საქართველოში შეიძლება ერთჯერადი გამოყენების პლასტმასის ჭიქების, თეფშების, დანების, საწრუპებისა და სხვა მსგავსი პროდუქციის გაყიდვა აიკრძალოს, ხოლო სახელმწიფო უწყებებს მსგავსი პროდუქტების შესყიდვაც შეეზღუდოთ. შესაბამისი მექანიზმის ასამოქმედებლად პარლამენტი „ნარჩენების მართვის კოდექსში“ ცვლილებებს დაჩქარებული წესით განიხილავს. ეკონომიკური პოლიტიკის კომიტეტმა ცვლილებები განიხილა და მხარი დაუჭირა. კანონპროექტი მთავრობას უფლებას აძლევს, განსაკუთრებულ შემთხვევაში აკრძალოს არა მხოლოდ პროდუქტის პირველადი მიწოდება ბაზარზე, არამედ მთლიანი ვაჭრობა, რაც მოქმედი რედაქციით შეუძლებელია.

ერთ-ერთი პირველი გარემოსდაცვით საკითხებში და გადაწყვეტებში გახლავთ კომპანია “კოკა-კოლა ბოთლერს ჯორჯია” რომელიც მნიშვნელოვან გარემოსდაცვით ინიციატივას იწყებს- მინის ტარის სეპარირებულ შეგროვებასა და ტრანსპორტირებას, რათა მინა გადამუშავების ციკლში მაქსიმალურად დაბრუნდეს. ინიციატივის ფარგლებში კომპანია “კოკა-კოლა ბოთლერს ჯორჯიამ” სამუშაო შეხვედრა ე.წ. “ჰორეკა” ბიზნესის - სასტუმროების, რესტორნებისა და კაფეების - წარმომადგენლებთან გამართა, რადგან ეს სექტორი ერთ-ერთია, რომელიც მინის ბოთლების ყველაზე დიდ რაოდენობას მოიხმარს. პორეკა სექტორთან შეხვედრის მიზანი იმ სქემის გაცნობა იყო, სადაც კომპანია “კოკა-კოლა ბოთლერს ჯორჯია” მინის ტარის სეპარირებული შეგროვებასა და მისი ტრანსპორტირების ხელშეწყობას გეგმავს. პროექტი გულისხმობს პარტნიორ ჰორეკა სუბიექტებზე სპეციალური კონტეინერების განთავსებას, მინის ტარის შეგროვებასა და მათ რეგულარულად გატანას მისი რეციკლირების მიზნით. კომპანია “კოკა-კოლას” გამოცდილების გაზიარებითა და მისი ტექნიკური უზრუნველყოფით, ჰორეკა სექტორში შეგროვებული მინის ნარჩენის რეციკლირება ორგანიზებული და ხარჯთეფექტური გახდება.


#ახალიამბები #BusinessMediaGeorgia