფარგლებში უნდა ყოფილიყო. გამოქვეყნებულ ანგარიშში ეროვნული ბანკი წერს, რომ ოქტომბერში ფასების საერთო დონე 5.2%-ით გაიზარდა, რისი ძირითადი მიზეზიც სურსათის ინფლაცია იყო, ეს კი ნაწილობრივ წინა წლის დაბალი საბაზო ეფექტისა და ეგზოგენური ფაქტორების ასახვაა. რაც შეეხება სურსათის გარეშე გრძელვადიან ინფლაციურ მოლოდინებს, ის მიზნობრივ დონესთან ახლოს ნარჩუნდება. რამდენად მართებულია გაუარესებული მოლოდინების ფონზე განაკვეთის უცვლელად დატოვება? სტუმარი: სოსო ბერიკაშვილი - ეკონომისტი #ახალიამბები #BusinessMediaGeorgia
მსოფლიოში ერთ-ერთი ყველაზე ძველი და ამავე დროს ყველაზე გავრცელებული დაავადება — მუნი, დღესაც მილიონობით ადამიანს აწუხებს. მიკროსკოპული ტკიპით გამოწვეული ინფექცია, რომელსაც მედიცინა საუკუნეების განმავლობაში ვერ ძლევდა, დღეს სრულად განკურნებადია — თუმცა მისი გავრცელება კვლავ გლობალური გამოწვევაა. როგორია მუნის გავრცელების ისტორია? #ახალიამბები #BusinessMediaGeorgia
ბოლო კვირებია, სოციალურ ქსელებში მუნის გავრცელების შესახებ ვრცელდება ინფორმაცია. ქავილისა და გამონაყარის შესახებ ყოველდღიურად სულ უფრო მეტი ადამიანი წერს. მზარდი შემთხვევის შესახებ იტყობინებიან ბაღებისა და სკოლების წარმომადგენლებიც. თემაზე გუშინ პირველი კომენტარი გაავრცელა დაავადებათა კონტროლის ცენტრმა. როგორც ენსიდისის დირექტორის მოადგილე პაატა იმნაძე ირწმუნება წლევანდელი მაჩვენებლები გასული წლის მაჩვენებლებს არ აღემატება და ქვეყანაში ამ მხრივ საპანიკო არაფერია. მისი განმარტებით, წლის განმავლობაში არამარტო საქართველოში, არამედ ევროპის ქვეყნებში მოსახლეობის 1%-ს მუნი აღენიშნება. დაახლოებით, ასეთივე მონაცემებია დღეს საქართველოშიც. სპეციალისტების განმარტებით, მუნის მკურნალობა ადვილია და ის კანით კანზე, მჭიდრო, ხანგრძლივი კონტაქტით ვრცელდება. რა არის მუნი, როგორ გადადის და როგორ უნდა ვიმკურნალოთ? სტუმარი: ივანე ჩხაიძე - „იაშვილის სახელობის ბავშვთა ცენტრალური საავადმყოფოს“ სამედიცინო დირექტორი #ახალიამბები #BusinessMediaGeorgia
დღეს ექსპო ჯორჯიაში Expogeorgia-სა და GREDA-ს ორგანიზებით ენერგეტიკის საერთაშორისო გამოფენა და ფორუმი გაიმართება. ღონისძიების გენერალური სპონსორი პროკრედიტ ბანკია. მხარეების ორგანიზებით, ენერგეტიკის საერთაშორისო გამოფენა და ფორუმი მეორე წელია აერთიანებს სექტორის წამყვან წარმომადგენლებს როგორც საქართველოდან, ისე სხვადასხვა ქვეყნიდან. ორდღიანი ღონისძიება მიზნად ისახავს განახლებადი ენერგიის განვითარების ხელშეწყობასა და სექტორში ინოვაციური მიდგომების გაზიარებას. რა თემებზე გამახვილდება წლევანდელ ღონისძიებაზე ყურადღება და ვის დაესწრება შეხვედრას #ახალიამბები #BusinessMediaGeorgia
