IT სფეროში დასაქმებული უცხო ქვეყნის მოქალაქეები ბინადრობის ნებართვის მიღებას შეძლებენ - „ოცნების“ დეპუტატები „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ კანონში კიდევ ერთი ცვლილების განხილვას დაჩქარებული წესით ითხოვენ. კანონპროექტი, რომელიც ორი დღის წინ პარლამენტში ქართული ოცნების დეპუტატებმა დაარეგისტრირეს საქართველოში დროებითი ბინადრობის ნებართვის შემოღებას გულისხმობს. იგი პირველად 3 წლის ვადით გაიცემა, შემდეგ კი დროებითი ბინადრობის ნებართვის მოქმედების ვადა ყოველ ჯერზე შეიძლება 3 წლის ვადით გაგრძელდეს, არაუმეტეს 12 წლამდე. აქამდე, გამრეკელის სტუდიის სერიების ინტერვიუში არსის გენერალურმა დირექტორმა ბესო ორთოიძემ ხაზი გაუსვა უცხოელი მუშახელის დასაქმების ტენდენციას, რომელიც სამშენებლო სექტორში უკვე კარგად აპრობირებული და დანერგილია. ბაზრის რა გამოწვევებს თუ ჩავარდნებს პასუხობს ქვეყანაში შექმნილი ეს რეალობა და რამდენად მზადაა ამისთვის ბიზნესიც და დასაქმების ბაზარიც? სტუმარი: მედეა ტაბატაძე - საკონსულტაციო და რეკრუტინგული კომპანია Insource-ის მმართველი პარტნიორი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
საერთაშორისო სავალუტო ფონდის მისიამ საქართველოში მუშაობა დაასრულა და გუშინ გამართულ შემაჯამებელ ბრიფინგზე მეოთხე მუხლის კონსულტაციის შედეგები წარადგინა. IMF აღნიშნავს, რომ საქართველოში ძლიერი ეკონომიკური აქტივობა ნარჩუნდება და მიმდინარე წლისთვის ეკონომიკური ზრდის პროგნოზი 7.2%-მდე გაზარდა. თუმცა ასევე ფონდის მისიის ხელმძღვანელი აცხადებს, რომ შიდა პოლიტიკური დაძაბულობა შესაძლოა, ნეგატიურად აისახოს ქვეყნის ეკონომიკაზე. სავალუტო ფონდის რეკომენდაციებს შორის კვლავ რჩება სახელმწიფო საწარმოების რეფორმის გაგრძელება და ეროვნული ბანკის დამოუკიდებლობის გაზრდა. აღსანიშნავია, რომ მისიის ვიზიტის შემაჯამებელ ბრიფინგზეც მხარეებს არ გაუკეთებიათ კონკრეტული განცხადებები, ექნება თუ არა საქართველოს სავალუტო ფონდთან ახალი პროგრამა. ეს კი იმ ფონზე, რომ ჯერ კიდევ 2023 წელს შეჩერებულ პროგრამას ვადა ოფიციალურად მიმდინარე წლის 14 ივნისს გასდის. ➡️ სტუმარი: რომან გოცირიძე - სებ-ის ყოფილი პრეზიდენტი ✔️ #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
მსოფლიოს უმსხვილეს ინფრასტრუქტურულ პროექტებს შორის უპირობოდ ხვდებიან ყველაზე მასშტაბური გვირაბები და ხიდები. ჩვენ სიუჟეტი მოვამზადეთ მსოფლიოს ყველაზე გრძელი გვირაბებისა და ყველაზე გრძელი ხიდების რეიტინგის შესახებ, რომლებსაც სხვადასხვა დანიშნულებები აქვს, თუმცა საერთო ჯამში, მათი მთავარი უპირატესობა კონკრეტული ქვეყნების ეკონომიკის განვითარება და სხვადასხვა პრობლემების აღმოფხვრაა. #ახალიამბები #BusinessMediaGeorgia
დასაწყობებისა და ტრანსპორტირების სექტორი საქართველოში ერთ-ერთ ყველაზე სწრაფად მზარდ და სტრატეგიულად მნიშვნელოვან მიმართულებად ყალიბდება. მას მნიშვნელოვან ეკონომიკურ პოტენციალს ანიჭებს ქვეყნის გეოსტრატეგიული მდებარეობა, რომელიც ხელს უწყობს რეგიონულ და გლობალურ სატრანსპორტო მარშრუტებში ინტეგრაციას. ამ პროცესის მდგრადი განვითარება — რაც მოიცავს მომსახურების ხარისხის გაუმჯობესებასა და ინფრასტრუქტურის მოდერნიზაციას — კრიტიკულად მნიშვნელოვანია.ამიტომ ვუთმობთ ლოგისტიკას კიდევ ერთ გადაცემას. საქართველოს ლოჯისტიკის ინდუსტრია ბოლო წლებში განვითარების შთამბეჭდავ ტემპს ავლენს. ხოლო ამ ინდუსტრიის ბრუნვაში წამყვან როლს დასაწყობებისა და ტრანსპორტის დამხმარე აქტივობების სექტორი თამაშობს (49% 2024 წელს). სტუმარი: მარიამ ქოიავა - SavvY-ის მმართველი პარტნიორი #ახალიამბები #BusinessMediaGeorgia
1994 წლის 6 მაისს მსოფლიოში ყველაზე გრძელი წყალქვეშა გვირაბის სახელით ცნობილი - ლამანშის გვირაბი გაიხსნა, რომელიც დიდ ბრიტანეთს და საფრანგეთს ერთმანეთთან აკავშირებს. სწორედ ამ გვირაბის გახსნის შემდეგ გახდა შესაძლებელი, რომ ლონდონსა და პარიზს შორის მგზავრობის დრო შემცირებულიყო, ბრიტანეთსა და კონტინენტურ ევროპას შორის სავაჭრო ურთიერთობები გაძლიერებულიყო. მიუხედავად იმისა, რომ გვირაბის შექმნა ბევრ ფინანსურ თუ ტექნიკურ გამოწვევასთან იყო დაკავშირებული, მისი ეკონომიკური სარგებელი ბევრად მასშტაბური აღმოჩნდა. როგორ შეიქმნა ლამანშის გვირაბი და რა არის მისი მთავარი დანიშნულება? #ახალიამბები #BusinessMediaGeorgia
