დეკემბერში საქართველოს საერთაშორისო რეზერვები 4 მილიარდ 447 მლნ დოლარამდე გაიზარდა, რაც თვიურ ჭრილში თითქმის 324 მლნ დოლარით გაზრდილი მაჩვენებელია. თუმცა საერთაშორისო რეზერვების მოცულობა წლიურად ნახევარ მილიარდზე მეტად შემცირებული მაინც რჩება. რეზერვების შევსების ერთ-ერთი მთავარი მიზეზი ბანკებისთვის უცხოურ ვალუტაში მინიმალური სარეზერვო მოთხოვნების 5% პროცენტული პუნქტით ზრდა იყო. შესაბამისად, სპეციალისტების ნაწილის შეფასებით, მიუხედავად რიცხვებში რეზერვების ზრდისა, ქვეყნის წმინდა სავალუტო აქტივები ფაქტობრივად არ გაზრდილა, რაც იმაზე მიუთითებს, რომ ეროვნულ ბანკს უცხოური ვალუტის დაგროვება მომავალში გაუჭირდება. #ახალიამბები #BusinessMediaGeorgia
არჩევნების შემდეგ ფქვილი გაძვირდა, რაც პურის ღირებულებაზე იმოქმედებს, პურის მცხობელთა ასოციაცია საკითხზე სოფლის მეურნეობის სამინისტროსთან კომუნიკაციას გეგმავს. პურის ქარხნების გაერთიანებაში ამბობენ, რომ იმისთვის რომ პურის ფასის შენარჩუნება მოხდეს აუცილებელია ფქვილზე დაწესებული იმპორტის გადასახადის შემცირება მოხდეს, რომელიც ამ მოცემულობით 2025 წლის მარტამდე მოქმედებს. საკითხს არ ეთანხმებიან მეხორბლეები და ამბობენ, რომ ამ გზით შესაძლოა ქვეყნის სასურსათო უსაფრთხოება რისკის ქვეშ აღმოჩნდეს. #ახალიამბები #BusinessMediaGeorgia
ის, რაც „ოცნების“ მინისტრმა ბრიფინგზე არ თქვა, ოფიციალურ ბრძანებაში აისახა. ირკვევა, რომ სტაციონარული მომსახურების მიმწოდებელი დაწესებულება ვალდებულია საერთაშორისო აკრედიტაციის სერტიფიკატი ჯანდაცვის სამინისტროს 1 მაისამდე წარუდგინოს. ამბულატორიულ, დღის სტაციონარის და ლაბორატორიული მომსახურების მიმწოდებლებს აკრედიტაციის და ISO სერტიფიცირების მოპოვებისთვის კიდევ ერთი წელი მიეცათ. მათ სამინისტროს შესაბამისი სერტიფიკატი უნდა წარუდგინონ არაუგვიანეს 2025 წლის 31 დეკემბრისა. დაწესდა გამონაკლისებიც კერძოდ ჯანდაცვის მინისტრს აქვს უფლება სამედიცინო სერვისზე გეოგრაფიული ხელმისაწვდომობის უზრუნველყოფის ან სხვა საჯარო ინტერესიდან გამომდინარე, კლინიკას მისცეს გონივრული ვადა საერთაშორისო აკრედიტაციის მოთხოვნებთან შესაბამისობის უზრუნველსაყოფად. ასეთ შემთხვევაში კლინიკა გააგრძელებს სახელმწიფო პროგრამით განსაზღვრული სერვისების მიწოდებას, იმ ვადაში რასაც სამინისტრო განუსაზღვრავს. რამდენად სწორად მიმდინარეობს და რა არის პროცესში გამოწვევები სამედიცინო სექტორისთვის? სტუმარი: ნინო მირზიკაშვილი - ილიას უნივერსიტეტის ასოცირებული პროფესორი & ჯანდაცვის ექსპერტი; #ახალიამბები #BusinessMediaGeorgia
გადასახადის გადამხდელებს სახელმწიფო ბიუროკრატიის ხარჯი გაეზარდათ. კულტურის სამინისტროსგან გამოყოფილი სპორტის სამინისტროს ხარჯზე სამინისტროების რაოდენობა 13-მდე იზრდება, 10%-ით იმატებს საჯარო სექტორში დასაქმებულთან ანაზღაურება და გაცილებით მკვეთრი ზრდაა თანამდებობის პირთა ხელფასებში. 1 -ელი იანვრიდან საქართველოს პრემიერ-მინისტრისა და პრეზიდენტის ხელფასი 13 300 ლარი იქნება - მინისტრების, ავტონომიური რესპუბლიკების მთავრობისა და უმაღლესი საბჭოს თავმჯდომარეების კი 11 305 ლარი. 2.5-ჯერ გაიზარდა დეპუტატების ხელფასები და მთლიანობაში 2025 წლიდან პარლამენტში შრომის ანაზღაურება 10 მლნ-ით 53.9 მლნ ლარამდეა გაზრდილი. #ახალიამბები #BusinessMediaGeorgia
შარშანდელთან შედარებით ზამთრის სეზონზე სავაჭრო ობიექტების ნაწილში შემოსავლები 20-30% ით შემცირდა. შედარებით მცირედ კლებაზე მიუთითებენ ბაზრობების ნაწილში. როგორი იყო ვაჭრობის სექტორისთვის წინასაახალწლო პერიოდი, როდესაც როგორც წესი ხარჯები პიკს აღწევს და რა ახდენს გავლენას მომხმარებლების განწყობასა და ხარჯების სტრუქტურაზე. #ახალიამბები #BusinessMediaGeorgia
