მეცნიერება, ტექნოლოგიები, ინჟინერია და მათემატიკა - სფეროები, რომლებიც თანამედროვე ეკონომიკისა და მომავლის პროფესიების საფუძველს ქმნის. სწორედ ამ მიმართულებებისადმი ინტერესის გასაძლიერებლად უკვე მეოთხე წელია საქართველოს ბანკი და კომაროვის სკოლა STEM ოლიმპიადას ატარებენ. წელს კონკურსში საქართველოს სხვადასხვა რეგიონიდან 800-ზე მეტი მოსწავლე ჩაერთო, ფინალურ ეტაპზე კი მხოლოდ 10 საუკეთესო გუნდი გადავიდა. როგორ გამოვლინდა გამარჯვებული გუნდები და რა შესაძლებლობებს სთავაზობს ოლიმპიადა ახალგაზრდა ტალანტებს? #ახალიამბები #BusinessMediaGeorgia
ზედიზედ უკვე მეორედ „ტოიოტა ცენტრი თეგეტამ“ Toyota Ichiban-ის (იჩიბანის) ჯილდოს მფლობელი გახდა. იჩბანის თარგმანიც მოვძებნე სხვათა შორის და ნომერ პირველს ნიშნავს. პორტუგალიის ალგარვის რეგიონში გამართულ Toyota-ს ყოველწლიურ ცერემონიაზე ქართული კომპანია ევროპის საუკეთესო დილერებს შორის დაასახელეს. „ტოიოტა ცენტრი თეგეტა“ 2 200-ზე მეტ ევროპულ სადილეროს შორის გამოარჩიეს და 34 ქვეყნის 47 საუკეთესო დილერთან ერთად დაჯილდოვდა და ამ აღიარებას ბიზნესები ძირითადად მომხმარებლის განსაკუთრებულ კმაყოფილებაზე, გაყიდვების შესრულებაზე, ლოიალობასა და გრძელვადიანი, სანდო ურთიერთობების დამყარების უნარზე დაკვირვების შედეგებით გასცემენ. სტუმარი: მარიამ მელიაშვილი - „ტოიოტა ცენტრი თეგეტას“ გენერალური დირექტორი #ახალიამბები #BusinessMediaGeorgia
კრიპტოვალუტა, ვირტუალური ვალუტა, რომელიც ტრანზაქციების უსაფრთხოების უზრუნველსაყოფად კრიპტოგრაფიას იყენებს ერთი მხრივ დაცულობისთვის ძალიან მნიშვნელოვანი პროდუქტია და მეორე მხრივ თაღლითებისთვის ადვილად გამოსაყენებელი შესაძლებლობა, თუმცა სხვა და სხვა კრიპტოვალუტებში განსხვავებულია როგორც მის მიამრთ ინტერესის მოტივაცია ისე ფასი და დაცულობა. მიუხედავად იმისა, რომ კრიპტოვალუტების ბაზარზე ათასობით სხვადასხვა მონეტა არსებობს, ბიტკოინი კვლავ ინარჩუნებს თავის დომინანტურ, ნომერ პირველ პოზიციას. მას ხშირად უწოდებენ „ციფრულ ოქროს“, მაშინ როცა სხვა კრიპტოვალუტები უფრო ტექნოლოგიურ აქციებს ან პლატფორმებს ჰგვანან. მისი ფასი წლებია დომინაციაშია, მიუხედავად იმისა რომ ბიტკოინის ისტორიული მაქსიმუმიდან დღემდე, კრიპტობაზარმა 1 ტრილიონ დოლარზე მეტი დაკარგა. ციფრული ვალუტის ნაცვლად, ინვესტორები კაპიტალს ახლა ტექნოლოგიურ სექტორსა და ხელოვნურ ინტელექტში აბანდებენ. პარალელურად, გლობალური ეკონომიკური პოლიტიკა მკაცრდება და ტრადიციული ფინანსური ინსტიტუტების მხრიდან ინდუსტრიაზე წნეხი იზრდება. რა ფაქტორები განაპირობებს ბიტკოინის გაჭიანურებულ ვარდნას და რა ახალმა კანონმა შეიძლება შეცვალოს თამაშის წესები ბაზარზე? #ახალიამბები #BusinessMediaGeorgia
ციფრული ეკონომიკის განვითარებასთან ერთად, თაღლითობაც ახალ და გაცილებით დახვეწილ ფორმებს იძენს. ხელოვნური ინტელექტი, დიფფეიქ ტექნოლოგიები, სინთეზური იდენტობები და კრიპტოსივრცეზე მზარდი კიბერშეტევები უკვე მსოფლიოს წამყვანი კომპანიების ერთ-ერთ მთავარ გამოწვევად იქცა. როგორ იცვლება თაღლითობის მეთოდები, რატომ ვეღარ იცავს ბიზნესს მხოლოდ ტრადიციული უსაფრთხოების სისტემები და რა რისკებს ელოდებიან კომპანიები უახლოეს წლებში? #ახალიამბები #BusinessMediaGeorgia
#საქმიანიდილა - 12 ივნისი - პროლოგი #ახალიამბები #BusinessMediaGeorgia