საქართველოს ბანკმა აგრო სექტორის ხელშეწყობის და ბიზნესისთვის დამატებითი შესაძლებლობების შექმნის კამპანიაში TelAgri-სთან ურთიერთთანამშრომლობის მემორანდუმი გააფორმა, რომელმაც ინდუსტრიული კვლევების, ერთობლივი სერვისებისა და პროდუქტების შემუშავების გზით აგრო სექტორის განვითარებას ხელი უნდა შეუწყოს. TelAgri ფერმერებსა და დარგის სპეციალისტებს შორის გამოცდილებისა და ცოდნის გაზიარებას ემსახურება. სტუმრები: ნინუცა აფციაური - საქართველოს ბანკის კორპორაციული გაყიდვების სექტორის უფროსი; ირაკლი ჩიქავა - „ტელაგრის“ დამფუძნებელი #ახალიამბები #BusinessMediaGeorgia
„ამბასადორი აილენდ ბათუმსა“ და ბათუმის სახელმწიფო საზღვაო აკადემიას შორის სტრატეგიული თანამშრომლობა გაფორმდა. თანამშრომლობის ფარგლებში მხარეები ბათუმის სახელმწიფო საზღვაო აკადემიის მიერ შემოთავაზებული იახტების მართვისა და სერტიფიცირების პროგრამების საერთაშორისო, ფართო აუდიტორიისთვის წარდგენას გეგმავენ. სასწავლო კურსის დახმარებით, ნებისმიერი დაინტერესებული პირი თეორიულ ცოდნასა და პრაქტიკულ უნარებს დაეუფლება, რაც საბოლოოდ მცურავი საშუალებების მართვის მოწმობის, სულ რაღაც 14 დღეში, მიღების შესაძლებლობას იძლევა.„ამბასადორის კუნძულზე" საქართველოში პირველი საერთაშორისო სტანდარტების იახტ კლუბის მშენებლობაა გათვალისწინებული, სადაც საზღვაო აკადემიის სპეციალური საწვრთნელი სივრცის განთავსება იგეგმება, რაც სამომავლოდ, კუნძულის მცხოვრებლებსა და ვიზიტორებს, ექსკლუზიურ შესაძლებლობას მისცემს, გაიარონ იახტების და სხვა მცურავი საშუალებების მართვის კურსი და მიიღონ შესაბამისი სერტიფიკატი. #ახალიამბები #BusinessMediaGeorgia
14 და 15 ივნისს, პრემიუმ მულტიბრენდული მაღაზია Boygar’s-ი ადგილობრივ მომხმარებელს, ცნობილი ბრენდის Tom Ford-ის ექსკლუზიურ Made-to-Measure სერვისს შესთავაზებს. ორი დღის განმავლობაში, სერვისით დაინტერესებულ მომხმარებლებს Tom Ford-ის სპეციალისტებთან პერსონალური კონსულტაციის გავლის შესაძლებლობა და მათ გემოვნებაზე მორგებული სამოსის შერჩევის საშუალება ექნებათ. პროდუქცია მათი პარამეტრების გათვალისწინებით იტალიაში შეიკერება. დაინტერესების შემთხვევაში მომხმარებელი ბოგარს უნდა დაუკავშირდეს და კონსულტაცია ჩანიშნოს. აღსანიშნავია, რომ Tom Ford პირველად აძლევს საქართველოში მყოფ მამაკაცებს შესაძლებლობას, შეარჩიონ როგორც ფორმალური და საღამოს, ისე ყოველდღიური სამოსი მათ პარამეტრებზე მორგებით. #ახალიამბები #BusinessMediaGeorgia
თბილისის რუქაზე გაჩნდა კიდევ ერთი განათებული M - ანუ ეს ნიშნავს, რომ “მაკდონალდსის” ახალი 27-ე რესტორანი გაიხსნა საქართველოში და რიგით მე-20 დედაქალაქში. ალბათ გაინტერესებთ მისამართიც - დიდუბეში, თორნიკე ერისთავის 25 ნომერში უკვე შეგიძლიათ მაკდონალდსს დილიდან ეწვიოთ. დააგემოვნოთ მაკსაუზმე, ან უბრალოდ სამსახურამდე შეიაროთ მანქანით და თან გაიყოლოთ ყავა. როგორია ახალი რესტორნის დიზაინი და რა დახვდებათ ადგილზე სტუმრებს? #ახალიამბები #BusinessMediaGeorgia
#ბრენდისხმა - სტეიკჰაუსი #1 შოთა ბურჯანაძე - სტეიკჰაუსი #1, დამფუძნებელი; #ახალიამბები #BusinessMediaGeorgia
მულტინაციონალური ფარმაცევტული კომპანია ჯიემფარმა განვითარებას აგრძელებს. ამჯერად კომპანიამ შექმნა სრულიად ახალი, ქიმიურ- ინსტრუმენტული ანალიზის ლაბორატორია, გააფართოვა ანალიზური განვითარების ლაბორატორია და მაღალეფექტური სითხური ქრომატოგრაფი, HPLC(ეიჩპიელსი) და ულტრა ეფექტური სითხური ქრომატოგი ულტრაპიელსი დაიმატა. ჯიემფარმა ამ ყველაფრისთვის დაახლოებით მილიონ ევროზე მეტის ინვესტიცია განახორციელა, ახალ ლაბორატორიაში ასევე ინერგება Empower-ის ცენტრალიზებული პროგრამული პლატფორმა - ქრომატოგრაფიული მონაცემების დამუშავების სისტემა - რომლის საშუალებით გამარტივდება ანალიზური მეთოდების დამუშავება, ასევე ტრანსფერის პროცესი ხარისხის კონტროლის ლაბორატორიაში. Empower-ის დანერგვით GM Pharma-ს ანალიტიკური განვითარების ლაბორატორია გახდება კიდევ უფრო ზუსტი, ეფექტიანი და სწრაფი, ეს ყველაფერი კი ახალი მედიკამენტების ტექნოლოგიური განვითარების მნიშვნელოვანი ეტაპია. #ახალიამბები #BusinessMediaGeorgia