გაუარესებული მოლოდინების ფონზე რითეილ სექტორში საახალწლო პერიოდში ფასდაკლებების ხარჯზე ვაჭრობა მაინც შედგა, თუმცა სექტორში გაურკვეველი ვითარების ფონზე დამაიმედებელ პროგნოზებს ვერ აკეთებენ და ამბობენ, რომ თუ მდგომარეობის დასტაბილურება არ მოხდა იანვარი და თებერვალი შესაძლოა კრიზისული იყოს. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები ( www.bm.ge ) / 08.01.2025 "ბაზარი ორბელიანზე" მცირე მეწარმეების მხარდამჭერი ინიციატივის გაგრძელებას აპირებს - როგორია აქტივობა? "დაახლოებით 85%-ით დატვირთულები ვართ" - როგორია ზამთრის სეზონი გუდაურში? ავლაბარში სასტუმრო "ალუბლის ბაღი" იყიდება - ფასი $3 მლნ; ანანასის იმპორტი გაიზარდა - სად ვყიდულობთ? „ბლუტაბლამ“ 2025 წლის გეგმები დააპაუზა - "ქვეყანაში სიტუაციის გარკვევამდე პროექტი შეჩერებული გვაქვს"; #ახალიამბები #BusinessMediaGeorgia
8 დღე რუსული გაზის გარეშე - 2025 წელი ევროპული ქვეყნებისთვის განსხვავებული მოცემულობით დაიწყო. რუსეთმა გაზის მიწოდება შეწყვიტა და ეს მას შემდეგ, რაც კიევმა უარი განაცხადა განეახლებინა გაზპრომთან სატრანზიტო კონტრაქტი, რომელიც უკრაინაში რუსეთის სრულმასშტაბიან შეჭრამდე გაფორმდა. რუსეთისთვის კიევის უარმა ყველაზე მეტი გამოწვევა აღმოსავლეთ ევროპის ქვეყნებისთვის შექმნა, განსაკუთრებით რთულ ვითარებაში არაღიარებულ დნესტრისპირეთია, რომელიც გაზს ასევე უკრაინის გავლით იღებდა. უკრაინის პრეზიდენტმა რუსეთის ბუნებრივი აირის ევროპისთვის მიწოდების შეწყვეტა პუტინის დიდ მარცხად შეაფასა. მან იმედი გამოთქვა, რომ აშშ ევროპისთვის გათხევადებული გაზის [LNG] მიწოდებას გაზრდის. თავის მხრივ ევროპაში რუსული გაზის გაყიდვები შემცირდა, 2023 წელს რუსული ენერგოგიგანტი ბოლო 20 წლის მანძილზე პირველად იყო ზარალზე და დაახლოებით 7 მილიარდი დოლარი იზარალა. Gazprom-ის ზარალის მთავარი მიზეზი ევროკავშირში შემცირებული გაყიდვებია, რასაც ჩინეთი ვერ აკომპენსირებს, ბევრი მიზეზის, უმთავრესად კი ევროპასთან შედარებით მცირე გამტარობის გაზსადენის გამო. რუსეთი უკრაინის გავლით ევროპას გაზს 1991 წლიდან აწვდიდა და კონტრაქტის შეწყვეტით მნიშვნელოვანი ბაზრები დაკარგა, თუმცა ვლადიმერ პუტინი ამბობს, რომ ევროკავშირი უფრო იზარალებს. როგორ შეხვდა ევროპა რუსული გაზის შეწყვეტას, რა ზარალს იღებს რუსეთი, როგორ აპირებს და რა დაუჯდება ევროპას გაზის მომარაგებაში ამ დანაკლისის შევსება? სტუმარი: არჩილ მამათელაშვილი - ენერგეტიკოსი; #ახალიამბები #BusinessMediaGeorgia
საქართველოს მოსახლეობას ხელისუფლების შენახვის ხარჯები მკვეთრად გაეზარდა. კულტურის სამინისტროსგან გამოყოფილი სპორტის სამინისტროს ხარჯზე 13-მდე იზრდება სამინისტროების რაოდენობა, 10%-ით იმატებს საჯარო სექტორში დასაქმებულთან ანაზღაურება თუმცა გაცილებით მკვეთრი ზრდაა თანამდებობის პირთა ხელფასებში. ეკონომისტების ნაწილის შეფასებით, პარლამენტის წევრების და თანამდებობის პირების ხელფასების ზრდა ქვეყანაში შექმნილი ვითარების ფონზე, არარელევანტურია. რამდენად იზრდება ბიუროკრატიული ხარჯები და როგორია შეფასებები? #ახალიამბები #BusinessMediaGeorgia
საქართველოს IT სექტორში საგარეო შემოსავლები მცირდება. ეროვნული ბანკის მონაცემებით, 2024 წლის 9 თვეში სატელეკომუნიკაციო, კომპიუტერული და საინფორმაციო მომსახურების სექტორის საგარეო შემოსავალმა 475 მილიონი დოლარი შეადგინა, რაც წინა წელთან შედარებით 22%-ით შემცირებული მაჩვენებელია. დარგის წარმომადგენლები აცხადებენ, რომ კლება მოსალოდნელი იყო, რადგან ერთი მხრივ, მიგრაციული ეფექტი შენელდა, ხოლო მეორე მხრივ, ქვეყანაში არსებული არასტაბილურობა კომპანიების ნაწილის შემოსავალზე უკვე აისახა. It სექტორის წარმომადგენლები აცხადებენ, რომ საქართველო სულ უფრო ნაკლებად მიმზიდველი ხდება საერთაშორისო ორგანიზაციებისთვის. #ახალიამბები #BusinessMediaGeorgia
ჯანდაცვის სამინისტრო კლინიკებს და ფარმაცევტულ კომპანიებს რეგულაციების დასაკმაყოფილებლად დამატებით ვადას აძლევს. საუბარია, როგორც საერთაშორისო აკრედიტაციის ვალდებულებაზე, ასევე სხვადასხვა სანებართვო პირობების დაკმაყოფილებაზე და ექსპორტიორი კომპანიებისთვის GMP სტანდარტის დანერგვის მოთხოვნის შესრულებაზე, რა ვალდებულებებიც უკვე ხვალიდან უნდა შესულიყო ძალაში. ამ გადაწყვეტილებებზე მინისტრმა მიხეილ სარჯველაძემ სპეციალურ ბრიფინგზე ისაუბრა. #ახალიამბები #BusinessMediaGeorgia