"ჰესებსაც ავაშენებთ და კრიპტომაინინგიც აღმოიფხვრება“ - ასე პასუხობს პრემიერ-მინისტრი ირაკლი კობახიძე მესტიაში მაინინგის წინააღმდეგ დაწყებულ ბრძოლაზე დასმულ კითხვას. კერძოდ, BMG დაინტერესდა რატომ ვერ შეძლო ხელისუფლებამ სვანეთში უკანონო კრიპტომაინინგის პრობლემის მოგვარება 2020 წლიდან დღემდე, მიუხედავად იმისა, რომ ეს საკითხი კარგად იყო ცნობილი სახელმწიფო უწყებებისთვის და საქმე მოსახლეობის მიერ ხატზე დაფიცებამდეც კი მივიდა. ოცნების პრემიერი ამბობს, რომ მისი ჩართულობით განხილვა ორჯერ, დაახლოებით წელიწად-ნახევრისა და ორი-სამი თვის წინ დაიწყო. მაშინ ვერ მოხერხდა, ახლა კი ნებისმიერი ასეთი ინიციატივის „გატანისთვის“ მზად არიან. 2026 წლის პირველ ივნისს მთავრობამ განაცხადა, რომ კრიპტომაინინგის პრობლემის აღმოსაფხვრელად, მესტიაში მოსახლეობის გამრიცხველიანება მოხდება, თუმცა ადგილობრივებისთვის ელექტროენერგია საჭირო რაოდენობის ფარგლებში კვლავ უფასო იქნება, ხოლო გარკვეული რაოდენობის ზემოთ დაწესდება ლიმიტი და მათ ვინც ამ ლიმიტს გადააჭარბებს, ტარიფის გადახდა მოუწევთ. რას ფიქრობს ადგილობრივი ბიზნესი მთავრობის ახალ გადაწყვეტილებებზე? სტუმარი: ეკა გველესიანი - სასტუმრო "ფალიანი" დამფუძნებელი; #ახალიამბები #BusinessMediaGeorgia
“ვაზისა და ღვინის შესახებ“ კანონში დაგეგმილი ცვლილებები პარლამენტმა მესამე მოსმენით - 75 ხმით (1 - წინააღმდეგი) დაამტკიცა. მიღებული კანონის პროექტის თანახმად, “მცირე ზომის მარნის“ დეფინიცია იცვლება და მისი წლიური წარმადობის მაქსიმალური ზღვარი 40 000 ლიტრიდან 25 000 ლიტრამდე მცირდება. ამასთან, ტერმინი “სახლის ღვინო“ იცვლება ტერმინით - “ბუნებრივი ღვინო“, რომელიც ითვალისწინებს პროდუქციის წარმოებას სისტემური პესტიციდებისა თუ სხვა ქიმიური სინთეზური საშუალებების გამოყენების გარეშე. კანონპროექტით სავალდებულო ხდება სერტიფიცირებული ალკოჰოლიანი სასმელების ნიშანდება. ალკოჰოლიანი სასმლის ნიშანდებას ღვინის ეროვნული სააგენტო, გარემოს დაცვისა და სოფლის მეურნეობის მინისტრის მიერ დადგენილი წესით განახორციელებს. რას შეცვლის ბაზარზე მიღებული ცვლილება? სტუმარი: გიორგი სამანიშვილი – ღვინის ეროვნული სააგენტოს ყოფილი ხელმძღვანელი #ახალიამბები #BusinessMediaGeorgia
ტურისტული სეზონის პიკში სასტუმროებთან დაკავშირებული კითზხვები ბევრ მოგზაურს აწუხებს. რა დოკუმენტებია საჭირო ჩექინის დროს, შეუძლია თუ არა ერთმა ადამიანმა მთელი ჯგუფის ნაცვლად დაჩექინება, რა წესები მოქმედებს ოლ ინქლუზივ სასტუმროებში, რას ნიშნავს ნაადრევი ჩექინი და გვიანი ჩექაუთი, რატომ ითხოვენ სასტუმროები დეპოზიტს და რა შემთხვევაში შეიძლება მისი გამოყენება? რუბრიკის ავტორი&წამყვანი - ანა კირკიტაძე - “ვინგლეთი”, დამფუძნებელი; სტუმარი: სალომე ბერაია - “პეგას ტურისტიკის” საქართველოს და აზერბაიჯანის გენერალური დირექტორი #ახალიამბები #BusinessMediaGeorgia
საქართველოს ეროვნულმა ბანკმა საერთაშორისო რეზერვებისთვის დამატებით 100 მილიონი დოლარის ღირებულების მონეტარული ოქრო შეიძინა. შედეგად, სებ-ის ოქროს რეზერვები თითქმის 7.9 ტონამდე გაიზარდა და საერთაშორისო რეზერვებში მისმა წილმა 15.5%-ს მიაღწია. ეროვნული ბანკის განმარტებით, გადაწყვეტილების მიზანია რეზერვების დივერსიფიკაცია, ინფლაციური და გეოპოლიტიკური რისკებისგან დაცვა და ფინანსური სტაბილურობის გაძლიერება. „ საერთაშორისო ბაზრებზე ცენტრალური ბანკები კვლავ განაგრძობენ ოქროს შესყიდვის მიღებულ პრაქტიკას და მხოლოდ 2026 პირველ კვარტალში 970 ტონაზე მეტი შეისყიდეს, რაც მთელ 2025 წლის შესყიდვებთან მიმართებაში დაახლოებით 80%-ია. ცენტრალური ბანკების მთლიანი შესყიდვები ზედიზედ ოთხი წლის განმავლობაში 1000 ტონაზე მაღალ ნიშნულზე ნარჩუნდება. აღსანიშნავია, ისიც, რომ ცენტრალური ბანკების მხრიდან მოთხოვნა ოქროს ფასზე ნაკლებად არის დამოკიდებული, რაც ძირითადად ოქროს ფასის ქვედა ზღვრის სტაბილურობას უზრუნველყოფს. უკრაინაში კონფლიქტის გაგრძელება, შუა აღმოსავლეთში ესკალაცია, აშშ-ის და ჩინეთის სავაჭრო დაძაბულობა, ასევე 2026 წლის თებერვალში დაწყებული აშშ-ის და ირანის კონფლიქტი - ყველა ეს ფაქტორი თანმიმდევრულად ქმნიდა და აძლიერებდა სტრუქტურულ რისკის პრემიას ოქროს ფასში და ზრდიდა მისი, როგორც უსაფრთხო და დაცული აქტივის ღირებულებას",- აღნიშნულია სებ-ის მიერ გავრცელებულ ინფორმაციაში. ამასთან უნდა აღინიშნოს, რომ ეროვნული ბანკის პრეზიდენტმა, ნათია თურნავამ 27 მაისს პარლამენტში განაცხადა , რომ სებ-ი ოქროს ზრდას მთლიან რეზერვებში 25%-მდე წილით განიხილავდა. ეს კი ნიშნავს, რომ ახლა შესყიდული 100 მილიონი დოლარის ოქროს გარდა, მარეგულირებელი კიდევ აპირებს ოქროს შესყიდვას. რამდენად სწორი და დროული გადაწყვეტილებაა ეროვნული ბანკის მხრიდან ოქროს რეზერვების გაზრდა? სტუმარი: აკაკი ცომაია - ეკონომისტი #ახალიამბები #BusinessMediaGeorgia