სრული ტექნიკური სერვისი, დაზღვევა, GPS ნავიგაციის სისტემა და რეპორტი, ავტოსაგზაო შემთხვევების სრული მენეჯმენტი, პერსონალური მენეჯერი და ადმინისტრაციული მომსახურება - ეს მხოლოდ ნაწილია იმ სერვისების, რომელსაც europcar Georgia ბიზნესს fleet management-ის ფარგლებში სთავაზობს. Europcar Georgia „თეგეტა ჰოლდინგში“ შემავალი ფრანგული კომპანიაა, რომლის ბიზნესპროფილი ავტომობილების გაქირავებაა, როგორც დღიურად, ისე საოპერაციო ლიზინგით გრძელვადიანი საჭიროებისთვის და ასევე უზრუნველყოფს სატრანსპორტო მომსახურებას. რას სთავაზობს Europcar ბიზნესს, სტუმარი: პეტრე წაქაძე - „თეგეტა ჰოლდინგი“, მსუბუქი ავტომობილების მიმართულების მთავარი ოფიცერი #ახალიამბები #BusinessMediaGeorgia
„ამბასადორი აილენდ ბათუმის” გუნდი პოლონეთში საქართველოს საინვესტიციო პოტენციალს წარადგენს #ახალიამბები #BusinessMediaGeorgia
მოგიყვებით სტარტაპებზე, რომლებიც გარემოზე ზეგავლენის შემცირებასა და მდგრად განვითარებაზე მუშაობენ — კომპანიებზე, რომლებიც ინოვაციებითა და უახლესი ტექნოლოგიებით ახდენენ ენერგიის მწვანე წარმოებას, ნარჩენების გადამუშავებას, წყლისა და საკვების მართვის გაუმჯობესებას. ისინი ქმნიან ეკო-მეგობრულ მასალებს, ავითარებენ ნახშირორჟანგის დაჭერის სისტემებს და ბუნებრივ რესურსებზე ზრუნვა ახალ ტექნოლოგიურ დონეზე აჰყავთ — სწორედ ამ მიმართულებით ყალიბდება მწვანე ბიზნესის ახალი ტალღა. #ახალიამბები #BusinessMediaGeorgia
BMG-ში ვმასპინძლობთ სტარტაპს, რომელიც გარემოს დაცვასა და ტექნოლოგიებს ერთმანეთთან აერთიანებს, ეს არის GreWeCo, კლიმატტექ მიმართულების კომპანია, რომელიც უკვე ორი წელია საკუთარი ძალებით ქმნის ტექნოლოგიურ პლატფორმას ტყის აღდგენისა და კლიმატზე პოზიტიური ზეგავლენის გასაზრდელად. GreWeCo დასავლეთ საქართველოში ქმნის ფერმულ ტყეებს და სთავაზობს კომპანიებსა და ინდივიდებს ხეების სპონსორობის უნიკალურ შესაძლებლობას, არა როგორც ერთჯერად ეკოაქტს, არამედ როგორც გამჭვირვალე, გრძელვადიან და ეკონომიკურადაც გამართლებულ პროცესს. სტუმარი: ზურაბ მესხიძე - Greweco-ს აღმასრულებელი დირექტორი; #ახალიამბები #BusinessMediaGeorgia
რა წერია ევროკომისიის ანგარიშში საქართველოზე? - პირდაპირი ჩართვა ბრიუსელიდან თამთა ჯიჯავაძე - BM.GE, აღმასრულებელი რედაქტორი #ახალიამბები #BusinessMediaGeorgia