რა ახალი რეგულაციებით ხვდება ბიზნესი 2025 წელს? სათამაშო ბიზნესი, უძრავი ქონება, ტრანსპორტი, თამბაქო, ჯანდაცვა, პიროტექნიკა- ბიემჯიმ ყველა იმ საკანონმდებლო ცვლილებას მოუყარა თავი, რომელიც ბიზნესისთვის თამაშის წესებს მომავალ წელს შეცვლის. #ახალიამბები #BusinessMediaGeorgia
2024 წლის ნოემბერში, ეკონომიკური ზრდის ტემპი შენელდა და წლიური ზრდა 7.5% იყო. საქსტატის მიერ გამოქვეყნებული წინასწარი შეფასების მიხედვით, 2024 წლის ეკონომიკური ზრდის პირველი თერთმეტი თვის საშუალო მაჩვენებელი 9.4%-ია. მილევადი 2024 ის ნოემბერში წინა წლის იგივე თვის მონაცემებს თუ ჩავხედავთ წელს მნიშვნელოვანი წვლილი ზრდის მიმართულებით ისეთმა დარგებმა შეიტანეს, როგორიც არის პროფესიული, სამეცნიერო და ტექნიკური საქმიანობები, ინფორმაცია და კომუნიკაცია, ტრანსპორტი და დასაწყობება. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები ( www.bm.ge ) / 31.12.2024
საქართველოს IT სექტორში საგარეო შემოსავლები მცირდება. ეროვნული ბანკის მონაცემებით, 2024 წლის 9 თვეში სატელეკომუნიკაციო, კომპიუტერული და საინფორმაციო მომსახურების სექტორის საგარეო შემოსავალმა 475 მილიონი დოლარი შეადგინა, რაც წინა წელთან შედარებით 22%-ით შემცირებული მაჩვენებელია. დარგის წარმომადგენლები აცხადებენ, რომ კლება მოსალოდნელი იყო, რადგან ერთი მხრივ, მიგრაციული ეფექტი შენელდა, ხოლო მეორე მხრივ, ქვეყანაში არსებული არასტაბილურობა კომპანიების ნაწილის შემოსავალზე უკვე აისახა. It სექტორის წარმომადგენლები აცხადებენ, რომ საქართველო სულ უფრო ნაკლებად მიმზიდველი ხდება საერთაშორისო ორგანიზაციებისთვის. #ახალიამბები #BusinessMediaGeorgia
ეკონომიკურ რისკებზე და საფრთხეებზე საუბრობენ როგორც ეკონომისტები ისე ბიზნესის წარმომადგენლები. მათ შორის ბიზნესისგან კეთდება განცხადებები ინვესტორების მხრიდან შეცვლილ განწყობებზე და იმაზე, რომ ქვეყანამ რეპუტაციული ზიანი უკვე მიიღო. არასტაბილური პოლიტიკური მდგომარეობიდან გამომდინარე შემცირდა სამომხმარებლო აქტიურობაც, ყველაზე შემოსავლიანი დეკემბერი ბევრი ბიზნესისთვის ზარალიანი გახდა. როგორ ფასდება ბიზნესის მხრიდან 2024 წელი და რა მოლოდინები არსებობს არსებული რისკების გათვალისწინებით მომავალ 2025 წელს? მაშინ როცა არაერთი რეგულაცია შედის ძალაში და კონკრეტულ სექტორებს გადასახადების ეზრდება? სტუმარი: ალექსანდრე რატიშვილი - საქართველოს გადასახადის გადამხდელთა კავშირის პრეზიდენტი; #ახალიამბები #BusinessMediaGeorgia
ჯანდაცვის სამინისტრო კლინიკებს და ფარმაცევტულ კომპანიებს რეგულაციების დასაკმაყოფილებლად დამატებით ვადას აძლევს. საუბარია, როგორც საერთაშორისო აკრედიტაციის ვალდებულებაზე, ასევე სხვადასხვა სანებართვო პირობების დაკმაყოფილებაზე და ექსპორტიორი კომპანიებისთვის GMP სტანდარტის დანერგვის მოთხოვნის შესრულებაზე, რა ვალდებულებებიც უკვე ხვალიდან უნდა შესულიყო ძალაში. ამ გადაწყვეტილებებზე მინისტრმა მიხეილ სარჯველაძემ სპეციალურ ბრიფინგზე ისაუბრა. რა ვადას აძლევს სამინისტრო კლინიკებსა და ფარმაცევტულ კომპანიებს? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები ( www.bm.ge ) / 30.12.2024 მცირე ბიზნესების მხარდაჭერისთვის "ბაზარი ორბელიანის" სივრცე 100-ზე მეტ მეწარმეს დაეთმო; ქვეყანაში მიმდინარე მოვლენების გამო, მომხმარებლები თავს იკავებენ სხვადასხვა ივენთების მოწყობისგან - "გელუქი"; თუ ასე გაგრძელდა, ქართულ ბიზნესში ისეთი გარემო შეექმნება, რაც რუსეთში - ერეკლე ლოლაძე; “ბიოლის” ტერიტორიაზე 31 დეკემბერს ოთხი შალე გაიხსნება; ბოლო 10 წელიწადში, ნატურალური წვენების ექსპორტი ისტორიულ მაჩვენებელზეა; #ახალიამბები #BusinessMediaGeorgia