ენ კოდი შატბერაშვილზე პრემიუმ კლასის საცხოვრებელი პროექტია და თბილისის ერთ-ერთ ყველაზე პრესტიჟულ უბანში მდებარეობს. ეს პროექტი შექმნილია მათთვის, ვინც ქალაქის ცენტრთან სიახლოვეს, მაგრამ მშვიდ და დაცულ გარემოში ცხოვრებას ანიჭებს უპირატესობას. კერძო სახლის კონცეფციით შექმნილი 5-სართულიანი საცხოვრებელი კომპლექსი აერთიანებს თანამედროვე არქიტექტურას, ენერგოეფექტურ სამშენებლო მასალებსა და მაღალი ხარისხის ინფრასტრუქტურას. სტუმარი: თამარ კანთელაძე - Salescomm-ის დამფუძნებელი; N Code-ის პარტნიორი გაყიდვებისა და მარკეტინგის მიმართულებით #ახალიამბები #BusinessMediaGeorgia
მალე ბორჯომში საერთაშორისო ბრენდი - ჰილტონი გამოჩნდება. სასტუმრო ბორჯომი ჰილტონ გარდენ ინის მშენებლობის პროცესი დასკვნით ეტაპზეა და ის პრემიუმ ხარისხზეა ორიენტირებული, რომელიც ისეთ სივრცეებს გააერთიანებს, სადაც დამსვენებლებს ყველა სახის სერვისის და მაქსიმალური კომფორტის გამოცდა შეეძლებათ. აღსანიშნავია ისიც, რომ ბორჯომის ჰილტონის საპროექტო და სამონტაჟო სამუშაოები სრულად კომპანია სმარტერმა ჩაიბარა, რომელიც წლებია, რაც საქართველოში საერთაშორისო ბრენდებს წარმოადგენს და საცხოვრებელ სახლებში ჭკვიანი სისტემების მონტაჟთან ერთად, საინჟინრო მომსახურებასაც ასრულებს. როგორ გამოიყურება ბორჯომი ჰილტონ გარდენ ინის პროექტი და როგორია მათი პარტნიორობა სმარტერთან? სტუმრები: დიმიტრი აბულაძე - "სმარტერის" მმართველი პარტნიორი; ვაკო საღირაშვილი - "ჰილტონ ბორჯომ გარდენ ინის" პროექტის ხელმძღვანელი “სმარტერის” საკონტაქტო ინფორმაცია: ჟ. შარტავას 39, 0322 224433 #ახალიამბები #BusinessMediaGeorgia
თბილისში, მტკვრის პირას, სრულიად დამოუკიდებელი, ევროპული ტიპის საცხოვრებელი უბანი შენდება. პრემიუმ კლასის კომპლექსი „პილარ პარკი“, რომელიც ქალაქის შიგნით დახურულ ეკოსისტემასა და მასშტაბურ ინფრასტრუქტურას ქმნის, განვითარების ახალ ფაზაში შედის. როგორია მშენებლობის ტემპი და რას სთავაზობს დეველოპერი ბაზარს? სტუმარი: ლევან ელიზბარაშვილი - "პილარ პარკის" გაყიდვებისა და მარკეტინგის ხელმძღვანელი #ახალიამბები #BusinessMediaGeorgia
ყოფილ ბავშვთა მეხუთე საავადმყოფოს ავარიულ შენობაში მცხოვრები ოჯახები ახალ ბინებში გადადიან. თბილისის მერიამ, კერძო სექტორთან თანამშრომლობით, მათთვის საცხოვრებელი ფართები Garden Hills-ის კომპლექსში უზრუნველყო. ახალი ბინების გასაღებები ბენეფიციარებს დედაქალაქის მერმა კახა კალაძემ და კომპანიის წარმომადგენლებმა გადასცეს. ამ ეტაპზე უკვე 65 ოჯახია დაკმაყოფილებული, ხოლო დარჩენილი ოჯახები ბინებს ეტაპობრივად მიიღებენ. #ახალიამბები #BusinessMediaGeorgia
გუშინ, საქართველოს ბიზნეს ასოციაციის წარმომადგენლები პირველი ქართული ვისკის, „ჯიმშერის“ საწარმოს ესტუმრნენ. ქვეყნის უმსხვილესი ბიზნეს გაერთიანების წევრი კომპანია, რომელმაც საერთაშორისო ბაზარზე უკვე დაამკვიდრა საკუთარი სტანდარტი, ახლა მასშტაბური ტექნოლოგიური გაფართოებისთვის ემზადება. #ახალიამბები #BusinessMediaGeorgia
ოქრო, ნავთობი, კრიპტო - გლობალური ბირჟების მიმოხილვა - 11/6/2026 #ახალიამბები #BusinessMediaGeorgia
ენერგოდამოუკიდებლობის ძიებაში ატომური ენერგია მსოფლიოსთვის სულ უფრო აქტუალური ხდება. მიუხედავად არაერთგვაროვანი დამოკიდებულებისა, წამყვანი სახელმწიფოები ატომურ რეაქტორებს მწვანე ენერგიის ერთ-ერთ მთავარ წყაროდ განიხილავენ. ვინ არიან გლობალური ლიდერები ამ სფეროში? #ახალიამბები #BusinessMediaGeorgia