აპრილში საქართველოს ეკონომიკა 7.5%-ით გაზარდა, წლის 4 თვეში კი ზრდის მაჩვენებელმა 8.8% შეადგინა.4 თვის მონაცემების შემდეგ პროგნოზი ზრდის მიმართულებით დააკორექტირა საერთაშორისო სავალუტო ფონდმა და დღეისთვის ის ნაცვლად 6%-ისა, 7.2%-ით განისაზღვრება. რა ზრდის საქართველოს ეკონომიკას? #ახალიამბები #BusinessMediaGeorgia
ის რომ წარსულთან შედარებით ამერიკის საფინანსო სისტემა დღეს მეტად ეფექტიანი და ნაკლებრისკიანია, დიდწილად, ფასიანი ქაღალდებისა და ბირჟების კომისიის დამსახურებაა, რომელიც სხვათა შორის, 91 წლის წინ სწორედ დღევანდელ დღეს, დიდი დეპრესიიდან ახალგამოსულ ამერიკაში შეიქმნა, იმ მიზნით, რომ გამჭვირვალე გაეხადა კორპორაციების საქმიანობა, უზრუნველყო ბირჟის ზედამხედველობა და ინვესტორები არაკეთილსინდისიერი ქცევისგან დაეცვა. მოკლედ, ამერიკის მთავრობამ, პრეზიდენტ რუზველტის ხელმძღვანელობით, ისეთი უწყება შექმნა, რომელსაც კოლოსალური გავლენა მარტო შეერთებული შტატების კი არა, მთელ გლობალურ ეკონომიკაზე აქვს, ჰოდა ამ გავლენის მიღმა იმ ისტორიასაც უნდა გადავხედოთ, რომელსაც დრო, SEC-ის შესახებ გვიყვება. #ახალიამბები #BusinessMediaGeorgia
წლის დასაწყისიდან დღემდე, ამერიკაში საკრედიტო დეფოლტის სვოპების, იგივე CDS-ების სპრედის ფასი ორჯერ გაიზარდა და ორწლიან მაქსიმუმსაც მიაღწია. საკრედიტო დეფოლტის სვოპები, იმ ტიპის კონტრაქტია, რომელიც ინვესტორს სესხის მიმღების მიერ ვალის გადაუხდელობის რისკისგან იცავს, რაც შეეხება მისი ფასის ზრდას, ის ცალსახად მიანიშნებს ინვესტორებს შიშზე, რაც თავის მხრივ ამერიკის სავალო ვალდებულებებს უკავშირდება. რამდენად დგას დღეს შტატები დეფოლტის საფრთხის წინაშე და მეორდება თუ არა ძველი რისკები ახალ რეალობაში? #ახალიამბები #BusinessMediaGeorgia
#საქმიანიდილა - 6 ივნისი - პროლოგი #ახალიამბები #BusinessMediaGeorgia
იაპონიაში ინტერნეტის რეკორდულ სიჩქარეს - 1808 კმ-ზე წამში 1 მლნ გიგაბაიტის მიაღწიეს #ახალიამბები #BusinessMediaGeorgia
ავსტრალიაში კაკადუმ რაკეტის გაშვება შეაფერხა; #ახალიამბები #BusinessMediaGeorgia
ეკვადორელი "მაუგლი" სოცმედიას იპყრობს #ახალიამბები #BusinessMediaGeorgia
იაპონელ მეცნიერთა ჯგუფის მორიგ გამოგონებას შეუძლია, სრულად შეცვალოს გზა, რომლითაც სამედიცინო სფერო გადაუდებელ შემთხვევებს უმკლავდება. კერძოდ, მეცნიერებმა შექმნეს ხელოვნური სისხლი, რომელიც თავსებადია ნებისმიერი პაციენტის სისხლის ჯგუფსა და რეზუსთან და ოთახის ტემპერატურაზე 1 წლის ვადით ინახება.ხელოვნური სისხლის შესაქმნელად ნარას სამედიცინო უნივერსიტეტში, ჰირომი საკაის ხელმძღვანელობით, მეცნიერებმა ლაბორატორიაში გამოყვანილი სისხლის წითელი ჯგუფები და სინთეზურ ბუშტებში გახვეული თრომბოციტები გამოიყენეს; აღნიშნული ბუშტები ხელოვნურ სისხლს ნამდვილის მსგავსი ფუნქციების შესრულებაში, ჟანგბადის ტრანსპორტირებასა და თრომბების შექმნაში ეხმარება. ამ ინოვაციას განსაკუთრებულად რთულად მართვად სიტუაციებში, მაგალითად, ბუნებრივი კატასტროფების დროს, დაშავებულთა უფრო ეფექტურად მკურნალობის საშუალებას იძლევა - ამჟამად ნამდვილ სისხლს სამაცივრე პირობებში შენახვა და პაციენტთან სისხლის ჯგუფების დამთხვევა სჭირდება, სათანადო პირობების დაცვის შემთხვევაშიც კი სისხლი მხოლოდ 42 დღეს ინახება. ხელოვნური სისხლის ერთი წლის ვადით შენახვის შესაძლებლობა კი როგორც სამედიცინო პერსონალს, ასევე სამხედრო მედიკოსებს, ხანგრძლივი მარაგების გაკეთების საშუალებას აძლევთ. #ახალიამბები #BusinessMediaGeorgia
