კორპორაციული მდგრადობის ჯილდო 2025 - 26 ნოემბერს, სტამბაში, გაეროს გლობალური შეთანხმების საქართველოს ქსელის ორგანიზებით, გაიმართა ყოველწლიური კონკურსის — კორპორაციული მდგრადობის ჯილდო 2025-ის, ნომინაციით „ბიზნესი მდგრადი განვითარებისთვის“, რიგით მერვე ცერემონია. ღონისძიებას კონკურსში მონაწილე კომპანიების წარმომადგენლები, დიპლომატიური კორპუსის წევრები, საერთაშორისო ორგანიზაციები და გაეროს გლობალური შეთანხმების საქართველოს ქსელის პარტნიორი ორგანიზაციები ესწრებოდნენ. კონკურსზე წარმოდგენილი განაცხადები შეფასდა ორი კატეგორიით: მსხვილი ბიზნესი და მცირე და საშუალო ბიზნესი. განაცხადები ქართველ და უცხოელ ექსპერტთაგან შემდგარმა დამოუკიდებელმა ჟიურიმ განიხილა და შეაფასა, რის შედეგადაც გამოვლინდნენ კონკურსის გამარჯვებულები. კორპორაციული მდგრადობის ჯილდოს ცერემონია, გაეროს გლობალური შეთანხმების საქართველოს ქსელის ორგანიზებით და შვედეთის მხარდაჭერით, პროექტის — „ლიდერობა მდგრადი განვითარებისათვის” ფარგლებში გაიმართა.

#ახალიამბები #BusinessMediaGeorgia