ელექტროენერგიის ყველაზე დიდ მომხმარებელ ქვეყნებს თუ გადავხედავთ ვნახავთ რომ რეიტინგის ლიდერი ჩინეთია - ის სხვა ქვეყნებთან შედარებით თითქმის სამჯერ მეტ ელექტრო ენერგიას მოიხმარს. სურათი განსხვავებულია იმ შემთხვევაში თუ ელექტროენერგიის გამოყენების მაჩვენებელს ერთ სულ მოსახლეზე დავითვლით. რატომ უსწრებს ჩინეთი სხვა ქვეყნებს ასეთი თითქმის სამჯერ და რა ვითარებაა სხვა ქვეყნებში? #ახალიამბები #BusinessMediaGeorgia
#საქმიანიდილა - 11 ივნისი - პროლოგი #ახალიამბები #BusinessMediaGeorgia
საქართველოში ელექტრომობილების, მწვანე ტექნოლოგიებისა და მდგრადი მობილობის ყველაზე მასშტაბური გამოფენა EV EXPO 2026 იმართება. 13 და 14 ივნისს, მასშტაბურ გამოფენას, ტრადიციულად საგამოფენო ცენტრი ექსპო ჯორჯია უმასპინძლებს. გამოფენა წარმოადგენს ინოვაციური სატრანსპორტო საშუალებების, ეკოლოგიური გადაწყვეტილებებისა და ინდუსტრიის წამყვანი მოთამაშეების მთავარ თავშეყრის ადგილს. სტუმრები: სალომე ურდულაშვილი - Ad Geeks-ის ექაუნთ მენეჯერი და EVnews-ის პროექტის მთავარი მენეჯერი; დავით გოგოლაძე - კრედო ბანკი, ავტო დაკრედიტების დეპარტამენტის ხელმძღვანელი; ნიკა ხოდელი - Wissol E, ვისოლის ელექტრო დამტენების ქსელის განვითარების დირექტორი #ახალიამბები #BusinessMediaGeorgia
რადგან, დღეს ტექნოლოგიები მხოლოდ მომავალს აღარ ქმნის და უკვე ჩვენი ყოველდღიურობაც ეი აისთან ერთად იცვლება, სწორედ ამიტომ, განსაკუთრებით მნიშვნელოვანია ისეთი ინიციატივები, რომლებიც ხელოვნურ ინტელექტს ხელმისაწვდომს ხდის ყველასთვის, სკოლის მოსწავლეებისთვის, სტუდენტებისთვის, ახალგაზრდა პროფესიონალებისა და ადამიანებისთვის, ვინც მზად არის ტექნოლოგიურ ცვლილებებს ფეხი აუწყოს. თიბისი და საქართველოს ხელოვნური ინტელექტის ასოციაცია GAIA, ერთობლივად ქმნიან AI განათლების ეკოსისტემას საქართველოში, სადაც ცოდნა, პრაქტიკული გამოცდილება და ინოვაცია ერთ სივრცეში ერთიანდება. ეს თანამშრომლობა ეფუძნება იდეას, რომ ხელოვნური ინტელექტის ცოდნა უნდა გახდეს მომავლის აუცილებელი უნარი და არა მხოლოდ პრივილეგია. სტუმრები: კონსტანტინე ხოფერია - თიბისის AI და მონაცემთა მართვის დირექტორი; გიგი გიორგაძე - საქართველოს ხელოვნური ინტელექტის ასოციაციის (GAIA) დირექტორი #ახალიამბები #BusinessMediaGeorgia
ქვეყნის სტრატეგიული ინფრასტრუქტურის მშენებლობა წარმოუდგენელია უძლიერესი საინჟინრო და მექანიკური ზურგის გარეშე. კომპანია "ავტოტექნო“ რომელიც საქართველოში ინდუსტრიული და კომერციული ტექნიკის ბაზრის ნახევარს აკონტროლებს, სექტორში ახალ, ტექნოლოგიურ სტანდარტებს ნერგავს. ჩინური პრემიუმ ბრენდების ექსკლუზიური დილერი, რომელიც ქვეყნის უმსხვილესი პროექტების ერთ-ერთი მთავარი პარტნიორია, უკვე მძიმე ავტოპარკის სრულ გაციფრულებაზე მუშაობს და პარალელურად, რეგიონული ექსპანსიისთვისაც ემზადება. როგორ მუშაობს ინოვაციები მძიმე ინდუსტრიაში და რა პროექტები ერთიანდება კომპანიის პორტფელში? სტუმრები: საბა ზედგინიძე - "ავტოტექნო", კომერციული დეპარტამენტის ხელმძღვანელი; გიორგი ლაბაძე - "ავტოტექნო", გაყიდვების დეპარტამენტის ხელმძღვანელი #ახალიამბები #BusinessMediaGeorgia
გამარჯვება მხოლოდ იღბალს არ უკავშირდება, ხშირად ის სიკეთის გაზიარებით იწყება. სწორედ ამ იდეაზეა აგებული სოკარის ახალი მასშტაბური გათამაშება – „გამარჯვება გაზიარებით იწყება“, რომელიც საშუალებას გაძლევს მოიგო დასრულებული ბინა საბურთალოზე, ახალი ელექტრომობილი ან ფულადი პრიზი 10 000 ლარი. სტუმარი: ნოდარ ყანჩაველი - "სოკარ ჯორჯია პეტროლეუმი", დირექტორი #ახალიამბები #BusinessMediaGeorgia
თიბისის მხარდაჭერით, თბილისში, ისნის რაიონში, თანამედროვე საცხოვრებელი კომპლექსის - „აპექს ჰოლბრუკის“ მშენებლობა მიმდინარეობს. პროექტის ჯამური საინვესტიციო ღირებულება 68 მილიონ ლარს შეადგენს, საიდანაც თიბისის დაფინანსება 45 მილიონი ლარია. „აპექს ჰოლბრუკი“ 22-სართულიანი მრავალფუნქციური საცხოვრებელი კომპლექსია, რომელიც აერთიანებს საცხოვრებელ და კომერციულ სივრცეებს, სამდონიან საპარკინგე ინფრასტრუქტურას, 1 200 კვადრატული მეტრის გამწვანებულ ეზოს და 24-საათიან დაცვის სისტემას. კომპლექსის პანორამული ხედები იშლება მტკვარსა და ძველ თბილისზე, რაც „აპექს ჰოლბრუკს“ გამორჩეულ საცხოვრებელ პროექტად აქცევს. მშენებლობა 2025 წლის ბოლოს დაიწყო და დასრულება 2028 წელს არის დაგეგმილი. #ახალიამბები #BusinessMediaGeorgia