საქსტატმა საქართველოს კერძო სექტორის მაჩვენებლები გამოაქვეყნა. ანგარიშის თანახმად, 2025 წლის პირველ კვარტალში საქართველოს კერძო სექტორის ბრუნვა წინა წლის ანალოგიურ პერიოდთან შედარებით 14.5%-ით გაიზარდა და მან 55.9 მილიარდი ლარი შეადგინა. სექტორებს შორის ბრუნვით #1 ადგილზე აზარტული თამაშების სექტორია, სადაც 20.1 მილიარდი ლარის ბრუნვა დაფიქსირდა, ამ მაჩვენებლით მან ვაჭრობის სფეროს გადაუსწრო. სექტორში ბრუნვის მატება 22%-ია. საქსტატის მეთოდოლოგიით, აზარტული თამაშები გაერთიანებულია ხელოვნება-გართობის სექტორში, თუმცა ამ სექტორის ბრუნვის უდიდესი ნაწილი სწორედ მასზე მოდის. რაც შეეხება ამ სექტორის ბრუნვას, მეთოდოლოგიის მიხედვით, აზარტული თამაშების ბრუნვად ითვლება მიღებული ფსონების ღირებულება. შესაბამისად, ეს ნიშნავს რომ ქართულ კაზინოებში, ონლაინ კაზინოებსა და ტოტალიზატორებში 2025 წლის პირველ კვარტალში სულ 20 მილიარდი ლარის ფსონები შევიდა. სტუმარი: გიორგი მამულაიშვილი - საქართველოს სათამაშო ბიზნესის ასოციაცია, ხელმძღვანელი; #ახალიამბები #BusinessMediaGeorgia
საქართველოში IT სფეროში დასაქმებული უცხოელებისათვის 3 წლიანი ბინადრობის მიღება ხდება შესაძლებელი. ცვლილება “უცხოელთა და მოქალაქეობის არმქონე პირთა სამართლებრივი მდგომარეობის შესახებ“ კანონში შედის, რომლის მიზანიც საქართველოში ინფორმაციული ტექნოლოგიების მიმართულებით პროფესიონალი კადრების მოზიდვის მიზნით საკანონმდებლო ჩარჩოს დახვეწაა. სტუმარი: თორნიკე თოხაძე - ინფორმაციული ტექნოლოგიების ასოციაცია ITAG-ის თავმჯდომარე; #ახალიამბები #BusinessMediaGeorgia
ბოლო თვეებია, სოციალური ქსელებში მუდმივად ჩნდება სტატუსები, რომლებშიც საჯარო მოხელეები სამსახურებიდან გათავისუფლების შესახებ წერენ. 2024 წლის დეკემბრის ბოლოს სამსახურიდან დათხოვნის მიზეზად უმეტესად ხელშეკრულების ვადის ამოწურვა იყო დასახელებული. მომდევნო თვეებში კი მიზეზად, რეორგანიზაცია სახელდებოდა. სინამდვილეში ამ ადამიანებს ერთი საერთო ნიშანი ჰქონდათ, რომელიც პროევროპულ კურსთან დაკავშირებით საკუთარი პოზიციის ღიად დაფიქსირებას ეხებოდა. „საერთაშორისო გამჭვირვალობის“ 15 აპრილს გამოქვეყნებული კვლევის მიხედვით, იმ დროისთვის ათობით საჯარო უწყებიდან 700-მდე მოხელე იყო დათხოვნილი. უკვე აპრილის ბოლოსთვის კი ეს მაჩვენებელი 800-მდე გაიზარდა. სტუმარი: ირაკლი პეტრიაშვილი - საქართველოს პროფესიული კავშირების გაერთიანების თავმჯდომარე; #ახალიამბები #BusinessMediaGeorgia
პროფილიდან M110- მდე - სტარტაპერი მაია ასათიანი მაია ასათიანი - ჟურნალისტი, სტარტაპერი ავტორები: მანანა მანჯგალაძე, ედგარ ყაზახაშვილი, ლადო ცხადაია #ახალიამბები #BusinessMediaGeorgia
ჰიპერმარკეტი “დომინო” 10 წლის გახდა. საიუბილეო თარიღს კი საუკეთესო ფასის შეთავაზებით, აქტივობებით და სიურპრიზებით ხვდება. 7 და 8 ივნისს “დომინოში” სარემონტო სურვილების ასრულება 50%-მდე ფასდაკლებით იქნება შესაძლებელი. ორი დღის განმავლობაში “დომინოს” ორივე ჰიპერმარკეტი გადაიქცევა საფესტივალო სცენად, სადაც მომხმარებლებს საშუალება ექნებათ, ჩაერთონ სახალისო აქტივობებში და მიიღონ უამრავი საჩუქარი, რაც რემონტისთვის აუცილებელ ინსტრუმენტებს მოიცავს. რა პროდუქტებზე ვრცელდება ფასდაკლებები, რა შეთავაზებები დაგხვდებათ და რას ნიშნავს ორ დღიანი ფასების ფესტივალი დომინოში.? #ახალიამბები #BusinessMediaGeorgia
საქართველოს ბიზნეს ასოციაციის წევრი ჰოლდინგური ჯგუფი „იმპოსტი“ გახდა, რომელიც 17 წლიან სამუშაო გამოცდილებას და კვალიფიკაციას ითვლის. „იმპოსტი“ საქართველოს მასშტაბით სამშენებლო, სარეკონსტრუქციო, სარესტავრაციო, საინჟინრო კომუნიკაციების საპროექტო და სამონტაჟო სამუშაოებს ახორციელებს. სტუმრები: ლევან ვეფხვაძე - საქართველოს ბიზნეს ასოციაცია, აღმასრულებელი დირექტორი; ლევან ახვლედიანი - ჰოლდინგური ჯგუფი იმპოსტის დამფუძნებელი #ახალიამბები #BusinessMediaGeorgia
