BMG და Tegeta Holding-ი წარმოგიდგენთ #BMGAuto-ს:
სარეკლამო ბანერების ახალი სიცოცხლე, ასეთი სახელწოდებით, თიბისიმ ახალი კამპანია დაიწყო. ბრენდ „ადამიანის” ინიციატივით და მასთან თანამშრომლობით, თიბისი პირველი კომპანიაა, რომელმაც გადაამუშავა სარეკლამო ბანერები, ანუ რას ნიშნავს, ეს. გარემოზე ზრუნვის მიზნით, დაძველებულ სარეკლამო ბანერებს, ახალი ფუნქცია შესძინა და მათგან პრაქტიკული ნივთები - ლეპტოპის ჩანთები და ზურგჩანთები შექმნა. თიბისი, როგორც ქვეყნის წამყვანი საფინანსო ინსტიტუცია, აცნობიერებს პასუხისმგებლობას, თუ რამდენად პოზიტიური გავლენა შეიძლება იქონიოს გარემოს მდგრადობის შენარჩუნებაზე. ამიტომ, სარეკლამო მასალების გადამუშავების ინიციატივაც მიზნისკენ გადადგმული კიდევ ერთი ნაბიჯია. სტუმრები: ალექსანდრე მაყაშვილი - თიბისის სტრატეგიული პროექტების ხელმძღვანელი; კოკა ქამუშაძე - კრეატიული სააგენტო „პლეიმეიკერსის“ მმართველი პარტნიორი; #ახალიამბები #BusinessMediaGeorgia
TKT.GE-ის აფიშა: ქართული ანიმაციის ისტორია - 4 აპრილს, რუსთაველის თეატრში; “მგზავრების კონცერტი” თბილისის საკონცერტო დარბაზში; Lucky Love-ი Mono Hall-ში; TAHA Nips-ის სცენაზე; MAGNIFIQUE-ი Maison Terrace-ის სივრცეში; #ახალიამბები #BusinessMediaGeorgia
საქართველოს შრომის ბაზარზე ყველაზე მეტ კადრს გაყიდვების, ადმინისტრაცია - მენეჯმენტის და ფინანსებისა და სტატისტიკის კატეგორიაში ეძებენ. ბოლო ანალიტიკის მიხედვით, დასაქმების პორტალებზე არსებული ვაკანსიების რაოდენობა მზარდია. ამასთან ერთად იზრდება იმ დასაქმებულების რიცხვიც, რომლებიც 2 400 ლარამდე ხელფასს იღებენ. როგორ იცვლება შრომის ბაზარი? #ახალიამბები #BusinessMediaGeorgia
Space Epoch დამფუძნებელია ბრეა ტჰომასი, რომელიც მილენიალების თაობას მიეკუთვნება, გამდიდრება უკვე მოახერხა. ფინანსურ კეთილდღეობასთან დაკავშირებით თითოეული თაობის წარმომადგენელს, იქნება ეს თაობა ზეტი თუ ე.წ ბეიბი ბუმერები განსხვავებული მოლოდინები და პროგნოზები აქვთ. მათ შორის განსხვავებები ხშირად სტატისტიკაშიც აისახება ხოლმე. Knight Frank Next Gen Survey აქვეყნებს ანგარიშს, რომელიც ფინანსურ კეთილდღეობასთან დაკავშირებით თაობათა წარმომადგენლების დამოკიდებულებას და მოლოდინებს ასახავს. რომელი თაობა გამდიდრდება 2024 წელს? #ახალიამბები #BusinessMediaGeorgia
#საქმიანიდილა - 1-ელი აპრილი - პროლოგი #ახალიამბები #BusinessMediaGeorgia
ხინკალი CNN-ის რეიტინგში; BBC-ის სტატია წყალტუბოზე; #ახალიამბები #BusinessMediaGeorgia
ეკონომიკის მინისტრის მოადგილის ირაკლი ნადარეიშვილის განმარტებით, საქართველოში ინოვაციური სტატუსის მქონე სტარტაპებისთვის საგადასახადო შეღავათების ამოქმედება მიმართულია საქართველოს, როგორც ინოვაციების მიმართულებით რეგიონული ცენტრის განვითარებაზე შესაბამისად, მოსალოდნელია, რომ ამ შეღავათის გათვალისწინებით, საქართველოში არამხოლოდ ადგილობრივი, არამედ უცხოური სტარტაპებიც გადაწყვეტენ განაგრძონ საქმიანობა. ეკონომიკის მინისტრის მოადგილე ხაზს უსვამს, რომ მთავრობის მიერ მიღებული საგადასახადო შეღავათებმა ხელშესახები ეფექტები უკვე გამოიღო, რაც საერთაშორისო კომპანიის სტატუსს უკავშირდება. ამ სტატუსს უკვე 120-ზე მეტი კომპანია ფლობს, ხოლო მათ მიერ მომსახურების ექსპორტმა 2023 წელს 1 მილიარდ ლარს გადააჭარბა. დღეს მთავრობას სხვა ტიპის გადაწყვეტილება აქვს მიღებული - საქართველოში ინოვაციური სტარტაპებისთვის საგადასახადო შეღავათები დაწესდება. კომპანიები, რომლებიც შესაბამის კრიტერიუმებს დააკმაყოფილებენ 3 წლის ვადით ყველა გადასახადისგან გათავისუფლდებიან. რა მოლოდინები აქვს ბიზნესს? სტუმარი: თორნიკე სულაბერიძე - ICTA-ის სამეთვალყურეო საბჭოს თავმჯდომარე; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