#საქმიანიდილა - 10 ივნისი - პროლოგი #ახალიამბები #BusinessMediaGeorgia
ევექსი აგრძელებს მომხმარებელზე მორგებული ციფრული სერვისების განვითარებას და ამჯერად განახლებული ექიმოს აპლიკაციით ბრუნდება. ახალი ფუნქციონალები მომხმარებლებს საშუალებას აძლევს ერთ სივრცეში მარტივად დაგეგმონ ექიმთან ვიზიტი, დაჯავშნონ და ონლაინ გადაიხადონ კვლევები, მიიღონ სამედიცინო ისტორიაზე წვდომა და ისარგებლონ ონლაინ აფთიაქის მომსახურებით. კომპანიის განცხადებით, ექიმო კიდევ უფრო კომფორტულ და გამარტივებულ გამოცდილებას შექმნის მომხმარებლისთვის და თანამედროვე ტექნოლოგიების დახმარებით სამედიცინო მომსახურებას უფრო ხელმისაწვდომს გახდის. სტუმარი: გოგა გორდაძე - "ევექსის" დირექტორი #ახალიამბები #BusinessMediaGeorgia
როგორც იცით მეტროპოლი 4 წელია უძრავი ქონების ბაზარზე ოპერირებს და ყოველწლიურად არც საერთაშორისო ჯილდოებს მოისაკლისებენ, როგორიც მაგალითად არის ყველაზე სწრაფად მზარდი დეველოპერული კომპანია საქართველოში. რაც შეეხება ხარისხის ჯილდოს, რომელიც კომპანიამ 2026 წელს მოიპოვა, იმ მაღალი ხარიხის დასტურია, რასაც კომპანია დაარსების დღიდან აქცევს ყურადღებას. კომპანიას, აღნიშნული ჯილდო ბრიუსელში, ევროპის ხარისხის კვლევის საზოგადოების მიერ ორგანიზებულ ცერემონიაზე გადაეცა. სტუმარი: მამუკა იმედაშვილი - „მეტროპოლი“, გენერალური დირექტორის მოადგილე #ახალიამბები #BusinessMediaGeorgia
მსოფლიოს წამყვან უნივერსიტეტებში სწავლის გაგრძელება და გლობალურ კონკურენციაში უპირატესობის მოპოვება - ეს ის მთავარი შესაძლებლობებია, რასაც თბილისის ბრიტანული საერთაშორისო სკოლა მოსწავლეებს უქმნის. კემბრიჯის აღიარებული სასწავლო გეგმითა და A-Level სტანდარტით, როგორც ამბობენ, სკოლა ახალგაზრდებს ტოპ-უნივერსიტეტებისთვის ამზადებს. გარდა უმაღლესი ხარისხის ინგლისურენოვანი განათლებისა, სკოლა ადგილობრივი მოსწავლეებისთვის მრავალმილიონიან სასტიპენდიო პროგრამასაც ახორციელებს, რაც ნიჭიერ ქართველ ახალგაზრდებს საერთაშორისო საზოგადოების სრულფასოვან წევრებად აქცევს. რობერტ სნოუდენი - თბილისის ბრიტანული საერთაშორისო სკოლა (BIST), დირექტორი ლიკა მეგუთნიშვილი - #BMG, რეპორტიორი #ახალიამბები #BusinessMediaGeorgia
გლობალური ბირჟები&ინდექსები - Galt & Taggart-ის მიმოხილვა / Global Markets Weekly Update სტუმარი: მარიამ ზურაბაშვილი - Galt & Taggart-ის პორტფოლიო მენეჯერი #ახალიამბები #BusinessMediaGeorgia
შეძლებს თუ არა უოლ-სტრიტი ერთდროულად რამდენიმე ტრილიონი დოლარის ღირებულების ტექნოლოგიური გიგანტების მიღებას? სფეისიქსი, ოფენეაი და ენთროფიქი შესაძლოა უახლოეს წლებში საჯარო ბაზარზე გავიდნენ და ინვესტორების წინაშე ეიაისა და კოსმოსური ეკონომიკის მომავლის ყველაზე მნიშვნელოვანი გამოცდა დააყენონ. ნაწილი ამას ახალი ტექნოლოგიური ეპოქის დასაწყისად მიიჩნევს, ნაწილი კი „დოტკომ“ ბუშტის პერიოდთან ავლებს პარალელს. რამდენად მზად არის გლობალური ფინანსური სისტემა ამ მასშტაბის კაპიტალის გადასანაწილებლად და რატომ უწოდებენ ანალიტიკოსები ამას „3 ტრილიონიან კითხვას“? #ახალიამბები #BusinessMediaGeorgia
რენტგენიდან ხელოვნურ ინტელექტამდე. ბოლო 130 წლის განმავლობაში სამედიცინო ტექნოლოგიებმა მედიცინა რადიკალურად შეცვალა. თუ ადრე დაავადებების დიაგნოსტიკა ძირითადად სიმპტომებზე იყო დაფუძნებული, დღეს ექიმებს დაავადებების ადრეულ ეტაპზე აღმოჩენა და უფრო ზუსტი მკურნალობა თანამედროვე აპარატურის დახმარებით შეუძლიათ. რენტგენი, ექოსკოპია, კომპიუტერული და მაგნიტურ-რეზონანსული ტომოგრაფია, ელექტროკარდიოგრაფი, ვენტილატორები და რობოტული ქირურგია, ეს ის გამოგონებებია, რომლებმაც მილიონობით ადამიანის სიცოცხლე გადაარჩინა და თანამედროვე ჯანდაცვის სისტემა ჩამოაყალიბა. როგორ შეიცვალა მედიცინა ტექნოლოგიური პროგრესის წყალობით და რა სიახლეები განსაზღვრავს მის მომავალს? #ახალიამბები #BusinessMediaGeorgia