გაეროს გლობალური შეთანხმების ტრანსფორმაციული მმართველობა - ეს არის ინიციატივა, რომელიც ემსახურება იმ იდეას, რომ კერძო სექტორმა საკუთარი საქმიანობის ყველა საფეხურზე, იქნება ეს ოპერაციები, მიწოდების ჯაჭვი თუ მმართველობითი სტრუქტურა, გაითვალისწინოს კარგი მმართველობის, გამჭვირვალობის, ეთიკურობისა და ანგარიშვალდებულების პრინციპები. გაეროს გლობალური შეთანხმების საქართველოს ქსელი ამ მიმართულებით ქმნის სამოქმედო პლატფორმებს, რომლებიც წევრ კომპანიებს აძლევს შესაძლებლობას, ჩაერთონ ვორკშოპებსა და ურთიერთსწავლების პროცესში, ცნობიერების ამაღლებისა და მდგრადი განვითარების მიზნებთან შესაბამისობაში. რუბრიკის წამყვანი: ბაკურ კვარაცხელია - გაეროს გლობალური შეთანხმების საქართველოს ქსელის ფონდების მოძიებისა და პროექტების მიმართულების ხელმძღვანელი; სტუმრები: მარიამ ბანძელაძე - გაეროს მოსახლეობის ფონდის საქართველოს ოფისის ხელმძღვანელი; ია მამეიშვილი - Cellfie Mobile-ის ეთიკისა და კომპლაენსის სამსახურის ხელმძღვანელი. #ახალიამბები #BusinessMediaGeorgia
სოფელ ყვიბისში, 48 000 კვ.მ. ტერიტორიაზე “ელემენტ ქონსთრაქშენმა” ბორჯომის ახალი საწარმოო სივრცე, ენერგეტიკული ცენტრი, საწყობი, ლოგისტიკური ცენტრი და საოფისე შენობა ააშენა. „ელემენტ ქონსთრაქშენის“ 3-წლიანი კომპლექსური სამუშაოს პრეზენტაცია მიმდინარე წლის სექტემბერში გაიმართა, შესაბამისად „ბორჯომის“ წარმოების 135-ე წელს ბრენდი ახალი ქარხნით შეხვდა. #ახალიამბები #BusinessMediaGeorgia
წელს, 9 თვეში სანელებლების ექსპორტიდან შემოსავალი $17.8 მილიონამდე შემცირდა. ჯამში შემცირება 43%-იანია. როგორც ბოლო წლების სტატისტიკა მოწმობს, ამ პროდუქტისთვის ჩინეთის სახალხო რესპუბლიკა მთავარი საექსპორტო ბაზარია. წლების განმავლობაში ჩინეთში მზარდი იყო ქართული სანელებლების ექსპორტი. მეტიც, 2024 წელს, წინა წელთან შედარებით საექსპორტო მაჩვენებლები გაორმაგდა და რეკორდულ ნიშნულს მიღწია - 6 983 ტონის გაყიდული პროდუქტითა და მისგან მიღებული 28.4 მილიონი დოლარის შემოსავლით. თუმცა, წლევანდელი 9-თვე განსხვავებულ რეალობას აჩვენებს. ჩინეთში ქართული სანელებლების ექსპორტი წინა წლებთან შედარებით, ღირებულებაში 57.1%-ით შემცირდა, ხოლო მოცულობაში კლება 59.4%-ს შეადგენს. რამდენად ადასტურებენ სტატისტიკურ მაჩვენებლებს ბაზრის უმსხვილესი მოთამაშეები და რეალურად, რომელი საექსპორტო ბაზრების პოტენციალზე ამახვილებენ ყურადღებას? #ახალიამბები #BusinessMediaGeorgia
მსოფლიოს გამორჩეულ მეგაპოლისს ნიუ-იორკს, რომელსაც ახალი მერი ჰყავს: ზოჰრან მამდანმა ნიუ-იორკის მერის არჩევნებში გამარჯვება მოიპოვა და ქალაქის ისტორიაში პირველი მუსლიმი მერი გახდა. მამდანი, რომელიც საკუთარ თავს დემოკრატ სოციალისტად მოიხსენიებს, ამომრჩევლებს ცხოვრების ხარჯების, განსაკუთრებით კი მაღალი ქირის შემცირებას ჰპირდება. მისი მხარდამჭერები მას „მუშათა კლასის გმირად“ მოიხსენიებენ და იმედოვნებენ, რომ ახალი მერი სოციალური სამართლიანობისა და ხელმისაწვდომობის პოლიტიკას გაატარებს. #ახალიამბები #BusinessMediaGeorgia