საქართველოში, როგორც თბილისში, ასევე რეგიონებში სასტუმროების რაოდენობა ყოველწლიურად ზრდის დინამიკას აჩვენებს, რასაც ტურისტების რაოდენობის ზრდა ვერ ეწევა. ამ მოცემულობიდან გამომდინარე, ბოლო პერიოდში კერძო სექტორი მოთხოვნა-მიწოდებას შორის დისბალანსზე ალაპარაკდა. ბიზნესი აღნიშნავს იმასაც, რომ ამ გამოწვევის ფონზე სასტუმროს ნომრების ფასები შემცირებულია და პანდემიამდელ ნიშნულზე დაბრუნება ჯერჯერობით ვერ ხერხდება. თბილისის სასტუმროების გარდა, მოთხოვნა–მიწოდების დისბალანსი საკმაოდ დიდი გამოწვევაა გარკვეულ რეგიონებში მდებარე განთავსების ობიექტებშიც. ბიზნესი ჩვენთან ამ კუთხით ყველაზე აქტიურად კახეთში არსებულ რთულ ვითარებაზე საუბრობს - ზოგი ბიზნესმენის გამოცდილებით, ამ რეგიონში სასტუმროების ნაწილს ოპერირების შეწყვეტაც კი უწევს. სტუმარი: გიორგი ალადაშვილი - რუისპირის ბიოდინამიური მეურნეობის დამფუძნებელი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
Reform-Talks-ით გავხსნით დღევანდელ ჩემს ბლოკს და ჩემს სტუმრებთან ერთად ვისაუბრებთ საზღვაო ერთი ფანჯრის სისტემის მნიშვნელობაზე. სისტემის ჩვენს ქვეყანაში გამართვას - მათ შორის, საკანონმდებლო რეგულაციების დონეზეც -USAID-ის ეკონომიკური მმართველობის პროგრამა უჭერს მხარს. სისტემამ ბიზნესის ხელშემწყობ გარემოს უნდა დაუჭიროს მხარი - ეს კი, თავის მხრივ, საქართველოს ევროპასთან კიდევ უფრო მეტად დაახლოებს. რა სიახლეები გვაქვს ამ ნაწილში და რას მოუტანს ბიზნესს ეროვნული საზღვაო ერთი ფანჯრის სისტემა. სხვათა შორის, -ის ეკონომიკური მმართველობის პროგრამის მასპინძლობით, საზღვაო ტრანსპორტის სააგენტოს მიერ ორგანიზებული 7 დღიანი სამუშაო შეხვედრების ფარგლებში ეროვნული საზღვაო ერთი ფანჯრის სისტემის და სანავსადგურე გაერთიანების სისტემის საკანონმდებლო განხილვა სულ რაღაც ათი დღის წინ შედგა. რა მოლოდინები აქვს ბიზნესს სტუმრები: აკაკი საღირაშვილი - საქართველოს ბიზნეს ასოციაციის აღმასრულებელი დირექტორის პირველი მოადგილე; თემელი შაშიკაშვილი - LAM Shipping Agencies Georgia-ს მმართველი დირექტორი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
"ევროკრედიტი", 5 თვის საპროცენტო განაკვეთს მომხმარებელს ჩუქნის. ეს იმას ნიშნავს, რომ მომხმარებელი სესხის ვადის ბოლო 5 თვეზე მხოლოდ ძირ თანხას გადაიხდის. ეს შეთავაზება 2 სასესხო პროდუქტზე ვრცელდება -სესხზე თვითდასაქმებულებისთვის და ასევე, ავტოსესხზე. რა პირობები უნდა დააკმაყოფილონ მსესხებლებმა საკრედიტო დაწესებულების ამ პირობით სარგებლობისთვის? სტუმარი: სალომე გიორგბერიძე - "ევროკრედიტის" საოპერაციო დირექტორი #ახალიამბები #BusinessMediaGeorgia
თიბისი კაპიტალი, საკუთარი კლიენტებისთვის, ექსკლუზიური საერთაშორისო მაკრო რეპორტის გამოშვებას გეგმავს, ხოლო რამდენიმე კვირის წინ კი საკუთარ მომხმარებლებს სრულიად ახალი, ტექნიკური ანალიზის ყოველკვირეული რეპორტი შესთავაზა სტუმარი: თორნიკე მჭედლიშვილი - "თიბისი კაპიტალის" საბროკერო მიმართულების ვიცე-პრეზიდენტი; #ახალიამბები #BusinessMediaGeorgia
„რუმსს ქმნიან ადამიანები ვინც აქ მუშაობს, სხვაგვარად ის მხოლოდ ცარიელი კედლებია, რომლის კოპირებაც შეიძლება, მაგრამ სულს რომელიც ამ ბრენდს აქვს არ აქვს ფრანშიზა“ - ასე ფიქრობს ვალერი ჩეხერია, Rooms Hotel-ის აღმასრულებელი დირექტორი. რთულია არ დაეთანხმო, მითუმეტეს, რომ ეს ადამიანი ბრენდის ფორმირების სათავეებთან იყო და მისი განვითარების გზაზეც მოწინავეთა რიგებს უძღვებოდა. თამამად შეგვიძლია ვთქვათ, რომ “Rooms” იმ იშვიათ ქართულ ბრენდებს მიეკუთვნება, ვინც მოახერხა და საკუთარ ინდუსტრიაში მსოფლიო მასშტაბით, ადგილის დამკვიდრება მოახერხა. როგორი იყო გზა და როგორ გრძელდება ის, რა სტანდარტების დამკვიდრებას ცდილობს ბრენდი ქართულ და მსოფლიო ბაზარზე? ვალერი ჩეხერია - Rooms Hotel-ის აღმასრულებელი დირექტორი; #ახალიამბები #BusinessMediaGeorgia
“ლოპოტა სპა რეზორტი” - მზადება სეზონისთვის - განვითარების გეგმები&გამოწვევები სტუმარი: გიორგი ქევანიშვილი - "ლოპოტა სპა რეზორტის" აღმასრულებელი დირექტორი #ახალიამბები #BusinessMediaGeorgia