საგადასახადო ორგანოს მიერ გადასახადის გადამხდელის შესახებ მიღებული ნებისმიერი ინფორმაცია საგადასახადო საიდუმლოებას განეკუთვნება.- გარდა ამ მუხლის 11 ნაწილში აღნიშნული ინფორმაციისა, რომელიც თავის მხრივ მოიცავს ისეთი ტიპის მონაცემებს, როგორიცაა დღგ-ის გადამხდელად რეგისტრაციის შესახებ ცნობას, სტატუსს, სახელწოდებას, სამართლებრივ ფორმად და ა.შ - საგადასახადო საიდუმლოება საქართველოში საქართველოს საგადასახადო კოდექსის 39-ე მუხლის პირველი ნაწილით არის დაცული. და როგორც აღმოჩნდა კანონი მოქმედია იქამდე, ვიდრე მმართველი პარტია თავისუფლად მოაზროვნე, თუნდაც კრიტიკულად განწყობილი საზოგადოების და ამ შემთხვევაში ბიზნესის ე.წ გაშავების კამპანიას დაგეგმავს. გასული კვირის განმავლობაში ბიზნესების ნაწილისათვის, რომლების ხმამაღლა ამბობენ, რომ ქვეყანაში პოლიტიკური კრიზისია და იმისთვის რომ სოციალურ და ეკონომიკური კრიზისად არ გადაიქცეს აუცილებელია გამოსავლის მოძებნა და ამავე დროს გამოსავლად აქციების დროს დაკავებულთა გათავისუფლება და არჩევნების ჩატარება მიაჩნიათ ქართულმა ოცნებამ საპასუხო კამპანია დაგეგმა. ხელისუფლებისადმი ლოიალური მედიებისა და მაღალი პოლიტიკური თანამდებობის პირების სინქრონიზებულმა მოქმედებამ კონტექსტიდან ამოგლეჯილად და როგორც გაირკვა რამდენიმე შემთხვევაში არასწორადაც რუსეთთან სავაჭრო ურთიერთობის მქონე კომპანიების გაშავება სცადა- გზავნილი ერთი იყო რუსეთთან მოვაჭრე ბიზნესს როგორ შეიძლება ევროპა უნდოდეს ? ვინ რას და როგორ ვაჭრობს რუსეთთან ამაზე საჯარო და ლეგალურად მიღებული ინფორმაციიდანაც კარგად ჩანს თუმცა ამის შეფასებას ბიემჯი არ გეგმავს, არჩევანი ყველასთვის თავისუფალი უნდა იყოს ისივე როგორც კანონი ყველა შემთხვევაში უზენაესი განურჩევლად პოლიტიკური მოტივებისა. #ახალიამბები #BusinessMediaGeorgia
როგორ იღებენ სანქცირებული საჯარო მოხელეები ხელფასებს, მათ შორის შინაგან საქმეთა მინისტრი, რომელიც მაგნიტსკის აქტით არის სანქცირებული? – ერთის მხრივ ეროვნული ბანკი აცხადებს, რომ "საქართველოს საბანკო სისტემა მკაცრად იცავს საერთაშორისო სანქციებს", მეორე მხრივ კი თავად ვახტანგ გომელაური სამინისტროს მაღალჩინოსნების სანქცირების დროს აცხადებდა, რომ სანქციები ქვეყნის შიგნით არ მოქმედებს და ხარებას და სხვა სანქცირებულ პირებს ჩვეულებრივად ერიცხებათ ხელფასები ბანკებში. რა წესებით ხელმძღვანელობენ ასეთ დროს საფინანსო ინსტიტუტები და რა გზით შეიძლება იღებდეს 10-მდე საჯარო მოხელე ხელფასს, რომელიც სანქცირებულია? #ახალიამბები #BusinessMediaGeorgia
ქართული ოცნების დამფუძნებელი და პარტიის საპატიო თავმჯდომარე სანქცირებულია. რუსეთის ფედერაციის სასარგებლოდ საქართველოს დემოკრატიული და ევროატლანტიკური მომავლისთვის ძირის გამოთხრა - ამ მიზეზით, ბიძინა ივანიშვილი ოფაკის სიაში საქართველოს იმ 7 მოქალაქეს შეუერთდა, ვისზეც ამ დრომდე შეერთებული შტატების სანქციები ვრცელდებოდა. სპეციალისტები ამბობენ, რომ სანქციები ფართომასშტაბური არ არის, თუმცა ამ ფორმითაც კი, ქმნის რისკებს, რომ არაერთმა ბიზნესსუბიექტმა უარი თქვას ბიძინა ივანიშვილთან რაიმე სახის ურთიერთობის გაგრძელებაზე. ქართული ოცნების საპატიო თავმჯდომარის დასანქცირება კი, კიდევ უფრო ნაკლებად მიმზიდველს გახდის საქართველოს საინვესტიციოდ. რას ნიშნავს ბიძინა ივანიშვილის დასანქცირება და რა გავლენა აქვს და რა რისკებს უქმნის სანქციები საქართველოს ეკონომიკას? #ახალიამბები #BusinessMediaGeorgia
ქართული ოცნების დამფუძნებელი და პარტიის საპატიო თავმჯდომარე სანქცირებულია - რუსეთის ფედერაციის სასარგებლოდ საქართველოს დემოკრატიული და ევროატლანტიკური მომავლისთვის ძირის გამოთხრა - ამ მიზეზით ბიძინა ივანიშვილი ოფაკის სიაში საქართველოს იმ 7 მოქალაქეს შეუერთდა, ვისზეც ამ დრომდე შეერთებული შტატების სანქციები ვრცელდებოდა. ექსპერტები ამბობენ, რომ სანქციები ფართომასშტაბური არ არის, თუმცა ამ ფორმითაც კი, ქმნის რისკებს, რომ არაერთმა ბიზნესსუბიექტმა უარი თქვას ბიძინა ივანიშვილთან რაიმე სახის ურთიერთობის გაგრძელებაზე. ქართული ოცნების საპატიო თავმჯდომარის დასანქცირება კი კიდევ უფრო ნაკლებად მიმზიდველს გახდის საქართველოს საინვესტიციოდ. #ახალიამბები #BusinessMediaGeorgia
საქართველო მსოფლიოს ყურადღების ცენტრში. თბილისსა და რეგიონებში მიმდინარე პროცესებს მსხვილი უცხოური მედიები აშუქებენ. ყურადღების ცენტრში იყო ქართული ოცნების პრეზიდენტის ინაუგურაციაც. რას წერს უცხოური მედია ქვეყანაში მიმდინარე პროცესებზე? #ახალიამბები #BusinessMediaGeorgia