ფოლადის მწარმოებელი ინდუსტრიის ერთ-ერთმა ლიდერმა კომპანია „ჯეოსთილმა“ მედიის წარმომადგენლებს საქართველოში 15-წლიანი წარმატებული საქმიანობის შედეგები და მიღწევები გააცნო. სპეციალურად მედიისთვის გამართული პრეზენტაციისას ჟურნალისტები „ჯეოსთილის“ ისტორიის, განვითარებისა და წარმატების შესახებ ინფორმაციას გაეცნენ და მათთვის საინტერესო კითხვებზე პასუხები მოისმინეს. კომპანია „ჯეოსთილი“ იყო პირველი კომპანია, რომელმაც პოსტსაბჭოთა პერიოდში საქართველოს ფოლადის ინდუსტრიის აღდგენას დაუდო სათავე, დაიწყო ფოლადის წარმოება, თანამშრომლების მომზადება და მაღალხარისხიანი პროდუქციის გამოშვება. დღეს „ჯეოსთილის“ წილი ფოლადის წარმოებაში ადგილობრივ ბაზარზე 45%-ს აღწევს, მის მიერ განხორციელებული ინვესტიციები კი თითქმის 100 მილიონი დოლარია, ხოლო საქართველოს ბიუჯეტში შენატანები 105 მილიონ დოლარს უტოლდება. #ახალიამბები #BusinessMediaGeorgia
როგორ მდიდრდება დონალდ ტრამპის ოჯახი მისი პრეზიდენტობით? #ახალიამბები #BusinessMediaGeorgia
ევროპის ბევრი ქვეყანა აიტი სპეციალისტების მისაზიდად სპეციალურ შეთავაზებებს და პროგრამებს სულ უფრო აქტიურად ნერგავს. ერთ-ერთი მათგანი და ყველაზე გავრცელებული ციფრული მომთაბარე ვიზებია, რომელიც უკვე არაერთ ქვეყანაში პოპულარობით სარგებლობს. მათი მთავარი მიზანი კი ამ გზით ეკონომიკისა და ტურიზმის განვითარებაა. რომელი ქვეყნებია ყველაზე მოთხოვნადი და მიმზიდველი აიტი სპეციალისტებისთვის? #ახალიამბები #BusinessMediaGeorgia
თბილისში გიორგი ტუხაშვილის სახელობის სტარტაპ დაჯილდოება გაიმართა 2025 წლის 30 მაისს თიბისი ბიზნესის მხარდაჭერით თბილისში გიორგი ტუხაშვილის სახელობის სტარტაპ დაჯილდოება მეორედ გაიმართა. ღონისძიების მთავარი მიზანი გიორგის სახელის უკვდავყოფა და იმ ადამიანების აღიარება იყო, რომლებიც მის ღირებულებებსა და თვისებებს იზიარებენ. გიორგი ტუხაშვილი წარმატებული ქართული სტარტაპის — Kernel-ის თანადამფუძნებელი, სტარტაპ გრაინდ თბილისის დირექტორი, კრისტალის ახალგაზრდა მეწარმეთა სკოლის პროგრამის ხელმძღვანელი იყო და, ზოგადად, ის გახლდათ ქართული სტარტაპ ეკოსისტემის მშენებელი. სამწუხაროდ მისი სიცოცხლე 35 წლის ასაკში შეწყდა, თუმცაღა მან მოასწრო წარუშლელი კვალი დაეტოვებინა ქართულ სამეწარმეო სივრცეში. რა ნომინაციებში გამოვლინდნენ გამარჯვებულები 2025 წლის დაჯილდოებაზე? სტუმრები: ნატო ჩაკვეტაძე - გიორგი ტუხაშვილის სახელობის სტარტაპ დაჯილდოების ორგანიზატორი; რუსუდან ჩაჩანიძე - მედიალაბის ხელმძღვანელი; კოლინ დონოჰიუ - Startup Grind -ის თბილისის ოფისის დამფუძნებელი #ახალიამბები #BusinessMediaGeorgia
ყველაზე გახმაურებული ბიზნეს დავები მსოფლიოში #ახალიამბები #BusinessMediaGeorgia
ეგვიპტეში მალე ახალი ქალაქი აშენდება. საუბარია ჯირიანზე, ადგილზე, რომელსაც ყველაფერი ექნება მდიდრული ცხოვრებისთვის. როგორც პროექტის აღწერა ამბობს, “ჯირიანმა” ლუქს კლასის საცხოვრებელი ზონები, კომერციული უბნები და აგრარული პროექტები უნდა გააერთიანოს. აღსანიშნავია, რომ ჯირიანის ხარჯზე ეგვიპტე სოფლის მეურნეობისთვის განკუთვნილ ტერიტორიას 25%-ით გაზრდის. როდის აშენდება ეგვიპტის ახალი ქალაქი? #ახალიამბები #BusinessMediaGeorgia
რესტორნების ქართული ბრენდი Entrée ლონდონში, კონკრეტულად კი ჩელსიში ახალ ფილიალს დღეს გახსნის.როგორც BM.GE-ის კომპანიაში განუცხადეს, Entrée ჩელსიში 40 სტუმარზე იქნება გათვლილი და 12 ახალ ადამიანს დაასაქმებს. მისი გახსნისთვის კომპანიამ £300 000-ის ინვესტიცია ჩადო. ამ მომენტისთვის ლონდონში Entrée 4 ფილიალი აქვს და რიგით მეხუთე ფილიალი სწორედ დღეს გაიხსნება. ახალი Entrée მისულ სტუმრებს ქართულ ღვინოსაც შესთავაზებს. ჩვენ ღვინის რამდენიმე მწარმოებელი შევარჩიეთ, რომლებიც ღვინოს ქვევრში და კლასიკური წესით აწარმოებენ და თბილისიდან ამ ღვინის ტრანსპორტირებას თავად ვახდენთ, რათა დიდ ბრიტანეთში ქართული ღვინის პოპულარიზაციას შევუწყოთ ხელი და მისი ცნობადობა მაქსიმალურად გავზარდოთ“, - აღნიშნავენ კომპანიაში. ცნობისთვის, რესტორნების ქართული ბრენდი Entrée დიდი ბრიტანეთის ბაზარზე 2021 წელს შევიდა. მას შემდეგ ქსელი საქართველოში, დიდ ბრიტანეთსა და აზერბაიჯანში ვითარდება. დღეისათვის Entrée თბილისში - 16, ბაქოში - 8, ხოლო ლონდონში 4 ობიექტითა არის წარმოდგენილი. წარმატებებს ვუსურვებ ქართულ ბრენდს და კომპანია ანტრეს, საქართველოში და განსაკუთრებით საზღვარგარეთ #ახალიამბები #BusinessMediaGeorgia