რუბრიკა #პროფესიონალი, რომელსაც ბიზნეს ფედერაცია "ქალები მომავლისთვის” ეგიდით წარმოგიდგენთ, ფედერაციის ბორდის წევრზე, კიდევ ერთ წარმატებულ ქალზე, "AVON საქართველოს" დირექტორ - ანა ცხადაძეზე გიყვებით. ანას პირველი სამსახური სწორედ კომპანია AVON, სადაც მისვლის დღიდან მუდმივად ვითარდება და ამ ეტაპზე უკვე მე-5 პოზიციას იკავებს. თავდაპირველად იგი გაყიდვების ჯგუფის კოორდინატორი გახლდათ, შემდეგ უფროსი ბიზნეს ტრენერი, რის შემდგომაც მომხმარებელთა მომსახურების განყოფილების ხელმძღვანელი გახდა, ამას მოჰყვა გაყიდვების დირექტორობა და დღეს იგი უკვე AVON საქართველოს ადგილობრივი წარმომადგენლობის დირექტორია. აღსანიშნავია, რომ ანას დანიშვნამდე კომპანიას ლოკალურად რეგიონიდან მოვლენილი ექსპერტები მართავდნენ, კომპანიაში მუშაობის 15 წლიანი გამოცდილებით. ანას ლიდერული თვისებებისა და ღირებულებების დამსახურებით, ბიზნესის ფუნდამენტური ცოდნისა და გასულ პოზიციებზე ეფექტიანი მართვის გამოცდილების გამო, ის კომპანიაში პირველი ქართველი დირექტორი გახდა. ანა ცხადაძე - "AVON საქართველოს" დირექტორი; #ახალიამბები #BusinessMediaGeorgia
გუშინ ევროპულმა ბიზნეს ასოციაციამ, სამედიცინო ცენტრმა ციტომ და იუესეიაიდის პროგრამამ "დამსაქმებლები პროფესიული განათლებისთვის" სამედიცინო ლაბორატორიის სფეროში არსებული გამოწვევებისა და შესაძლებლობების განსახილველად საჯარო-კერძო დიალოგი გამართეს. ღონისძიებაზე სამედიცინო ლაბორატორიის სფეროში პროფესიული საგანმანათლებლო სისტემის საერთაშორისო პრაქტიკისა და USAID-ის მხარდაჭერილი, Cito-EBA-ის პარტნიორობით განხორციელებული საპილოტე პროექტის პრეზენტაცია ჩატარდა. #ახალიამბები #BusinessMediaGeorgia
#საქმიანიდილა - 29 მარტი - პროლოგი #ახალიამბები #BusinessMediaGeorgia
სახელმწიფოს თანადაფინანსებით მოსავლის ამღები სასოფლო-სამეურნეო ტექნიკის შეძენას ფერმერები 2024 წელსაც შეძლებენ და ამასთან, პროგრამაში ცვლილებებია. გარემოს დაცვისა და სოფლის მეურნეობის სამინისტროს ინფორმაციით, განაცხადების მიღება მიმდინარე წლის აპრილში დაიწყება. გაზრდილია პროგრამის ჯამური ბიუჯეტი. კერძოდ, თუ გასულ წელს, გამოყოფილი იყო 7 მილიონი ლარი, წელს 10 მილიონი ლარს აღწევს. სამინისტროს განმარტებით, იმ ფაქტის გათვალისწინებით, რომ დიდია პროგრამით დაინტერესება, სახელმწიფოს მხრიდან თანადაფინანსება განისაზღვრა ღირებულების 30%-ით, მაგრამ არაუმეტეს 150 000 ლარით. პროგრამის ახალი პირობით, თანადაფინანსებით ყურძნის მოსავლის ამღები ტექნიკის შეძენაც შესაძლებელია. სტუმარი: ლაშა ჯინჭარაძე - Sartichala Vineyard Management-ის პარტნიორი; #ახალიამბები #BusinessMediaGeorgia
მესამე პირის პასუხისმგებლობის დაზღვევის შესახებ კანონპროექტის გადამუშავებული ვერსია მზადაა და ის ეკონომიკურ საბჭოს უახლოესი კვირების განმავლობაში წარედგინება - ამის შესახებ BMG-ს კითხვის საპასუხოდ ვიცე-პრემიერმა, ეკონომიკის მინისტრმა ლევან დავითაშვილმა განაცხადა. დავითაშვილი განმარტავს, რომ კანონპროექტის პირველადი ვერსია გადამუშავდა, რასაც ერთ წელზე მეტი დასჭირდა. სადაზღვევო სექტორი „ავტომფლობელთა მესამე პირის პასუხისმგებლობის სავალდებულო დაზღვევის“ შესახებ კანონის მიღებას უკვე რამდენიმე წელია ელის. პარლამენტში კანონპროექტი ჯერ კიდევ 2018 წელს დარეგისტრირდა, თუმცა მისი განხილვა შეჩერდა. სტუმარი: დევი ხეჩინაშვილი - სადაზღვევოს ასოციაციის ხელმძღვანელი; #ახალიამბები #BusinessMediaGeorgia
როგორც ტურისტული კომპანიების წარმომადგენლები აცხადებენ, გერმანიის იმ ქალაქებში, სადაც ევროპის ჩემპიონატი უნდა ჩატარდეს როგორც თვითმფრინავის ბილეთების, ასევე სასტუმროების ღირებულება მნიშვნელოვნად გაიზარდა და მოლოდინია, რომ ზრდის ტენდენცია გაგრძელდება. მაგ. ტურისტული კომპანია „ვოიაჟერ 365“-ში BMG-სთან საუბრისას ამბობენ, რომ მატჩის მოგებიდან დაიწყო პაკეტის გაყიდვა და მოთხოვნა ყველა მატჩზე, რომელშიც საქართველო თამაშობს, ძალიან მაღალია. ნაკრების თამაშზე დასასწრები ტურისტული პაკეტის ღირებულება 1 ადამიანზე, ამ ეტაპისთვის 4000-4500 ლარიდან იწყება და მოთხოვნის შესაბამისად ცვლადია. პაკეტი მოიცავს ავიაბილეთს, სასტუმროსა და თამაშზე დასასწრებ ბილეთს. რაც შეეხება მხოლოდ ფრენებს, საქართველოდან, კერძოდ ქუთაისიდან გერმანიის მიმართულებით ფრენები რამდენიმე ქალაქში სრულდება, აქედან დორტმუნდსა და ჰამბურგში, სადაც მატჩები ტარდება, პირდაპირი რეისები სრულდება. ამ დროისთვის დორტმუნდში wizz air-ით ფრენა 17 ივნისს 1,606 ლარიდან იწყება. 21 ივნისს უკან დასაბრუნებელი ბილეთის ფასი კი, 1,449 ლარიდან. რაც შეეხება ჰამბურგს, აქ 22 ივნისამდე ბოლო ფრენა 18 ივნისს შესრულდება და ბილეთის ფასი 579 ლარია, ხოლო უკან დაბრუნება 25 ივნისს 819 ლარია. ტურისტული კომპანიების ნაწილი ამბობს, რომ ფასები ზამთრიდან მოყოლებული ვიზეარზე 50%-იან ზრდას აჩვენებს, რაც სხვადასხვა ფაქტორებით და მათ შორის იმითაც იხსნება, რომ ავიაკომპანიის პრობლემა ჰქონდა Airbus-ის თვითმფრინავებში დაყენებულ ძრავებთან დაკავშირებით. 26 მარტის ღამიდან გაზრდილი ფასები იხსნება მოთხოვნიდან გამომდინარეც. სტუმარი: გიორგი მოლოდინაშვილი - საავიაციო საკონსულტაციო ჯგუფის მმართველი პარტნიორი & საავიაციო კომიტეტის ხელმძღვანელი; #ახალიამბები #BusinessMediaGeorgia