დასანქცირებული ბიძინა ივანიშვილი, შინაგან საქმეთა მინისტრი და მაღალჩინოსნები… უკიდურესად გაუარესებული ურთიერთობები დასავლეთთან, საპარლამენტო არჩევნები, რომლის ლეგიტიმაცია კითხვის ნიშნის ქვეშაა და ახალი პრეზიდენტი, რომელსაც ევროკავშირი და აშშ ამ ეტაპზე არ აღიარებს. 2025 წელს საქართველო რთული პოლიტიკური შლეიფით ხვდება. როგორ აისახება სანქციები ქვეყნის იმიჯზე? რა პერსპექტივა აქვს ურთიერთობების გადატვირთვას და რეალურად სად არის გამოსავალი? სტუმარი: ალექსანდრე მიშველაძე - საერთაშორისო ურთიერთობების სპეციალისტი; #ახალიამბები #BusinessMediaGeorgia
როგორ იღებენ სანქცირებული საჯარო მოხელეები ხელფასებს, მათ შორის, შინაგან საქმეთა მინისტრი, რომელიც მაგნიტსკის აქტით არის სანქცირებული? – ერთი მხრივ, ეროვნული ბანკი აცხადებს, რომ "საქართველოს საბანკო სისტემა მკაცრად იცავს საერთაშორისო სანქციებს", მეორე მხრივ კი თავად ვახტანგ გომელაური სამინისტროს მაღალჩინოსნების სანქცირების დროს აცხადებდა, რომ სანქციები ქვეყნის შიგნით არ მოქმედებს და ხარებას და სხვა სანქცირებულ პირებს ჩვეულებრივად ერიცხებათ ხელფასები ბანკებში. რა წესებით ხელმძღვანელობენ ასეთ დროს საფინანსო ინსტიტუტები და რა გზით შეიძლება იღებდეს ხელფასს 10-მდე საჯარო მოხელე, რომელიც სანქცირებულია? #ახალიამბები #BusinessMediaGeorgia
რომელი პროფესიის დიპლომი ფასობს ყველაზე მეტად? #ახალიამბები #BusinessMediaGeorgia
თავისუფალი ბიზნესის გაშავების მცდელობა - ასეთი შეფასება მიიღო კამპანიამ, რომელიც რამდენიმე დღეა ქართულმა ოცნებამ და პროსახელისუფლებო მედიამ წამოიწყო - საუბარია კონკრეტული საგადასახადო საიდუმლოების შემცველი ინფორმაციის გასაჯაროებაზე თუ როგორია იმ კონკრეტული კომპანიების ვაჭრობის მონაცემები რუსეთთან, რომლებმაც ქართული ოცნების გადაწყვეტილებები გააკრიტიკეს. საუბარია იმ 2400-ზე მეტ კომპანიაზე, რომლებიც ახალი არჩევნების დანიშვნასა და დაკავებულების გათავისუფლებს მოთხოვნას შეუერთდნენ. საიდან და რა გზებით მოიპოვა ქართულმა ოცნების აღმასრულებელმა მდივანმა საგადასახადო საიდუმლოების შემცველი ინფორმაცია, რომელიც შემდეგ რომელიც მედიას მიაწოდა - ეს კითხვა BMG-ის ყველა შესაძლო უწყებას დაუსვა. რა სახის ინფორმაციაზეა საუბარი, ვის მიუწვდება ხელი ამ სტატისტიკაზე და რამდენად ხელშესახები შეიძლება იყოს ეს ინფორმაცია რუსეთთან ვაჭრობის სრულ მოცულობაში? #ახალიამბები #BusinessMediaGeorgia
„საზოგადოებრივ სამუშაოებზე დასაქმების ხელშეწყობის” სახელმწიფო პროგრამის ბიუჯეტი იზრდება. კერძოდ, მთავრობის შესაბამის დადგენილებაში ცვლილებების თანახმად, მიმდინარე წელს სოციალურად დაუცველი მოსახლეობის დასაქმებისთვის ბიუჯეტიდან დამატებით 1,5 მილიონი ლარი გამოიყოფა. ჯამში წელს სოციალურად დაუცველი მოქალაქეების დასაქმება საზოგადოებრივ სამუშაოებზე ბიუჯეტს რეკორდული 104,3 მილიონი ლარი დაუჯდება. 3 წლის განმავლობაში რამდენმა მოქალაქემ ისარგებლა პროგრამით და რა რეალური მიზანი აქვს მას. #ახალიამბები #BusinessMediaGeorgia
ტურიზმის ბიზნესის 221 ორგანიზაცია აცხადებს, რომ 1-დან 14 დეკემბრის ჩათვლით, მათი ზარალი 5 მილიონი ლარი იყო. მიზეზი ქვეყანაში მიმდინარე პროცესებია. გამოწვევები აქვთ გიდებს, კვების ობიექტებს, სასტუმროებს, ტურისტულ კომპანიებსა და ყველას, ვინც ამ დარგში ოპერირებს. კერძო სექტორის ნაწილში აცხადებენ, რომ 28 ნოემბრის შემდეგ ჯავშნები გაუუქმდათ. სასტუმროების ნაწილში საახალწლოდ ნომრები დაჯავშნილია, თუმცა ქართველების ხარჯზე. ბიზნესი არ გამორიცხავს, რომ იანვრის შემდეგ, კიდევ უფრო რთულ მდგომარეობაში აღმოჩნდნენ. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები ( www.bm.ge ) / 27.12.2024
„საზოგადოებრივ სამუშაოებზე დასაქმების ხელშეწყობის” სახელმწიფო პროგრამის ბიუჯეტი იზრდება. კერძოდ, ცვლილებების თანახმად, მიმდინარე წელს სოციალურად დაუცველი მოსახლეობის დასაქმებისთვის ბიუჯეტიდან დამატებით 1,5 მილიონი ლარი გამოიყოფა. ჯამში წელს სოციალურად დაუცველი მოქალაქეების დასაქმება საზოგადოებრივ სამუშაოებზე ბიუჯეტს რეკორდული 104,3 მილიონი ლარი დაუჯდება. #ახალიამბები #BusinessMediaGeorgia