უცხოური ონლაინ მაღაზიებისგან მზარდი კონკურენცია და ქართული ელექტრონული კომერციის ბიზნესი - უცხოური პლატფორმების ექსპანსია ქართულ ბაზარზე ბოლო წლების ტენდენციად იქცა, რისი გავლენითაც მცირე ბიზნესების ნაწილმა უკვე დატოვა ბაზარი. ბოლო პერიოდში საკმაოდ ბევრი მაღაზია გამოჩნდა ონლაინ სივრცეში, ქართულ ბაზარზე ოპერირებენ როგორც რუსული, ისე ჩინური ონლაინ მაღაზიები, კონკურენცია კი იმდენად მზარდი და ყოვლისმომცველია, რომ ეს სერიოზულ გამოწვევად იქცა ადგილობრივი ბიზნესებისთვის. ამ პირობებში როგორ უწევს კონკურენციას ადგილობრივი ონლაინ კომერციის პლატფორმები უცხოურს? სტუმარი: თამარ გოგოლაშვილი - ელექტრონული კომერციის ასოციაციის თანადამფუძნებელი #ახალიამბები #BusinessMediaGeorgia
როგორც ცნობილია, მწარმოებლის გაფართოებული ვალდებულების 6 კანონქვემდებარე აქტიდან 4 ძალაში შევიდა. რეფორმის ფარგლებში, ნარჩენების მართვის ვალდებულება უკვე აქვთ ელექტრონული მოწყობილობების, ავტომობილის ზეთების, ბატარეებისა და აკუმულატორების იმპორტიორ კომპანიებს. დარჩენილი 2 რეგლამენტი, რომელიც მეორად ავტომობილებს და მოცულობით ყველაზე დიდ, შესაფუთ ნარჩენებს ეხება, რამდენიმე წელია დამტკიცების მოლოდინშია. დადგენილება, რომლის მიხედვითაც შესაფუთი ნარჩენების მართვა კერძო სექტორმა უნდა განახორციელოს, წლების წინ ევროკავშირის ექსპერტების ჩართულობით შემუშავდა. ბოლო ინფორმაციით, შესაფუთი ნარჩენების მართვის რეგლამენტი 2024 წლის პირველ კვარტალში უნდა ამოქმედებულიყო, თუმცა ამ დრომდე ღიაა საკითხი დარჩენილი რეგლამენტების ძალაში შესვლის ვადებთან დაკავშირებით. რატომ გაჭიანურდა დროში რეფორმის სრულყოფილად განხორციელება და რა აფერხებს დღემდე შესაფუთი ნარჩენების მართვის რეგლამენტის მიღებას? სტუმარი: გივი კალანდაძე - ააიპ "ჯორჯია პლასის" თავმჯდომარე #ახალიამბები #BusinessMediaGeorgia
ნარჩენების მართვის რეფორმა ბოლო რამდენიმე წელია ხორციელდება. როგორც ცნობილია, ნარჩენების მართვის ეფექტური სისტემის დანერგვა ევროკავშირთან ასოცირების დღის წესრიგის ნაწილს წარმოადგენს. ქვეყანას 2015 წლიდან აქვს ნარჩენების მართვის კოდექსი, ასევე შემოვიღეთ მწარმოებლის გაფართოებული ვალდებულების პრინციპი. რეფორმის ფარგლებში, ნარჩენების მართვის ანუ შეგროვების და გადამუშავების ვალდებულება უკვე აქვთ ელექტრონული მოწყობილობების, ავტომობილის ზეთების, ბატარეებისა, აკუმულატორების და მეორადი საბურავების იმპორტიორ კომპანიებს. რეფორმის ფარგლებში დაფუძნდა მწარმოებლის გაფართოებული ვალდებულების ორგანიზაციები, რომელთა რიცხვი ამ დროისთვის 4-ს შეადგენს. რეფორმის პროცესში ცვლილებები შევიდა “ნარჩენების მართვის კოდექსში” და დაწესდა საჯარიმო სანქციები ნარჩენების მართვის ორგანიზაციებისთვის ვალდებულების შეუსრულებლობის შემთხვევაში. ამ დრომდე ღიაა საკითხი, როდის მოხდება მეორეული ავტომობილების და ყველაზე მსხვილი, შესაფუთი მასალების ნარჩენების მართვის რეგლამენტის მიღება, რომელსაც კერძო სექტორი წლებია ელოდება. როგორ სრულდება ნარჩენების მართვის რეფორმა მიღებული რეგლამენტების ფარგლებში, რა გაკეთდა რეფორმის ფარგლებში და რა გამოწვევები რჩება ამ მიმართულებით? სტუმრები: გიორგი გულიაშვილი - "საქართველოს მწარმოებლის გაფართოებული ვალდებულების ასოციაციის" თავმჯდომარე; ვანო მთვრალაშვილი - ნარჩენების მართვის ბიზნეს ასოციაციის აღმასრულებელი დირექტორი #ახალიამბები #BusinessMediaGeorgia
მიმდინარე წელი მოდის ინდუსტრიისთვის არაერთი ცვლილებით დაიწყო და ეს ტენდენცია დღესაც გრძელდება. ცვლილებებში კი მაღალი მოდის ბრენდების კრეატიული დირექტორების საქმიანობის სხვადასხვა კომპანიაში გაგრძელება იგულისხმება. ეს ლიდერული ცვლილებები მოდის ინდუსტრიაში მიმდინარე ფართო ტენდენციას ასახავს - ბრენდები ცდილობენ განახლდნენ და მოერგონ თანამედროვეობის გამოწვევებს. #ახალიამბები #BusinessMediaGeorgia
