ფეხბურთის ისტორიაში არსებობენ მოთამაშეები, რომლებმაც ეპოქა შექმნეს, თუმცა ფრანც ბეკენბაუერი იყო ადამიანი, რომელმაც გერმანული ფეხბურთის იერსახე შეცვალა. „კაიზერი“ — ასე შეარქვეს მას მოედანზე ელეგანტური სტილის, ლიდერული თვისებებისა და განსაკუთრებული ავტორიტეტის გამო.

ბეკენბაუერმა კარიერა მიუნხენის „ბაიერნში“ დაიწყო და კლუბთან ერთად გერმანული და ევროპული ფეხბურთის მწვერვალზე ავიდა. როგორც მცველმა, მან ამ პოზიციის გაგება შეცვალა — ბეკენბაუერი დაცვიდან შეტევაში ერთვებოდა, ბურთს წინ მიიწევდა და პრაქტიკულად ახალი როლი, ე.წ. ლიბერო, ფეხბურთის ერთ-ერთ ყველაზე მნიშვნელოვან ტაქტიკურ იარაღად აქცია. მის კარიერაში იყო სამი ევროპის თასი „ბაიერნთან“, „ნიუ-იორკ კოსმოსში“ გატარებული წლები და გერმანიის ფეხბურთში დაბრუნება, უკვე მმართველის როლში. მაგრამ „კაიზერის“ მემკვიდრეობა მხოლოდ ტიტულებით არ შემოიფარგლება.


#ახალიამბები #BusinessMediaGeorgia