სასტუმრო, ბილეთები - რა დაგიჯდებათ ნაკრების გულშემატკივრობა ევროპის ჩემპიონატზე? #ახალიამბები #BusinessMediaGeorgia
ბოლო 2 დღეა კი ეკონომიკა, ბიზნესი, ტურიზმი და ქვეყნის ცნობადობაც პირდაპირპროპორციულად სპორტს და კერძოდ, ფეხბურთს განსაკუთრებულად დაუკავშირდა. ვიცი რომ ყველამ იცით ამის შესახებ, მაგრამ ყველა ჯერზე სიამაყით გამოსაცხადებელია, რომ საქართველოს ფეხბურთის ეროვნული ნაკრები ევროპის ჩემპიონატზე ითამაშებს. ევრო 2024-ის საკვალიფიკაციო ეტაპის ფინალურ შეხვედრაში, რომელიც თბილისში, „დინამო არენაზე“ გაიმართა, მან საბერძნეთის ეროვნულ ნაკრებს სძლია და გერმანიაში, ევრო 2024-ის ფინალურ ტურნირში მონაწილეობის უფლება მოიპოვა. ვილი სანიოლის გუნდმა საბერძნეთთან მატჩი “დინამო არენაზე” 11-მეტრიანების სერიაში მოიგო. რიგით მე-17 ტურნირზე პირველობისთვის 14 ივნისიდან 14 ივლისამდე პერიოდში გერმანიაში 22 ქვეყანა იასპარეზებს. საქართველო F ჯგუფში ითამაშებს, სადაც მეტოქეებად თურქეთი, პორტუგალია და ჩეხეთი ეყოლება. მიღმა სიხარულისა რაც ამ ფაქტმა სრულიად ერს როგორც ქვეყნის შიგნით მყოფებს, ისე ემიგრანტებს მოგვიტანა, მას აქვს სხვადასხვა ტიპის გვერდითი ეფექტები და ერთ-ერთი უმნიშვნელოვანესია გავლენა ტურიზმზე. გერმანიასთან, ესპანეთთან, იტალიასთან, ინგლისთან და კიდევ 20-მდე ქვეყანასთან ერთად, ჩამონათვალში საქართველოს გაჩენა ცხადია, რომ ზრდის ქვეყნის ცნობადობას და ევროპულ რუკაზე საქართველოს თავის დამკვიდრების შესაძლებლობასაც. სტუმარი: ვალერი ჩეხერია - Rooms Hotel-ის აღმასრულებელი დირექტორი; #ახალიამბები #BusinessMediaGeorgia
როგორ უნდა ამუშავდეს რესპუბლიკური საავადმყოფო, ამ საკითხზე ისაუბრეს მინისტრმა მიხეილ სარჯველაძემ და მისმა მოადგილემ თამარ გაბუნიამ გუშინ საავადმყოფოს მენეჯმენტთან. რესპუბლიკურ საავადმყოფოში უმცროსი სამედიცინო პერსონალის დეფიციტია და ამის გამო, მხოლოდ სამი, ჰემოდიალიზის, ამბულატორიული და ცე ჰეპატიტის სამკურნალო განყოფილებები მუშაობს. რა სჭირდება თბილისის ერთ-ერთ უმსხვილეს სამედიცინო დაწესებულებას სრულფასოვანი ამუშავებისთვის და რა მდგომარეობაა ახლა იქ? სტუმარი: ნინო ოთარიშვილი - რესპუბლიკური საავადმყოფოს კარდიოლოგიური დეპარტამენტის ხელმძღვანელი; #ახალიამბები #BusinessMediaGeorgia
2009 წელს კახეთში, სოფელ კისისხევში, გერმანელი ბიზნესმენის, ბურხარდ შუხმანის მიერ განხორციელებული ინვესტიციით დაწყებულმა მეღვინეობა – მევენახეობის ბიზნესმა, „შუხმან ვაინს ჯორჯიამ“, წლების განმავლობაში ღვინის ტურიზმის თითქმის ყველა მიმართულება მოიცვა და საერთაშორისო მასშტაბით სახელის დამკვიდრებაც მოახერხა. ბიზნესის დასაწყისში, შუხმანის ღვინის ექსპორტი სულ 20 000 ბოთლი იყო, დღეს ეს მაჩვენებელი მილიონ ნახევარ ბოთლს აღწევს. კიდევ რა შეიცვალა 2009 წლის შემდეგ, სად არის ახლა შუხმან ვაინს ჯორჯია და რა გეგმები აქვს კიდევ უფრო გაფართოებისთვის? სტუმარი: ნუცა აბრამიშვილი - "შუხმან ვაინს ჯორჯიას" გენერალური დირექტორი; #ახალიამბები #BusinessMediaGeorgia
კარგად მახსოვს მისი პირველი გამოჩენა - მეხის გავარდნა იყო ქართული სალიტერატურო ენის ცაზე. ეთერ თათარაიძე, პრინციპში, ჩვენი დროის ვაჟა-ფშაველაა - ზუსტად იმავე ენობრივ პოლიტიკას ატარებს და ისევე არ ღალატობს თავის თავს, როგორც არ ღალატობდა ვაჟა. ამის გამო, ეთერსაც ისევე ჰყავს მტრები, როგორც ვაჟას ჰყავდა. ჩვენს მსმენელს კი ერთი რჩევა შემიძლია მივცე. აიღეთ ეთერ თათარაიძის რომელიმე კრებული და სადაც გადაშლით, ის ლექსი წაიკითხეთ... ეთერი არ არის პოეტი, რომელსაც შედევრები და სხვა ლექსები აქვს დაწერილი, ის ყოველთვის ერთ დონეზე წერს და ეს საოცრებაა! - ეს ლევან ბერძენიშვილის სიტყვებია ეთერ თათარაიძეზე, რომელიც მან Mtisambebi.ge-ზე, საავტორო გადაცემა „მთა და ლიტერატურაში“ წარმოთქვა. ეთერ თათარაიძე - პოეტი, ენათმეცნიერი, ფოლკლორისტი; ავტორები: მანანა მანჯგალაძე, ედგარ ყაზახაშვილი, ლადო ცხადაია; #ახალიამბები #BusinessMediaGeorgia