“საერთაშორისო გამჭვირვალობა-საქართველოს" თანახმად, დასავლურმა სამყარომ „ქართული ოცნების“ უკვე 150-ზე მეტი წარმომადგენელი დაასანქცირა. ორგანიზაციის თანახმად, მათგან 45-ის ვინაობა გასაჯაროვდა, ხოლო დანარჩენებზე ანონიმური სავიზო შეზღუდვებია დაწესებული. აღსანიშნავია, რომ გასულ კვირას აშშ-მ შინაგან საქმეთა მინისტრს, ვახტანგს გომელაურს ფინანსური სანქციები დაუწესა. ის მაგნიტსკის სიაშია შეყვანილი. მაგნიტსკის სიაში მოხვდა ასევე განსაკუთრებულ დავალებათა დეპარტამენტის დირექტორის მოადგილე, მირზა კეზევაძეც. აშშ-სთან კოორდინაციით, ვახტანგ გომელაურს და შსს-ს კიდევ ოთხ მაღალჩინოსანს სანქციები დაუწესა დიდმა ბრიტანეთმაც. როგორ აისახება დასავლეთთან გაუარესებული ურთიერთობები საქართველოს ეკონომიკაზე და რას უნდა ელოდეს ქართული ოცნება ტრამპის ადმინისტრაციისგან? სტუმარი: გიორგი ქობულია - ეკონომიკის ყოფილი მინისტრი; #ახალიამბები #BusinessMediaGeorgia
რა გვიჯდება 112-ის შენახვა? - bmg-ის მიერ საზოგადოებრივი მართვის ცენტრ 112-დან გამოთხოვილი ინფორმაციიდან ირკვევა, რომ მობილური და ფიქსირებული აბონენტების ბალანსიდან ყოველთვიურად ჩამოჭრილი 40 თეთრიდან, 112-ში გასული წლის მდგომარეობით 15 მილიონ ლარზე მეტი შემოსავალი შევიდა. 112 -ის მომსახურების საფასური ფიზიკურ და იურიდიულ პირებს მობილური და ფიქსირებული სატელეფონო კავშირიდან 2012 წლიდან ეჭრებათ. აღსანიშნია ისიც, რომ მობილური ოპერატორების ნაწილმა ბოლო რამდენიმე თვეა დაიწყო მომხმარებლების გაფრთხილება, რომ მათ, ვინც მომსახურების სხვადასხვა პაკეტით სარგებლობს და 112-ის დავალიანება გააჩნია, დროულად მოახდინონ მისი გადახდა. რა შემოსავლებს იღებს 112 მოქალაქეების მიერ გადახდილი საფასურიდან და რამდენად სამართლიანია მოქმედი გადასახადი, რომელიც წლების წინ სასამართლომ არაკონსტიტუციურად სცნო. #ახალიამბები #BusinessMediaGeorgia
ახალი რეგულაცია სადისტრიბუციო ბიზნესისთვის 1-ელი იანვრიდან ამოქმედდება. შეზღუდვა 8 საათიდან 11 საათამდე და 17:00 საათიდან 20:00 საათამდე იმოქმედებს. ბიზნესისთვის ახალი წესი გამოწვევაა, მერიაში კი ამბობენ, რომ რეგულაციაზე მოსარგებლად დისტრიბუტორებს საკმარისი ვადა ჰქონდათ მიცემული. ბიზნესი წარმომადგენლები ამბობენ, რომ თბილისის მერია 1 წლის განმავლობაში მათ შეზღუდვების სხვა სცენარზე ესაუბრებოდა, რამდენიმე დღის წინ კი გადაწყვეტილება შეცვალა, რისთვისაც კომპანიები მზად არ არიან. #ახალიამბები #BusinessMediaGeorgia
რეპრესიების დასაწყისი საჯარო სექტორში. კახა კალაძემ სამსახურიდან გაათავისუფლა გიგა სოფრომაძე, რომელიც "ოცნების" პოლიტიკას აკრიტიკებს. სოფრომაძეს, რომელიც მერიის თანამშრომელი იანვრიდან აღარ იქნება, მიაჩნია, რომ ის საჯარო პროტესტების გამო დასაჯეს. საჯარო მოხელეები ელიან, რომ ახალი წლიდან მათზე ზეწოლა კიდევ უფრო გაიზრდება. მითუმეტეს, ოცნებამ უკვე მიიღო კანონი, რომლის მიზანი რეორგანიზაციის პროცესის გამარტივებაა ისე, რომ გათავისუფლებულმა საჯარო მოხელემ საჯარო სამსახურის სისტემაში შემობრუნება ვეღარ შეძლოს. #ახალიამბები #BusinessMediaGeorgia
ბიზნესმა კადრების მოძიების პროცესი შეამცირა. ნოემბერში ოქტომბერთან შედარებით jobs.ge-ზე გამოქვეყნებული ვაკანსიების რაოდენობა თითქმის 21%-ით 6,218-მდე შემცირდა. ამასთან, ივნის-ნოემბერში გამოქვეყნებული ვაკანსიების საშუალო წლიური ზრდა შენელდა. იმას, რომ ქვეყანაში არსებული გაურკვევლობის ფონზე, ახალი კადრების აყვანის პროცესი შეფერხებულია, ადასტურებენ ბიზნესსექტორშიც და ამბობენ, რომ არსებული არასტაბილური ვითარება დასაქმების ოფიციალურ სტატისტიკურ მონაცემებში მომდევნო თვეებში აისახება. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები ( www.bm.ge ) / 26.12.2024 ტურიზმის ინდუსტრიის ალიანსის 221 წევრმა კომპანიამ დეკემბრის I ნახევარში ₾5 მლნ იზარალა; დატვირთულობით 20%-საც ვერ ვცდებით, ჯავშნები ყოველდღე უქმდება - Wyndham Grand Tbilisi; ზამთრის სეზონს ვხდებით 0 ჯგუფური ჯავშნით - სასტუმრო "ფალიანის" მეპატრონე; "საწყობები გავსებული გვაქვს" - "აგარის შაქრის" განცხადებით, 2024 წელი არასახარბიელო იყო; ქვეყანაში არსებული მდგომარეობის გათვალისწინებით, სადღაც 20%-იან კლებასთან გვაქვს საქმე - "ბიბლუსი ჯგუფი"; "საერთაშორისო IT კომპანიების ინტერესი საქართველოსადმი სრულად განელებულია" - ასოციაცია; #ახალიამბები #BusinessMediaGeorgia