პალეკარტი ბაზარზე 2020 წელს გამოჩნდა. სამმა თანადამფუძნებელმა თავიანთი პირადი ინტერესები ბიზნეს საქმიანობად აქციეს, ბაზარი შეისწავლეს, ინფორმაცია მოიძიეს და ასე, მამაკაცის ტანსაცმლის ხაზიც შექმნეს. ბრენდი, რომელიც ხარისხზე, დეტალებზე და გამორჩეულ დიზაინზეა ორიენტირებული. ამ წლების განმავლობაში საკმაოდ ბევრი ერთგული მომხმარებლის დაგროვება შეძლეს და ყოველწლიურად, მათ რიცხვს სულ უფრო მეტი ადამიანი ემატება. როგორც თავად ჰყვებიან, პალეკარტი წლიდან წლამდე იზრდება, ვითარდება და იხვეწება. წინ დიდი სამომავლო გეგმებიც აქვთ, გაფართოება, ახალი ფილიალის დამატება, წარმოების უფრო მასშტაბური მოდელის შექმნა. სტუმარი: აბო მენაბდე - "პალეკარტი"-ს თანადამფუძნებელი; თიკო ნატმელაძე - #მხოლოდქართული, ავტორი #ახალიამბები #BusinessMediaGeorgia
შრომის ბაზარს როგორც საქართველოში, ისე მთელ მსოფლიოში ძირეულად ცვლის ხელოვნური ინტელექტი. ერთი მხრივ, ის ზრდის პროდუქტიულობას და ქმნის ახალ პროფესიულ მიმართულებებს ტექნოლოგიების, ანალიტიკისა და ციფრული სერვისების სფეროებში, მეორე მხრივ კი, აჩქარებს დაბალი და საშუალო კვალიფიკაციის სამუშაოების ავტომატიზაციას, რაც ზრდის უმუშევრობის რისკს და საჭიროებს გადამზადების ახალ სტრატეგიებს. ამ რეალობისა და პრინციპში, გლობალური მასშტაბით ხელოვნური ინტელექტის ბუმის კვალდაკვალ გადავწყვიტეთ იმ ქალაქებისთვის გადაგვხედა, როლებიც AI რბოლაში მოწინავე პოზიციებს იკავებენ და ამ მიმართულებით არც მსხვილი ინვესტიციების განხორციელებას ერიდებიან. #ახალიამბები #BusinessMediaGeorgia
რა გამოწვევებია საქართველოს შრომის ბაზარზე?
კომპანია Redbow უკვე წელიწადზე მეტია, რაც არა მხოლოდ ქმნის, არამედ ავითარებს ღონისძიებების ორგანიზების ინდუსტრიას საქართველოში. Redbow 2012 წლიდან არის ბაზარზე, თუმცა 2025 წელს სიახლეებით შეხვდა. კომპანიამ რებრენდინგი განიცადა, შეიცვალა არა მხოლოდ სახელწოდება, არამედ მთლიანად ბრენდის იდენტობა, სტრატეგია და ვიზუალი. ახალი ბრენდი, ახალი სახელით - Redbow, რაც პირდაპირ ითარგმნება როგორც წითელი ბაფთა, წარმოადგენს კომპანიის ახალ ხედვას: თანამედროვე, მინიმალისტურ, დახვეწილ და მომხმარებელზე ორიენტირებულ მიდგომას. სტუმარი: ლევან მდინარაძე - Redbow-ის დამფუძნებელი; #ახალიამბები #BusinessMediaGeorgia
საქართველომ გასულ კვირას აღნიშნა ლარის 30 წლის იუბილე. ლარის მიმოქცევაში შესვლიდან 30 წლის საიუბილეო ღონისძიებების ფარგლებში გაიმართა საერთაშორისო კონფერენციაც, რომლის პარალელურად, იმავე საკონფერენციო სივრცეში საქართველოს საბანკო ასოციაციისა და საქართველოს ეროვნული ბანკის თანამშრომლობით გაიმართა ღონისძიება - კავშირების განმტკიცება საზღვრებს მიღმა ფინანსური ეკოსისტემისთვის. რა პროექტები განიხილეს საერთაშორისო დონეზე და როგორია ფინანსური ტექნოლოგიების სფეროში საქართველოს როლი და პოზიციები. სტუმარი: მიხეილ კაპანაძე - "საქართველოს საბანკო ასოციაცია", ღია ბანკინგის პროექტის დირექტორი #ახალიამბები #BusinessMediaGeorgia
„ჯიპიაი ჰოლდინგსა“ და ლიბერთი ბანკს შორის თანამშრომლობის მემორანდუმი გაფორმდა, რომლის თანახმად, მხოლოდ ლიბერთი ბანკის მომხმარებლები ისარგებლებენ სპეციალურად შექმნილი ჯანმრთელობის დაზღვევის პაკეტით - ,,ზრუნვა +’’ აღნიშნული შეთავაზება აერთიანებს როგორც ჯანმრთელობის სერვისებს, ისე სიცოცხლის დაზღვევას, უბედური შემთხვევისაგან დაზღვევას და კიბოს რისკისგან დაზღვევას. ლიბერთი ბანკმა შეისწავლა მომხმარებლების საჭიროებები და ჩვენს პარტნიორებთან ერთობლივი მუშაობით, სწორედ მომხმარებლებზე ორიენტირებული და ბაზარზე, ერთ-ერთი ყველაზე გამორჩეული შეთავაზება ჯანმრთელობის დაზღვევის პაკეტი - ,,ზრუნვა +“ შეიქმნა. #ახალიამბები #BusinessMediaGeorgia
