ლოპოტამ წარმატებით განათავსა 11 მლნ აშშ დოლარისა და 6.9 მლნ ევროს მოცულობის 2-წლიანი ობლიგაციები. ემისია 20 მილიონი აშშ. დოლარის მოცულობის ობლიგაციების პროგრამის ფარგლებში განხორციელდა, რომელიც კომპანიისთვის სადებიუტოა. ტრანზაქციის ექსკლუზიური აგენტი თიბისი კაპიტალი იყო. ფასიანი ქაღალდები საქართველოს ეკონომიკის განვითარების კორპორაციის კაპიტალის ბაზრის მხარდაჭერის პროგრამის ფარგლებში განთავსდა.

ლოპოტას კაპიტალის ბაზარზე შესვლას საქართველოს ეროვნული ბანკიც გამოეხმაურა. სების პირველი ვიცე-პრეზიდენტის, ეკატერინე მიქაბაძის შეფასებით, ადგილობრივ ბაზარზე ისეთი მასშტაბის და რეპუტაციის მქონე კომპანიის გამოჩენა, როგორიც ლოპოტაა, მნიშვნელოვანი მოვლენაა.

რა შესაძლებლობებს ქმნის კაპიტალის ბაზარი მსხვილი ქართული კომპანიებისთვის და როგორ შეხვდა ბაზარი ახალ ემიტენტს?

სტუმრები: ოთარ შარიქაძე - თიბისი კაპიტალის დირექტორი;
გიორგი ქევანიშვილი - ლოპოტა სპა რეზორტის აღმასრულებელი დირექტორი

#ახალიამბები #BusinessMediaGeorgia