როგორ უჭერს მხარს შვედეთის მთავრობა საქართველოს ევროპულ ინტეგრაციას და ეკონომიკურ განვითარებას, როგორია საქართველოში შვედური ინვესტიციების მოზიდვისა და შვედეთის ბაზარზე ქართული პროდუქციისა და სერვისების ექსპორტის პოტენციალი, როგორ ეხმარება შვედეთი ქართულ კომპანიებს მწვანე ეკონომიკაზე გადასვლაში და როგორია სამომავლო გეგმები? სტუმრები: სალომე ზურაბიშვილი - გაეროს გლობალური შეთანხმების საქართველოს ქსელის აღმასრულებელი დირექტორი; ანნა ლიბერგი - შვედეთის სამეფოს საგანგებო და სრულუფლებიანი ელჩი საქართველოში; #ახალიამბები #BusinessMediaGeorgia
საქართველოში უცხოეთიდან გამოწერილი ამანათების რაოდენობა და შოპინგის ამ მიმართულებაზე გაწეული ხარჯი სულ უფრო მზარდია. ამის მთავარ მიზეზად საზღვარგარეთ შოპინგის ბიუჯეტურობა სახელდება. როგორია სხვაობა ქართულ და სხვა ქვეყნების სავაჭრო სივრცეებში არსებულ ფასებს შორის, რა პროცესებთანაა დაკავშირებული ონლაინ შოპინგი და რა რაოდენობის თანხები იხარჯება ამ ყველაფერზე? #ახალიამბები #BusinessMediaGeorgia
სასტუმრო სინგაპურში, სადაც წვიმიანი ამინდის დროს კომპენსაციას გადაგიხდიან #ახალიამბები #BusinessMediaGeorgia
#საქმიანიდილა - 28 მარტი - პროლოგი #ახალიამბები #BusinessMediaGeorgia
გასული კვირის ბოლოს, ინვესტორთა საბჭოს 22-ე შეხვედრა შედგა. ინვესტორთა საბჭოში შემავალი ბიზნეს ასოციაციებისა და საერთაშორისო ფინანსური ორგანიზაციების წარმომადგენლებმა განიხილეს საკითხები, რომლებიც დღეს ყველაზე აქტუალურია ბიზნესისთვის. განსახილველ საკითხებს შორის იყო, საქართველოში კომერციული არბიტრაჟის გაძლიერება და ახალი გადაწყვეტილებები ამ მიმართულებით. არბიტრაჟი დავების გადაწყვეტის სწრაფი მექანიზმია, თუმცა იმისთვის, რომ საარბიტრაჟო დავა საბოლოოდ აღსრულდეს მას აუცილებლად სჭირდება სასამართლოს გზის გავლა, სააპელაციო სასამართლომ უნდა ცნოს საარბიტრაჟო გადაწყვეტილება. პროფესიული წრეების მიერ აღიარებულია, რომ სწორედ ამ რგოლშიც ხდება ვადების გაჭიანურება. ასრულებს თუ არა სასამართლო სისტემა ამ პროცესში ნეგატიურ როლს და როგორ უნდა გაძლიერდეს არბიტრაჟის ინსტიტუტი საქართველოში? სტუმარი: რუსუდან ჭკუასელი - საქართველოს არბიტრთა ასოციაციის თავმჯდომარე; #ახალიამბები #BusinessMediaGeorgia
როგორც კი საქართველო ევროკავშირში შევა, საქართველოს მოქალაქეები ევროკავშირის მთელ ტერიტორიაზე სრული შრომითი უფლებებით ისარგებლებენ, - ეს განცხადება ევროკავშირის ელჩს საქართველოში, პაველ ჰერჩინსკის ეკუთვნის. მან გასულ კვირას უპასუხა საქართველოს მოქალაქეების მიერ დასმულ კითხვას, შეუძლია თუ არა ევროკავშირის კანდიდატის სტატუსს გააუმჯობესოს შრომითი უფლებები საქართველოში და საქართველოს მოქალაქეებს ევროკავშირის ქვეყნებში ლეგალური დასაქმების შესაძლებლობა გაუადვილოს. ელჩის თქმით, საქართველოს ევროკავშირში გაწევრიანების შემდეგ, საქართველოს მოქალაქეები ისარგებლებენ ევროკავშირში არსებული სოციალური დაცვით, ოფიციალური დასაქმებით, ხელფასებით და პენსიებით. თუმცა, როგორც დიპლომატმა აღნიშნა, გაწევრიანების პროცესში საქართველოს მთავრობას მოუწევს საქართველოსა და ევროკავშირს შორის შრომის სტანდარტებისა და სოციალური დაცვის კუთხით არსებული აცდენები გამოასწოროს. რა მიმართულებით აქვს ქვეყანას სამუშაო და რა შრომითი უფლებებით შეეძლებათ საქართველოს მოქალაქეებს ევროკავშირში სარგებლობა? სტუმარი: შალვა ცხაკაია - დამსაქმებელთა ასოციაციის ბორდის წევრი; #ახალიამბები #BusinessMediaGeorgia