1937 წლის 4 ივნისს სამუდამოდ შეიცვალა სამომხმარებლო გამოცდილება, რადგან ებრაელმა მეწარმემ, სილვან გოლდმანმა საზოგადოებას პირველი სავაჭრო კალათა, ე.წ ურიკა წარუდგინა. მისი იდეა დაკვირვებას ეფუძნება. სუპერმარკეტების ქსელის Humpty Dumpty-ს მფლობელი ხედავდა, რომ ადამიანები მსხვილი შესყიდვებისგან თავს ხშირად სწორედ იმიტომ იკავებდნენ, რომ ხელში აღარ ეტეოდათ საჭირო პროდუქცია. გოდლმანი მიხვდა რომ საკითხი შესაბამის გადაწყვეტას საჭიროებდა და სწორედ გაყიდვების სტიმულირების მიზნით პირველი კალათაც შექმნა. გამოგონებაზე, რომელიც დღეს ჩვენი ყოველდღიურობის განუყოფელი ნაწილია #ახალიამბები #BusinessMediaGeorgia
გამარჯვებული მოედანზე და გამარჯვებული ცხოვრებაში - ლუის ენრიკეს შთამაგონებელი ისტორია #ახალიამბები #BusinessMediaGeorgia
როგორც პრეზიდენტ ტრამპის არჩევა განსაკუთრებით დიდი სარგებლის მომტანი თავდაცვის სექტორში წარმოდგენილი ევროპული კომპანიებისთვის და ამერიკული კომპანიებისთვის, ისე იხაროს და გამდიდრდეს თქვენი ოჯახები, როგორც აშენდა და აშენდება ტრამპის დინასტია ამ პრეზიდენტობისას მიმდინარე წლის განმავლობაში Airbus-ის, Rheinmetall-ის, Leonardo-ს, Thales-ის, Rolls-Royce-ის, Safran-ის, Eaton-ის და BAE Systems-ის აქციების შეფასება მკვეთრად გაიზარდა, რაც ინვესტორების მხრიდან გაუმჯობესებული მოლოდინებით არის განპირობებული. ზოგიერთ მათგანს, მაგალითად: Rheinmetall-ს, Leonardo-ს, Thales-სა და BAE Systems-ს წელს თითქმის 100%-იანი ზრდა აქვს, რაც თავდაცვის სექტორისათვის უჩვეულო შედეგია. სამხედრო სექტორის აღმასვლა პირდაპირ კავშირშია ტრამპის მოთხოვნასთან, რომელიც NATO-ს წევრ სახელმწიფოებს თავდაცვის ხარჯების მშპ-ის 5%-მდე გაზრდას აიძულებს, რაც იმას ნიშნავს, რომ ქვეყნებს თითქმის 2-ჯერ მეტის დახარჯვა მოუწევთ თავდაცვაზე, ვიდრე აქამდე. ბუნებრივია, ევროკავშირის წევრი ქვეყნები ახალ სისტემებს და იარაღებს ევროპული კომპანიებისგან შეიძენენ, რაც სექტორს სწრაფად განვითარების საშუალებას მისცემს და ზრდის მათ კაპიტალიზაციას. #ახალიამბები #BusinessMediaGeorgia
გუშინ ცნობილი გახდა რომ კომპანია Bristol Myers Squibb თანახმაა, გადაიხადოს $11.1 მილიარდამდე, რათა დაპარტნიორდეს გერმანულ BioNTech-თან და მომავალი თაობის კიბოს საწინააღმდეგო იმუნოთერაპია შექმნას, რითაც კონკურენციას მთავარი კონკურენტის, Merck&Co;-ს პრეპარატ Keytruda-ს გაუწევს. შეთანხმება, რომელიც უპირობო $3.5 მილიარდიან ტრანზაქციას მოიცავს, ემყარება BioNTech-ის ამბიციას, შეინარჩუნოს მაღალხარჯიანი და გრძელვადიანი ფოკუსი კიბოს სამკურნალო ექსპერიმენტულ საშუალებებზე და დაამტკიცოს, რომ Pfizer-თან მისი პარტნიორობა COVID-19-ის ვაქცინების შესაქმნელად ერთჯერადი მიღწევა არ ყოფილა. ამასთან, გარიგება კიდევ ერთხელ უსვამს ხაზს ფარმაკოლოგიური სექტორის ტენდენციას, ონკოლოგიაში შეიქმნას მოქმედების ორმაგი მექანიზმი, რომელიც ააქტიურებს იმუნურ სისტემას - რასაც Merck & Co-ს Keytruda ემსახურება - და სიმსივნური წარმონაქმნისთვის სისხლის მიწოდებას წყვეტს. ორივე კომპანიის განცხადებაში აღნიშნულია, რომ ამერიკული Bristol Myers თანამონაწილე იქნება როგორც BioNTech-ის ახალი პრეპარატის, BNT327-ის შექმნის, ასევე მისი კომერციალიზაციის, რაც გერმანული კომპანიის CEO-ს განცხადებით, დააჩქარებს იმუნოთერაპიის წარმოებას და კომპანიას სრული პოტენციალის ათვისებაში დაეხმარება. #ახალიამბები #BusinessMediaGeorgia
მსოფლიოს ახალი რეკორდსმენი ჰყავს უნიკალური ბავშვების, უფრო სწორად, მსოფლიოს ახალი, ყველაზე ახალგაზრდა და პატარა გენიოსი ჰყავს.ბრიტანელი ჯოზეფ ჰარის-ბირტლი Mensa-ს - ექსკლუზიური კლუბის, რომლის წევრებიც მხოლოდ 132+ IQ-ს მქონე ადამიანები არიან - ყველაზე ახალგაზრდა წევრი გახდა, რასაც გინესის მსოფლიო რეკორდიც ადასტურებს. ჯოზეფ ჰარის-ბირტლი, რომელიც 2021 წლის 23 ნოემბერს დაიბადა, ორგანიზაციაში 2 წლისა და 182 დღის ასაკში მიიღეს. 2 წლის ჯოზეფ ჰარის-ბირტლი მორზეს ანბანისა და პერიოდული სისტემის შესწავლითაა დაინტერესებული და იცის ბერძნული ანბანი. #ახალიამბები #BusinessMediaGeorgia