ბიზნესმა კადრების მოძიების პროცესი შეამცირა. ჯობს.ჯი-ს მონაცემებით, ნოემბერში ოქტომბერთან შედარებით jobs.ge-ზე გამოქვეყნებული ვაკანსიების რაოდენობა თითქმის 21%-ით 6,218-მდე შემცირდა. ამასთან, ივნის-ნოემბერში გამოქვეყნებული ვაკანსიების საშუალო წლიური ზრდა შენელდა. ის რომ ქვეყანაში არსებული გაურკვევლობის ფონზე, ახალი კადრების აყვანის პროცესი შეფერხებულია, ადასტურებენ ბიზნესსექტორშიც და ამბობენ, რომ არსებული ვითარება დასაქმების ოფიციალურ სტატისტიკურ მონაცემებში მომდევნო თვეებში აისახება. #ახალიამბები #BusinessMediaGeorgia
საქართველოს თავზე სანქციების ღრუბელი გროვდება... „ქართული ოცნების“ ანტიდასავლური რიტორიკის, რუსული სტილის კანონების მიღების, მშვიდობიანი აქციების ძალადობრივად დაშლის და საკამათო შედეგის მქონე არჩევნების ფონზე დასავლელმა პარტნიორებმა საქართველოსთან ურთიერთობების გადახედვა დაიწყეს, შეჩერდა ფინანსური დახმარებების ნაწილი, პროექტები და სავიზო და ფინანსური სანქციები დაუწესდა „ქართულ ოცნების“ წევრებს თუ აფილირებულ პირებს. გასულ კვირას აშშ-მ კობახიძის გუნდის წევრი და „ოცნების“ ერთ-ერთი დასაყრდენი - შინაგან საქმეთა მინისტრი და მაგნიტსკის სიაში შეიყვანა. მაგნიტსკის სიაში მოხვდა განსაკუთრებულ დავალებათა დეპარტამენტის დირექტორის მოადგილე, მირზა კეზევაძეც, აშშ-სან კოორდინაციით ვახტანგ გომელაურსა და შსს-ს კიდევ ოთხ მაღალჩინოსანს სანქციები დაუწესა დიდმა ბრიტანეთმაც.... ქვეყანა, რომელმაც საერთაშორისო აღიარება დასავლეთისკენ სვლის გაცხადებული კურსით და სწრაფი რეფორმებით მოიპოვა, ახლა დასავლეთისგან იზოლაციისკენ დგამს ნაბიჯებს და ეს თვალსაჩინო რუსეთ-უკრაინის ომის პროცესში გამოჩნდა... ამ ომმა და რუსეთისთვის მასშტაბურმა სანქციებმა გაზარდა საფრთხე, რომ საქართველო შესაძლოა ამ სანქციებისგან თავის არიდების ერთ-ერთ „ჩრდილოვან “ არხად გამოიყენება... რა როლს ასრულებენ მესამე ქვეყნები რუსეთის წინააღმდეგ დაწესებული დასავლეთის სანქციებისთვის გვერდის ავლაში, რას გვაჩვენებს სავაჭრო კავშირების ანალიზი.. და რა არის ამ პროცესში მიღებული მოკლევადიანი ეკონომიკურ სარგებლის საპირწონე - ნაშრომი საერთაშორისო სავაჭრო მონაცემებზე დაყრდნობითა და ეკონომეტრიკული ინსტრუმენტის გამოყენებით კავკასიის კვლევითი ცენტრის მკვლევრების მიერ მომზადდა და ის სკოპუსის ჟურნალში დაიბეჭდა. სტუმრები: ერეკლე პირველი – კავკასიის ბიზნესის სკოლის პროფესორი და კვლევითი ცენტრის ხელმძღვანელი; ვახტანგ ფარცვანია – კავკასიის ბიზნესის სკოლის პროფესორი და კვლევითი ცენტრის მკვლევარი; #ახალიამბები #BusinessMediaGeorgia
ახალი რეგულაცია სადისტრიბუციო ბიზნესისთვის - 1-ელი იანვრიდან სადისტრიბუციო ავტომობილებს თბილისში, პიკის საათებში გადაადგილება შეეზღუდებათ. შეზღუდვა 8 საათიდან 11 საათამდე და 17:00 საათიდან 20:00 საათამდე იმოქმედებს, მერიაში ამბობენ, რომ რეგულაციაზე მოსარგებლად დისტრიბუტორებს საკმარისი ვადა ჰქონდათ მიცემული. გადაწყვეტილება გამოწვევაა ბიზნესისთვის. ბიზნესი წარმომადგენლები ამბობენ, რომ თბილისის მერია 1 წლის განმავლობაში მათ შეზღუდვების სხვა სცენარზე ესაუბრებოდა, რამდენიმე დღის წინ კი გადაწყვეტილება შეცვალა, რისთვისაც კომპანიები მზად არ არიან. მათი თქმით, შეზღუდვები პროდუქციას გააძვირებს. #ახალიამბები #BusinessMediaGeorgia