ჯანდაცვის სექტორისთვის ახალი საკანონმდებლო ცვლილებები მზადდება. ჯერ კიდევ წინა მინისტრის პირობებში ჯანდაცვის სამინისტრომ „სამედიცინო მოწყობილობების შესახებ“ კანონპროექტი შეიმუშავა. ვსაუბრობთ საკანონმდებლო ცვლილებებზე, რომელიც ადამიანის მოხმარებისთვის განკუთვნილი სამედიცინო მოწყობილობების, მათ შორის სამედიცინო მოწყობილობების აქსესუარების ბაზარზე განთავსებასთან, ბაზარზე ხელმისაწვდომობასთან ან მათ ექსპლუატაციასთან დაკავშირებულ საკითხებს არეგულირებს და ის ევროკავშირის კანონმდებლობას ეფუძნება. რამდენიმე მნიშვნელოვანი ჩანაწერი გამოვყოთ კანონპროექტში- თუ მოწყობილობის მწარმოებელი არ არის დაფუძნებული საქართველოში, მოწყობილობა შეიძლება მხოლოდ იმ შემთხვევაში განთავსდეს საქართველოს ბაზარზე, თუ მწარმოებელი დანიშნავს ერთ უფლებამოსილ წარმომადგენელს. იმპორტიორმა კი საქართველოს ბაზარზე უნდა განათავსოს მხოლოდ ის მოწყობილობა, რომლებიც შეესაბამება ამ კანონისა და კანონქვემდებარე ნორმატიული აქტების მოთხოვნებს. მათ შორის, მოწყობილობას უნდა გააჩნდეს „CE“ მარკირება და მოწყობილობაზე შედგენილი უნდა იყოს ევროკავშირის შესაბამისობის დეკლარაცია; „სამედიცინო მოწყობილობების მწარმოებელთა, იმპორტიორთა და დისტრიბუტორთა ასოციაცია“ სამედიცინო მოწყობილობების რეგულირების მომხრეა, თუმცა კანონპროექტის მსგავსი ფორმით დამტკიცება მწარმოებელი კომპანიებისთვის მიუღებელია. იმ პირობებში, როდესაც ქვეყანა ჯერჯერობით არ არის ევრო კავშირის წევრი, ასოციაცია აცხადებს, რომ კანონის ამ ფორმით მიღება სირთულეებს გამოიწვევს ევროკავშირის გარეთ სხვა პარტნიორ ქვეყნებთან ურთიერთობაში და დიდი ალბათობით წინააღმდეგობაშია ასეთ ქვეყნებთან არსებულ შეთანხმებებთან. წერილში, რომელიც ჯანდაცვის სამინისტროს გაეგზავნა, კერძო სექტორი ასევე მიუთითებს, რომ სამედიცინო მომსახურების დაფინანსების DRG სისტემაზე გადასვლით მოხდა ის, რომ თუ კლინიკები მანამდე გარკვეული პროცედურების დროს იყენებდნენ მართლაც მაღალი ხარისხის „CE ნიშნის“ მქონე ქირურგიულ სახარჯ მასალებს, იძულებული გახდნენ ჩაენაცვლებინათ ასეთი სახარჯი მასალები შედარებით იაფი და შედარებით დაბალი ხარისხის სახარჯი მასალით, ამდენად წარმოდგენილი კანონპროექტ #ახალიამბები #BusinessMediaGeorgia
ბუღალტრული აღრიცხვის, ანგარიშგებისა და აუდიტის შესახებ წესები იცვლება. ეს ამბავი გუშინ მოვისმინეთ, საფინანსო-საბიუჯეტო კომიტეტზე, როდესაც „ბუღალტრული აღრიცხვის, ანგარიშგებისა და აუდიტის შესახებ" კანონპროექტში შესატანი ცვლილებები განიხილეს. კანონის პროექტის განმარტებითი ბარათის მიხედვით, კანონის მიზანია, ევროკავშირთან ასოცირების ხელშეკრულების შესაბამისად მოხდეს, საქართველოს საგადახდო კანონის ევროკავშირის კანონმდებლობასთან დაახლოება ეტაპობრივად და ამასთან დინამიკურად.კანონად ქცევის შემთხვევაში, რომელიც 2025 წლის 1 იანვრიდან ამოქმედდება, რა ცვლილებებს ითვალისწინებს მთავრობის მიერ ინიცირებული პროექტი? სტუმარი: პაატა შარაბიძე - "ნექსია საქართველოს" აუდიტის მენეჯერი; #ახალიამბები #BusinessMediaGeorgia
ქალთა გაძლიერების პრინციპების ხელმომწერი კომპანიების რაოდენობა მსოფლიოში უკვე 8800-ზე მეტია. ასოციაციებისთვის სულ ახლახან გაიხსნა ამ პრინციპებზე ხელმოწერის შესაძლებლობა და საქართველოს საბანკო ასოციაცია, ერთ-ერთი პირველია, რომელიც საქართველოში ამ პრინციპებს ხელს მოაწერს. ასოციაციის წევრი ბანკები უკვე დიდი ხანია არიან ამ პრინციპების არა მარტო ხელმომწერი, არამედ პრაქტიკაში გამტარებლებიც, სექტორი ძალიან აქტიურადაა ჩართული ქალთა გაძლიერებაში. სტუმრები: სალომე მაკარიძე - საქართველოს საბანკო ასოციაციის კომუნიკაციების მიმართულების ხელმძღვანელი; ლევან გოგოლაძე - საქართველოს საბანკო ასოციაციის ESG მიმართულების კოორდინატორი; #ახალიამბები #BusinessMediaGeorgia
ყოველწლიურად ევროპაში საშუალოდ 160 000 ახალი სტარტაპი რეგისტრირდება. თუმცა, როგორც კვლევები ცხადყოფს, დამწყები ბიზნესების დაახლოებით 10% წარუმატებელია. ამ მოცემულობიდან გამომდინარე, ექსპერტები ერთი მხრივ მნიშვნელობას ანიჭებენ სტარტაპერების ცოდნისა და ცნობიერების ამაღლებას, ხოლო მეორე მხრივ გარემოს - სადაც ისინი მეტად განვითარებასა და წარმატების მიღწევას შეძლებენ. ამის გათვალისწინებით, ბრიტანულმა კომპანია The Knoweldge Academy-მ უახლესი კვლევა გამოაქვეყნა, სადაც ევროპის ის ქალაქებია განხილული, რომლებიც დამწყებ ბიზნესებს ყველაზე კარგ შესაძლებლობას სთავაზობს. რა კრიტერიუმები უნდა დაეკმაყოფილებინათ ქალაქებს რეიტინგში მოსახვედრად და რომელი მათგანი დასახელდა სტარტაპებისთვის საუკეთესო ქალაქად? #ახალიამბები #BusinessMediaGeorgia