ბრიტანეთის უმდიდრესი მოქალაქე, გოპიჩანდ ჰინდუჯა 85 წლის ასაკში გარდაიცვალა. მისი ქონების შეფასება 46 მილიარდ დოლარს აღწევდა, რაც მას გაერთიანებული სამეფოს ისტორიაში ერთ-ერთ უმდიდრეს მეწარმედ აქცევდა. წარმოშობით ინდოელი ბიზნესმენი Hinduja Group-ის ხელმძღვანელი იყო, რომელიც მულტიპროფილური კონგლომერატია და მსოფლიოს მასშტაბით ლოგისტიკის, გადაზიდვის, ლუბრიკანტების, ქიმიკატების და სატელევიზიო ბიზნესშია ჩართული. #ახალიამბები #BusinessMediaGeorgia
#საქმიანიდილა - 6 ნოემბერი - პროლოგი #ახალიამბები #BusinessMediaGeorgia
როგორ ფასდება კომპანიების ინოვაციურობა და რომელ კომპანიებს მიენიჭა მსოფლიოში წამყვანი პოზიციები, რა მნიშვნელობა აქვს ახალი იდეების გენერაციას, კვლევა–განვითარებაში ინვესტირებას და მომხმარებელზე მორგებულ პროდუქტებს? აღმოჩნდა, რომ ინოვაციური კომპანიების რეიტინგში ამერიკულ კომპანიებს – „სერვის ნაუ“, „ვორქდეია“, „სეილსფორსი“, „ტესლა“ და „ამაზონი“ ლიდერობენ, რომლებიც თავიანთ ინოვაციურ მიდგომებს ბიზნეს პროცესების ავტომატიზაციაში, ხელოვნური ინტელექტის ინტეგრაციაში და მომხმარებელთა საჭიროებებზე ორიენტირებულ ტექნოლოგიებში იყენებენ. #ახალიამბები #BusinessMediaGeorgia
დღეს ჩვენი სტუმრები არიან FIRST Global Challenge-ის რობოტიკის ეროვნული ნაკრების გამარჯვებულები, ახალგაზრდები, რომლებმაც საერთაშორისო ასპარეზზე საქართველო უნიკალური შედეგებით წარმოაჩინეს. პირველ რიგში გეტყვით, რომ FIRST Global Challenge არის საერთაშორისო რობოტიკის ჩემპიონატი, რომელიც ყოველწლიურად აერთიანებს 190-ზე მეტი ქვეყნის მოსწავლეებს. მონაწილე გუნდები ქმნიან და აპროგრამებენ რობოტებს კონკრეტული დავალების მიხედვით, კონკურსი მიზნად ისახავს ინოვაციების, კოლაბორაციისა და STEM განათლების პოპულარიზაციას. წელს ღონისძიება ჩატარდა პანამაში და ქართული გუნდი ევროპის სკოლის ბაზაზე ჩამოყალიბდა, მონაწილეებში იყვნენ სხვადასხვა საჯარო და კერძო სკოლის მოსწავლეები. საქართველო გამოირჩა განსაკუთრებული წარმატებით, გუნდმა მოიპოვა Katherine Johnson Award ინჟინრული დოკუმენტაციისთვის. რას ნიშნავს ეს ჯილდო და რა მასშტაბის ჩემპიონატზე ვსაუბრობთ? სტუმრები: გურანდა გოგალაძე - ნაკრების მთავარი მენტორი; ალექსანდრე თედიაშვილი - ნაკრების წევრი; საბა რობაქიძე - ნაკრების წევრი #ახალიამბები #BusinessMediaGeorgia