„ავერსის“ რუბრიკა “საქმიან დილაში” ✔️ მკურნალობა დისტანციური ლითოტრიფსიით: კენჭის დაშლა უმტკივნეულოდ სტუმრები: მაკა სოლოღაშვილი - „აკადემიკოს ვახტანგ ბოჭორიშვილის კლინიკის“ სამეთვალყურეო საბჭოს თავმჯდომარე; ნიკოლოზ გოგოლაძე - „აკადემიკოს ვახტანგ ბოჭორიშვილის კლინიკის“ უროლოგიის დეპარტამენტის ხელმძღვანელი #ახალიამბები #BusinessMediaGeorgia
ლისის ტბაზე Škoda Open Ride Tbilisi 2026 გაიმართა, რომლის ოფიციალური პარტნიორიც თიბისი ლიზინგია. ღონისძიებამ ველომოყვარულები - დამწყებიდან პროფესიონალამდე - ერთ სივრცეში გააერთიანა. მსვლელობა საგზაო ფორმატში ჩატარდა და ოთხ კატეგორიად იყო დაყოფილი. პროფესიონალებმა შეჯიბრების ფორმატში იასპარეზეს, ხოლო დანარჩენი მონაწილეები ღონისძიებაში მსვლელობის რეჟიმში ჩაერთნენ. #ახალიამბები #BusinessMediaGeorgia
გიყვებით ერთ განსაკუთრებულ სივრცეზე, რომელიც გორში მდებარეობს და სადაც ბუნება, გემო და ხარისხი ერთ ისტორიად ერთიანდება. საუბარი მაქვს „თევზის სახლზე“, რომელიც უკვე წლებია ადგილობრივებისა და ტურისტების საყვარელ მიმართულებად იქცა. საკუთარი თევზსაშენებით, საფირმო მაღაზიითა და პოპულარული რესტორნით, კომპლექსი სტუმრებს მრავალფეროვან გამოცდილებას სთავაზობს. დაწყებული ადგილობრივად მოშენებული სხვადასხვა სახეობის თევზიდან, დამთავრებული ზღვის იმპორტირებულ დელიკატესებამდე - აქ შეხვდებით ყველაფერს. რა ქმნის „თევზის სახლის“ განსაკუთრებულობას და როგორ იქცა ის გორის ერთ-ერთ გამორჩეულ გასტრონომიულ სივრცედ? #ახალიამბები #BusinessMediaGeorgia
რა ხდება ზღვისპირა ქალაქში, ყველაზე ტურისტულ სეზონზე. ბაზარზე აპარტამენტების ჭარბი მიწოდების გამო ბათუმში დარჩენის ღირებულება არ იზრდება. ამის შესახებ BMG-სთან სასტუმრო ინდუსტრიის წარმომადგენლები საუბრობენ. მიუხედავად იმისა, რომ ბოლო წლებში კომუნალურის, მომსახურებისა და პერსონალის ხარჯები მნიშვნელოვნად გაიზარდა, ფასების მატება ბაზრის პირობებიდან გამომდინარე ვერ ხერხდება. რა ღირს წელს ზღვისპირეთში სასტუმროსა თუ აპარტამენტის ქირაობა? #ახალიამბები #BusinessMediaGeorgia
Galt & Taggart-მა ქუთაისში ბიზნესის წარმომადგენლებისთვის კონფერენცია „ეკონომიკური ტენდენციები საქართველოში, იმერეთსა და სამეგრელოში“ გამართა. ღონისძიების ფარგლებში წარმოდგენილი იყო Galt & Taggart-ის მიგნებები საქართველოს ეკონომიკაში მიმდინარე პროცესების, მაკროეკონომიკური მოლოდინებისა და დასავლეთ საქართველოს ორი მნიშვნელოვანი რეგიონის - იმერეთისა და სამეგრელოს, ეკონომიკური განვითარების ტენდენციების შესახებ. კონფერენციაზე Galt & Taggart-ის მთავარმა ეკონომისტმა, ლაშა ქავთარაძემ საქართველოს ეკონომიკის მიმოხილვა წარმოადგინა და 2026 წლის პროგნოზებზე ისაუბრა. Galt & Taggart 2026 წელს საქართველოს ეკონომიკის 7%-იან ზრდას პროგნოზირებს და საქართველო ერთ-ერთ ყველაზე სწრაფად მზარდ ეკონომიკად რჩება რეგიონში. #ახალიამბები #BusinessMediaGeorgia
#საქმიანიდილა - 9 ივნისი - პროლოგი #ახალიამბები #BusinessMediaGeorgia
დიდი ბრიტანეთის უახლესი ისტორიის ყველაზე ძვირადღირებული პოლიტიკური ექსპერიმენტი ქვეყნის ეკონომიკას ყოველწლიურად 30 მილიარდი უჯდება. ბრექსიტის შემდგომი შოკები და შეუსრულებელი დაპირებები ახლა ლონდონის მთავარ პოლიტიკურ თავსატეხს წარმოადგენს. სანამ რიგითი მოქალაქეები საკუთარ ჯიბეზე ევროპასთან დაშორების რეალურ ფასს ითვლიან, ბრიტანულ ელიტაში კონტინენტთან ეკონომიკური ხიდების აღდგენის აუცილებლობას სულ უფრო ღიად განიხილავენ და ევროკავშირში დაბრუნებასაც არ გამორიცხავენ ~ #ახალიამბები #BusinessMediaGeorgia