მწვანე ეკონომიკა და საქართველოს პოტენციალი. ოცდამეერთე საუკუნეში განახლებადი ენერგიის და კონკრეტულად – მზის ენერგიის, პოტენციალი და სამომავლო პერსპექტივა კამათის საგანი კარგა ხანია, აღარ არის. მზარდი ინტერესის კვალდაკვალ მზის ენერგიის გამოყენება საქართველოშიც სულ უფრო პოპულარული ხდება. Geo-Energy, ჩინური კომპანია Seraphim-ის დილერია საქართველოში, Geo-Energy ერთ-ერთი პირველი კომპანიაა ადგილობრივ ბაზარზე, რომელიც ახორციელებს მზის ელექტროსადგურების პროექტირება-დიზაინს, მშენებლობა მონტაჟს და საგარანტიო მომსახურებას. თავად Seraphim-ი მსოფლიოს უდიდეს ათეულში შემავალი მზის პანელების მწარმოებელი კომპანიაა, Geo-Energy კი მისი ექსკლუზიური წარმომადგენელია საქართველოში. რამდენად მზარდია საქართველოს ბაზარი და როგორია განვითარების დინამიკა? სტუმარი: ლევან აბაშიძე - Geo-Energy-ის დირექტორი და თანადამფუძნებელი #ახალიამბები #BusinessMediaGeorgia
ბიზნეს კლიმატის ინდექსის მაჩვენებლები საქართველოს ბიზნეს ასოციაციის, პიემსი კვლევითი ცენტრისა და IFO ეკონომიკური კვლევების ინსტიტუტის ერთობლივი პროდუქტია. ბიზნეს კლიმატის მაჩვენებელი BAG-ის წევრებისა და მათ ჯგუფში შემავალი კომპანიების გამოკითხვის საფუძველზე გამოითვლება, ინდექსის მიხედვით, 2024 წლის I კვარტალში, გამოკითხულმა კომპანიებმა თავიანთი მიმდინარე მდგომარეობა და მომდევნო ექვსი თვის მოლოდინი დადებითად შეაფასეს. BAG ბიზნეს კლიმატის მაჩვენებელმა 43.6 ქულა შეადგინა, მათ შორის, ბიზნესის მიმდინარე მდგომარეობის მაჩვენებელი 27.4, ხოლო ბიზნესის მოლოდინის მაჩვენებელი 60.8 ქულაა. სტუმრები: ლევან ვეფხვაძე - საქართველოს ბიზნეს ასოციაცია, აღმასრულებელი დირექტორი; გიორგი ხიშტოვანი - PMC კვლევითი ცენტრის დირექტორი; #ახალიამბები #BusinessMediaGeorgia
ახლახან მსოფლიოს ყველაზე ბედნიერი რეგიონების ინდექსი გამოქვეყნდა, სადაც ევროპა ლიდერობს. კონკრეტულად პირველი ქვეყანა ლიტვაა. რის მიხედვით იზომება ბედნიერების ინდექსი, რა კრიტერიუმებს მოიაზრებს და რატომ დაწინაურდა ეს რეგიონი? #ახალიამბები #BusinessMediaGeorgia
ყველაზე ძვირადღირებული პრეპარატი მსოფლიოში - Lenmeldy-ს თერაპიის კურსი $4,25 მლნ ეღირება #ახალიამბები #BusinessMediaGeorgia
აქონდროპლაზიის მედიკამენტმა დადებითი შედეგი აჩვენა - ბავშვების ნაწილში 1-3 სმ-დე ზრდა დაფიქსირდა #ახალიამბები #BusinessMediaGeorgia
"აგროჰაბმა" რიგით მეხუთე ფილიალი გახსნა, ახალი ობიექტი თბილისში, გამსახურდიას სანაპიროს 80 ნომერში მდებარეობს. აგროჰაბის მთავარი კონცეფცია უცვლელია, მსგავსად სხვა არსებული ფილიალებისა ახალი ობიექტიც ცენტრალური საწარმოდან ნატურალური პროდუქტებით მომარაგდება. #ახალიამბები #BusinessMediaGeorgia
#საქმიანიდილა - 27 მარტი - პროლოგი #ახალიამბები #BusinessMediaGeorgia
ხელოვნური ინტელექტის ყოველდღიურ ცხოვრებაში გამოყენება დაჩქარდა. საერთაშორისო სავალუტო ფონდის ბოლო მოხსენებით, ხელოვნური ინტელექტის ზრდამ შესაძლოა, გლობალურ სამუშაო ადგილების 40%-ზე იქონიოს გავლენა, რაც იმას ნიშნავს, რომ ადამიანი მანქანით ჩანაცვლდება. და რა იქნება მაშინ, თუ ამ მანქანას ხელოვნური ინტელექტიც აქვს? - სამუშაო ადგილები სულ უფრო ხშირად ჩანაცვლდება დაუღალავი და იაფი მუშა ხელით - რობოტებით. საერთაშორისო სავალუტო ფონდი ანგარიშში ამბობს, რომ ტექნოლოგიის მზარდმა გამოყენებამ შეიძლება გააღრმავოს უთანასწორობა. ფონდი მოუწოდებს მთავრობებს გააძლიერონ სოციალური უსაფრთხოების ქსელები და უზრუნველყონ გადამზადების პროგრამები ხელოვნური ინტელექტის ეფექტების შესამცირებლად. რომელი პროფესიებია რისკის ქვეშ და როგორი ტენდენციებია ქართული დასაქმების ბაზარზე? სტუმარი: მედეა ტაბატაძე - საკონსულტაციო და რეკრუტინგული კომპანია Insource-ის მმართველი პარტნიორი; #ახალიამბები #BusinessMediaGeorgia
მსოფლიო ბაზრებზე ოქროს ფასი რეკორდულ მაჩვენებელზეა. ამჟამად უნცია ოქროს ფასი 2200 $-ს აჭარბებს, გასული კვირის განმავლობაში კი ფასი 2 250 $-საც გადასცდა. ექსპერტების ნაწილი ფიქრობს, რომ ზრდის ტენდენცია გაგრძელდება და ეს მაჩვენებელი, სავარაუდოდ, 2 500-იან ნიშნულსაც გადასცდება. ბოლო 1 წლიან პერიოდში ერთი უნცია ოქროს ფასი 12%-იან ზრდას აჩვენებს, რაც ეტაპობრივად ქართულ ბაზარზეც ისახება. ამჟამად 585 სინჯიანი გრამი ოქროს ღირებულება 145-160 ლარის ფარგლებშია, 999 სინჯის ფასი კი 192-200 ლარის ფარგლებშია. სტუმარი: თორნიკე სამხარაძე - „ზარაფხანას“ აღმასრულებელი დირექტორი #ახალიამბები #BusinessMediaGeorgia