84 წელი გავიდა იმ დღიდან, როცა სამხრეთ დაკოტას გორაკებზე გრანიტში ამოიკვეთა ოთხი პრეზიდენტის პროფილი — ჯორჯ ვაშინგტონის, თომას ჯეფერსონის, თეოდორ რუზველტისა და აბრაჰამ ლინკოლნის. თითოეული მათგანი, სხვადასხვა ეპოქის ლიდერი, ამ მონუმენტში ამერიკული იდეალების თავისუფლების, ერთიანობისა და პროგრესის — განსახიერებად იქცა. მაგრამ რაშმორის მთა მხოლოდ ტურისტული ღირსშესანიშნაობა არაა — მის ქვეშ იმალება ისტორიაც, რომლის მეორე მხარე ხშირად ჩრდილში რჩება. როგორ შეიცვალა ადგილობრივი ტომების მიწა ეროვნულ სიმბოლოდ? რას ნიშნავს დღევანდელი ამერიკისთვის ეს ქანდაკება — სიამაყის მემკვიდრეობას თუ დავიწყებული ტკივილის სიმბოლოს? #ახალიამბები #BusinessMediaGeorgia
წელს უკვე მეხუთედ 20-21 ნოემბერს, ბათუმში, სასტუმრო ჰილტონში საქართველოს ტურიზმის სამიტი ტურისტერი 2025 გაიმართება. უკვე ტრადიციად ქცეული სამიტი წელსაც ადგილობრივ და საერთაშორისო პროფესიონალებს ტურიზმის სფეროდან გააერთიანებს. ორდღიანი ღონისძიების მიზანი, ქართული ტურიზმის წინაშე მდგარი აქტუალური გამოწვევებისა და შესაძლებლობების განხილვაა. პროგრამა მოიცავს ტექნოლოგიებისა და ინოვაციების, მათ შორის ხელოვნური ინტელექტის, როლს ტურისტული გამოცდილების მართვაში, მონაცემთა ანალიტიკაში, თანამედროვე მარკეტინგულ ტენდენციებსა და კრიზისების მართვაში. განსაკუთრებული ყურადღება დაეთმობა ისეთ მიმართულებებსაც, როგორებიცაა საზღვაო ტურიზმი, MICE ინდუსტრია, კულტურული მემკვიდრეობის ბაზაზე შექმნილი სერვისები და რეგიონული თანამშრომლობა. ვინ მიიღებს სამიტში მონაწილეობას და რა იგეგმება მეხუთე სამიტზე? სტუმარი: მამუკა ბერძენიშვილი - საქართველოს ტურიზმის ინსტიტუტი, აღმასრულებელი დირექტორი; #ახალიამბები #BusinessMediaGeorgia
საქმიანი დილას ეთერებიდანაც ხშირად გიყვებით წარმატებულ მაგალითებზე და რომ საქართველოს მონაწილეობა მსოფლიოს წამყვან ოლიმპიადებში არაერთხელ დასრულებულა გამორჩეული შედეგებით, ქართველი ახალგაზრდები ოქროს, ვერცხლისა და ბრინჯაოს მედლების მფლობელები ხდებოდნენ, აგრძელებდნენ სწავლას მსოფლიოს საუკეთესო რეიტინგის მქონე უნივერსიტეტებში, იწყებდნენ თანამშრომლობას წამყვან ტექნოლოგიურ კომპანიებთან და ქმნიდნენ წარმატებულ სტარტაპებს. საქართველოს ტექნოლოგიური ოლიმპიადების ჰაბის შექმნის იდეა მიზნად ისახავს ამ პოტენციალის მაქსიმალურ რეალიზებას, სფეროთი დაინტერესებული ახალგაზრდების წახალისებას და მათთვის მეტი შესაძლებლობის შექმნას, რაც ხელს შეუწყობს ქვეყნის ტექნოლოგიური ეკოსისტემის განვითარებასა და გლობალურ ინტეგრაციას. პროექტის მხარდამჭერია თიბისი, რომელიც მრავალი წელია აქტიურად უჭერს მხარს განათლებისა და ტექნოლოგიების განვითარებას საქართველოში. სტუმრები: ალექსანდრე მაყაშვილი - თიბისის სტრატეგიული პროექტების ხელმძღვანელი; ნინო ენუქიძე - ბიზნესისა და ტექნოლოგიების უნივერსიტეტის რექტორი #ახალიამბები #BusinessMediaGeorgia