✈️ #საუბრებიავიაციაზე: სადაზღვევო ინდუსტრიის გამოწვევები და პერსპექტივები ➡️ გიორგი მოლოდინაშვილი - "საუბრები ავიაციაზე" ავტორი&წამყვანი; ➡️ სტუმარი: ლევან ჯიშკარიანი - GrECo Georgia-ს გენერალური დირექტორი #ახალიამბები #BusinessMediaGeorgia
ქართველი მძღოლებს როგორც ქვეყნის შიგნით, ასევე საერთაშორისო მიმართულებებზე ექმნებათ. თემაზე გასული კვირის ბოლოს სახმელეთო ტრანსპორტის სააგენტოს ხელმძღვანელობასთან სამუშაო შეხვედრა გამართა. შეხვედრაზე აღინიშნა, რომ რიგი პრობლემები სცილდება სახმელეთო ტრანსპორტის სააგენტოს პრეროგატივას და მათი გადაწყვეტა სხვადასხვა მომიჯნავე, გადაზიდვებთან დაკავშირებული სახელმწიფო სამსახურების სფეროს განეკუთვნება. რა აწუხებთ ქართველ გადამზიდველებს? სტუმარი: პაატა ცაგარეიშვილი - სატრანსპორტო დერეფნის კვლევის ცენტრი-ს დირექტორი #ახალიამბები #BusinessMediaGeorgia
საქართველოში სასტუმროები გაძვირდა. 2026 წლის მაისში, წინა თვესთან შედარებით, სასტუმროს ფასების ინდექსი 11.8%-ით, ხოლო წლიურად 8.7%-ით გაიზარდა. PMCG-ის კვლევის თანახმად, თვის ჭრილში სასტუმროების ფასების ყველაზე დიდი ზრდა ქვემო ქართლში, აჭარასა და თბილისში დაფიქსირდა, წლიურად კი სასტუმროებში განთავსება ყველაზე მეტად აჭარაში, გურიასა და კახეთში გაძვირდა. სასტუმროების საშუალო ფასმა საოჯახო ტიპის სასტუმროებში 121 ლარი შეადგინა, 3-ვარსკვლავიან სასტუმროებში - 174 ლარი, ხოლო 4-ვარსკვლავიანში - 265 ლარი. რაც შეეხება 5-ვარსკვლავიანი სასტუმროების საშუალო ფასს, გასულ თვეში ერთ ღამეზე ფასი 482 ლარით განისაზღვრა. ყველაზე მაღალი საშუალო ფასები დაფიქსირდა კახეთში - 675 ლარი, გურიაში, საუბარია სასტუმრო პარაგრაფზე - 674 ლარით და თბილისში - 653 ლარი. ###დოკუმენტში აღნიშნულია, რომ 2026 წლის მაისში 3, 4 და 5-ვარსკვლავიანი სასტუმროების ფასების ინდექსი წინა თვესთან შედარებით14.4%-ით გაიზარდა, ხოლო საოჯახო ტიპის სასტუმროებში 6.2%-ით. რა ღირს წელს დასვენება საქართველოს ზღვისპირეთში და ვინ არის ზაფხულის სეზონზე დამსვენებელი? სტუმარი: ზურა ბაუჟაძე - გიდი #ახალიამბები #BusinessMediaGeorgia
#ავიაციისსიახლეები: ✈ მსოფლიო ბაზარზე საავიაციო საწვავი იაფდება ✈ თბილისის ახალი აეროპორტის მშენებლობისთვის კვლევები გრძელდება- მთავრობის ანგარიში ✈ რუმინული DAN AIR ბუქარესტი-თბილისის ფრენების დაწყებას გეგმავს ✈ FlyArystan-მ ასტანა-ბათუმის ფრენები დაიწყო ✈ ქუთაისის აეროპორტში პირველი ბიზნეს ლაუნჯი გაიხსნა კვირის ყველაზე მნიშვნელოვანი და საინტერესო სიახლეები საავიაციო სექტორიდან - თიკო ნატმელაძე მიმოხილვით; #ახალიამბები #BusinessMediaGeorgia
ინტერიერი დეტალებში სტუმარი: სალომე დადუნაშვილი - გადაცემა “ინტერიერი სალომე დადუნაშვილთან ერთად”, ავტორი&წამყვანი #ახალიამბები #BusinessMediaGeorgia
ორთაჭალაში, რომელიც თბილისის ერთ-ერთი ყველაზე განვითარებადი უბანია, ახალი საცხოვრებელი პროექტი განვითარების მორიგ ეტაპზე გადავიდა. სამშენებლო კომპანია „კოორდინატმა“ ოფიციალურად გახსნა გაყიდვების ახალი ოფისი და ამავდროულად კიდევ ერთი მნიშვნელოვანი ნიშნულიც აღნიშნა — პროექტის A ბლოკში აპარტამენტების 50%-იანი გაყიდვა. როგორ ჩაიარა ღონისძიებამ და რას სთავაზობს ახალი სივრცე დაინტერესებულ პირებს? #ახალიამბები #BusinessMediaGeorgia
გაგაცნობთ ამიერკავკასიაში პირველ, საქართველოს საერთაშორისო უნივერსიტეტ ჯიუ-ს სინოლოგიის ინგლისურენოვან საბაკალავრო პროგრამას, რომელიც სტუდენტებს ჩინური ენისა და კულტურის სიღრმისეულ შესწავლასთან ერთად საერთაშორისო განათლების და კარიერული განვითარების უნიკალურ შესაძლებლობებს სთავაზობს. პროგრამა ორიენტირებულია თანამედროვე გლობალურ ბაზარზე მოთხოვნად ცოდნასა და პრაქტიკულ გამოცდილებაზე, რაც ახალგაზრდებს საერთაშორისო პარტნიორ უნივერსიტეტებთან თანამშრომლობის, გაცვლით პროგრამებში მონაწილეობისა და დასაქმების დამატებით პერსპექტივებს უქმნის. სტუმრები: ელი ელისაშვილი - საქართველოს საერთაშორისო უნივერსიტეტ ჯიუ-ს რექტორი, პროფესორი; რეი მინგმინი - საქართველოს საერთაშორისო უნივერსიტეტ ჯიუ-ს ასოცირებული პროფესორი. #ახალიამბები #BusinessMediaGeorgia