ბიზნესომბუდსმენის აპარატი საცალო ვაჭრობის ობიექტების მიმართვის საფუძველზე, არასრულწლოვანთა მხრიდან წვრილმანი ქურდობის საკითხებს სწავლობს. როგორც ბიზნესომბუდსმენი ოთარ დანელია აცხადებს, საკითხში იუსტიციის სამინისტროა ჩართული. მასშტაბის ზრდის საშიშროებიდან გამომდინარე კი დაგეგმილია სამომავლოდ გარკვეული პროგრამების შემუშავებაც. არასრულწლოვანთა მართლმსაჯულების კოდექსის თანახმად, პასუხისმგებლობის მინიმალური ასაკი შემდეგნაირადაა განსაზღვრული: სისხლის სამართლებრივი პასუხისმგებლობისათვის 14 წელი, ხოლო ადმინისტრაციული პასუხისმგებლობისათვის – 16 წელი. რამდენად მასშტაბურია წვრილმანი ქურდობები რითეილ სექტორისთვის? სტუმარი: სოფიო ქაშაკაშვილი - რითეილ ასოციაციის ხელმძღვანელი; #ახალიამბები #BusinessMediaGeorgia
25 მარტის ვაჭრობის შედეგად ქართული ეროვნული ვალუტა აშშ დოლართან მიმართებით მცირედით კიდევ გაუფასურდა და 2,70 ლარი გახდა. რაც შეეხება ევროს, გუშინდელი ვაჭრობის შედეგად კურსმა მცირედი გამყარება აჩვენა და ერთი ევროს ოფიციალური ღირებულება 2,92 ლარით განისაზღვრა. გასული კვირის განმავლობაში ლარის კურსი დოლართან მიმართებით რამდენჯერმე გაუფასურდა. 22 მარტის ვაჭრობის შედეგად დოლარის მიმართ კურსის ცვლილებამ 0.60 თეთრი შეადგინა. ლარი დოლართან მიმართებით გაუფასურდა 19 მარტსაც, ცვლილება 0.30 თეთრი იყო. ბოლო პერიოდის რყევების ფონზე გუშინ ლარის კურსზე კომენტარი გააკეთა საქართველოს ეროვნული ბანკის პრეზიდენტის მოვალეობის შემსრულებელმა. ნათია თურნავა ფიქრობს, რომ კურსის რყევა შეიძლება ერთი მსხვილი ტრანზაქციით იყოს განპირობებული, გრძელვადიან პერსპექტივაში კი ბაზარი სტაბილურობას ინარჩუნებს. რატომ უფასურდება ბოლო პერიოდში ლარის კურსი და რამდენად სტაბილურია ბაზარი? სტუმარი: ოთარ ნადარაია - თიბისი ჯგუფის მთავარი ეკონომისტი; #ახალიამბები #BusinessMediaGeorgia
40 000 ლარამდე ფასდაკლება, საგზური, დაზღვევა, საწვავი, 1 წლიანი სერვისი საჩუქრად - აღნიშნული შეთავაზება დახვდება “სტრადა მოტორსის“ მომხმარებელს, რომელიც მსოფლიო ავტობრენდების Jeep-ის, Alfa Romeo-ს, FIAT-ის, Dodge-ის და RAM- ის მოდელებზე ვრცელდება. თავის მხრივ კომპანია, სწორედ ამ ბრენდების დილერია საქართველოში. შოურუმში მოდელების ფართო ასორტიმენტია და იქ მისულებს JEEP-ის და RAM-ის ექსკლუზიური მოდელებიც დაგხვდებათ. ლევან ასანიშვილი - Jeep-ის, AR-ს, FIAT-ის, Dodge-ის და RAM- ის ცენტრის გენერალური დირექტორის მოადგილე #ახალიამბები #BusinessMediaGeorgia
2023 წლის მაისში ბაზარზე ახალი ტექნოლოგიური სტარტაპი Retain-ი გამოჩნდა, რომლის მეშვეობითაც დღეს 150-მდე კომპანია, საქართველოს მასშტაბით 2 000-ზე მეტი ფილიალიდან QR კოდებითა და URL ბმულებით მომხმარებლის უკუკავშირს აგროვებს. მომხმარებელთა კომენტარი კი საჯარო არ არის და ის მხოლოდ კომპანიის სათავო ოფისისთვისაა ხელმისაწვდომი. 2024 წლის თებერვლიდან კომპანიამ შეფასების არსებულ ფორმებს სპეციალური პროდუქტი დაამატა, რომელიც კომპანიებს SMS მარკეტინგისთვის მომხმარებლის თანხმობის მოპოვებაში ეხმარება. გადაჭრის თუ არა სტარტაპი იმ კომპანიების პრობლემას, რომლებსაც მომხმარებელთან სარეკლამო შეთავაზებების SMS-ის სახით გაგზავნა აღარ შეუძლიათ. სტუმარი: ლევან ჯაბუა - Retain-ის თანადამფუძნებელი და აღმასრულებელი დირექტორი #ახალიამბები #BusinessMediaGeorgia
საბანკო სექტორი ელის, რომ მიმდინარე წელს საქართველოში რეფინანსირების განაკვეთის შემცირება ნელი ტემპებით გაგრძელდება. ანალოგიური პროგნოზი აქვს ეროვნულ ბანკსაც, სადაც ამბობენ, რომ მონეტარული პოლიტიკის შერბილება ფრთხილი ნაბიჯებით გაგრძელდება. რაც შეეხება გლობალურად გამკაცრებულ მონეტარულ პოლიტიკას, მოლოდინია, რომ აშშ-სა და ევროპაში განაკვეთების შემცირება წლის მეორე ნახევარში დაიწყება, რასაც გავლენა საქართველოზეც უნდა ჰქონდეს. როგორ შეიცვლება წელს საპროცენტო განაკვეთები და გაიაფდება თუ არა სავალუტო სესხები? #ახალიამბები #BusinessMediaGeorgia