ევროპულმა ავტოგიგანტმა ისტორიული გადაწყვეტილება მიიღო. BMW ავტომობილების აწყობას უკვე ადამიანის ფორმის მქონე რობოტებს ანდობს. სანახაობრივი ინოვაციის მიღმა კი რეალურად, საინტერესო ფინანსური სტრატეგია იმალება. წაართმევენ თუ არა ჰუმანოიდები დასაქმებულებს სამსახურს, რა შეუძლია ულტრათანამედროვე ტექნოლოგიას და რატომ იქცნენ მსგავსი მანქანები გლობალური კორპორაციებისთვის ინვესტორების მოსატყუებელ მთავარ იარაღად? #ახალიამბები #BusinessMediaGeorgia
სეზონური ცვლილებების პერიოდში ავტომობილის გამართული და უსაფრთხო გადაადგილებისთვის ერთ-ერთ უმთავრეს წინაპირობას აკუმულატორის დროული რევიზია და განახლება წარმოადგენს. სწორედ ამ საბაზრო საჭიროებაზე საპასუხოდ, „თეგეტა მოტორსმა“ ამერიკული პრემიუმ ბრენდის, „ენერჯაიზერის“ პროდუქციაზე სპეციალური კამპანია აამოქმედა, რომელსაც კომპანია უპრეცედენტოს უწოდებს. პირობის ფარგლებში, რომელიც ფორმულით „1 ამპერი = 2 ლარი“ მუშაობს, მომხმარებელს ძველი აკუმულატორის ჩაბარების სანაცვლოდ ახლის შეძენისას ორჯერ მეტი ფინანსური რესურსის დაზოგვა შეუძლია. აღსანიშნავია, რომ კომერციულ სარგებელთან ერთად პროექტს მნიშვნელოვანი ეკოლოგიური დატვირთვაც აქვს, რაც სახიფათო ნარჩენების სწორ მართვასა და გარემოზე ზრუნვას გულისხმობს. კონკრეტულად როგორ მუშაობს აღნიშნული მექანიზმი პრაქტიკაში, როგორ იანგარიშება ფასდაკლება კონკრეტული ამპერაჟის მიხედვით და რა ვადებშია შესაძლებელი აქციით სარგებლობა? თორნიკე ჩახვაშვილი - „თეგეტა რითეილი“, მთავარი ოფიცერი #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
ლეილა მესხის ჩოგბურთის კორტებზე 30 მაისიდან 7 ივნისის ჩათვლით ევროპის ახალგაზრდული საერთაშორისო ტურნირი „ლეილა მესხის აკადემიისა და კოკა-კოლას თასი“ გაიმართა. ტურნირმა ახალგაზრდა ჩოგბურთელებს საერთაშორისო გამოცდილების მიღებისა და პროფესიული განვითარების შესაძლებლობა მისცა და ხელი კიდევ ერთხელ შეუწყო ჩოგბურთის პოპულარიზაციას საქართველოში. #ახალიამბები #BusinessMediaGeorgia
გარემოს დაცვის საერთაშორისო დღეს ბათუმში მასშტაბური დასუფთავების აქცია ჩატარდა, რომელიც კომპანია „კოკა-კოლა ბოთლერს ჯორჯიასა“ და ქალაქ ბათუმის „სანდასუფთავების“ ორგანიზებით გაიმართა. აქციის მთავარი გზავნილი იყო - „ბათუმი სუფთა და მწვანე გარემოსთვის“, რომელიც ქალაქში ეკოლოგიური პასუხისმგებლობის გაძლიერებას ემსახურებოდა. ინიციატივის ფარგლებში დასუფთავდა სანაპირო ზოლი, პარკები და სხვადასხვა საზოგადოებრივი სივრცე, პარალელურად კი მოხდა პლასტმასისა და მუნიციპალური ნარჩენების შემცირება. თუ როგორ ჩაიარა მასშტაბურმა გარემოსდაცვითმა აქციამ? #ახალიამბები #BusinessMediaGeorgia
კავეაში YouTube-საბავშვო პროექტის „აივი, ავა და მე“ მესამე სეზონის საზეიმო ჩვენება გაიმართა. ღონისძიებას ესწრებოდნენ როგორც ბავშვები, ისე შემოქმედებითი გუნდის წევრები. ადგილზე წარმოდგენილი იყვნენ პროექტის პერსონაჟები — აივი, ავა და ბებო მეკო, რამაც შეხვედრას ინტერაქტიური ხასიათი შესძინა. ასევე წარდგა მესამე სეზონზე მომუშავე შემოქმედებითი ჯგუფი, რომელმაც ახალი ეპიზოდები მოამზადა. პროექტის იდეისა და სცენარის ავტორის, ნანუკა გოგიჩაიშვილის თქმით, „აივი, ავა და მე“ საგანმანათლებლო პლატფორმაა, რომელიც ბავშვებს პირადი საზღვრების გააზრებას, თვითდაცვასა და უნარების განვითარებაში ეხმარება. მისი თქმით, თითოეული ეპიზოდი შემეცნებით თამაშებსა და პრაქტიკულ რჩევებს აერთიანებს, რაც რთულ თემებს მარტივად და გასაგებად გადმოსცემს. როგორც ის ამბობს, მესამე სეზონის მთავარი გზავნილი უცვლელია - „შევცვალოთ სამყარო უკეთესობისკენ“. #ახალიამბები #BusinessMediaGeorgia