ელექტრონული კომერციის ჩინურმა პლატფორმამ, Temu-მ ახალი რეკორდი დაამყარა და ის 2024 წლის ყველაზე პოპულარული აპლიკაცია გახდა. როგორც ირკვევა, Apple Store-ისა და Google Play Store-ის მომხმარებლებმა წელს ყველაზე მეტჯერ სწორედ ჩინური აპლიკაცია გადმოწერეს. როგორც ცნობილია, Temu-ს 200 მილიონი აქტიური მომხმარებელი ჰყავს, რომლებიც თვეში მინიმუმ ერთ ტრანზაქციას ახორციელებენ, რაც 2022 წელს დაფუძნებული პლატფორმისათვის განსაკუთრებული შედეგია. ჩინურ პლატფორმას აქტიური მომხმარებლები ჰყავს საქართველოშიც. როგორია ჩინეთიდან ამანათების გამოწერების მაჩვენებლები და რა ტენდენციებია დღეს კურიერული და საფოსტო მომსახურების ქართულ ბაზარზე. #ახალიამბები #BusinessMediaGeorgia
აჭარაში ნარინჯისფერი რთველი სრულდება- დღეის მდგომარეობით საქართველოდან 15.9 მლნ აშშ დოლარის 28 ათას ტონამდე მანდარინია ექსპორტირებული - ინფორმაციას სოფლის მეურნეობის სამინისტრო ავრცელებს. მათივე ცნობით, გადამუშავებულია 5 400 ტონა არასტანდარტული ნაყოფი, რისთვისაც 1.9 მლნ ლარის სუბსიდია გაიცა. როგორ დასრულდა აჭარაში ნარინჯისფერი რთველი, რა ოდენობის მოსავალი მიიღეს ფერმერებმა, რა ძირითადი გამოწვევები იყო პროცესში და რა ოდენობის ციტრუსი გავიდა ექსპორტზე? #ახალიამბები #BusinessMediaGeorgia
ქვეყანაში შექმნილი არასტაბილურობა კომერციული ქონების ბაზარზეც აისახა. როგორც უძრავი ქონების სააგენტოებში აცხადებენ, საოფისე ფართებზე მოთხოვნა მკვეთრადაა შემცირებული როგორც იჯარაზე, ასევე ყიდვაზე. მათი თქმით, არსებულ გაურკვევლობაში ბიზნესი გაფართოებისგან თავს იკავებს, ასევე არაერთი გარიგება ჩაიშალა. ამასთან, უძრავი ქონების სააგენტოების ინფორმაციით, დასავლეთთან გაუარესებული ურთიერთობების ფონზე, მსხვილი საერთაშორისო კომპანიები უკვე განიხილავენ საქართველოს დატოვებას, რაც კომერციული უძრავი ქონების ბაზართან ერთად, ნეგატიურად აისახება მთლიანად ეკონომიკაზეც. #ახალიამბები #BusinessMediaGeorgia
ქვეყანაში მიმდინარე პროცესების გავლენა საფოსტო-საკურიერო მომსახურების კომპანიებზე. კერძო სექტორში აცხადებენ, რომ წინასაახალწლო მოლოდინები ვერ გამართლდა. როგორც კომპანიებში აღნიშნავენ, შეკვეთების რაოდენობა შემცირდა და არ გამორიცხავენ, რომ ბიზნესი იანვრიდან კრიზისში აღმოჩნდეს. თუ ქვეყანაში მიმდინარე პროცესების დეესკალაცია არ მოხდა, კომპანიების ნაწილი ბაზრიდან გასვლასაც არ გამორიცხავს. #ახალიამბები #BusinessMediaGeorgia
ქვეყანაში შექმნილი არასტაბილურობა კომერციულ უძრავ ქონებაზეც აისახა. როგორც უძრავი ქონების სააგენტოებში აცხადებენ, საოფისე ფართებზე მოთხოვნა მკვეთრადაა შემცირებული როგორც იჯარაზე, ასევე ყიდვაზე. მათი თქმით, ბიზნესი გაფართოებისგან თავს იკავებს, ასევე არაერთი გარიგება ჩაიშალა. როგორ აისახება შექმნილი არასტაბილურობა კომერციულ უძრავ ქონებაზე? #ახალიამბები #BusinessMediaGeorgia
თბილისის მომავალი წლის ბიუჯეტი რეკორდული 2 მილიარდ 455 მლნ ლარი იქნება. მუნიციპალიტეტის მთავარი ფინანსური დოკუმენტი საკრებულომ გუშინ დაამტკიცა. ყველაზე მეტი თანხა ინფრასტრუქტურის მიმართულებით დაიხარჯება, რისთვისაც მერიამ 707 მლნ ლარი გაითვალისწინა. ამ თანხიდან გზებზე 155 მლნ ლარი; სატრანსპორტო ინფრასტრუქტურის მოწესრიგებაზე, მათ შორის ავტობუსების შეძენაზე კი 183 მლნ ლარი დაიხარჯება. ჯანდაცვისა და სოციალური მიმართულების პროგრამებისა და პროექტების ჯამური ბიუჯეტი კი 533 მლნ ლარით განისაზღვრა. რამდენად სწორად გადანაწილდა საბიუჯეტო რესურსები? სტუმარი: მიხეილ კაკაურიძე - თბილისის საკრებულოს წევრი; #ახალიამბები #BusinessMediaGeorgia
საქართველოში ნარინჯისფერი რთველი დასკვნით ეტაპზეა. სოფლის მეურნეობის სამინისტროს ინფორმაციით, დღეის მდგომარეობით, საქართველოდან 28 ათას ტონამდე მანდარინია ექსპორტირებული, მთავარი გასაღების ბაზარი კი კვლავ რუსეთია. როგორია წელს ციტრუსის მოსავალი და რეალიზაციის მაჩვენებლები. #ახალიამბები #BusinessMediaGeorgia
თბილისის საკრებულომ 2025 წლის ბიუჯეტი დაამტკიცა. დედაქალაქის მთავარი ფინანსური დოკუმენტი ოპოზიციის გარეშე განიხილეს. არცერთი კრიტიკული კითხვა და მადლობებით სავსე კომენტარები. ოცნების წევრებს ბიუჯეტის დასამტკიცებლად საათზე ოდნავ მეტი დასჭირდათ. თბილისის მერიამ მომავალი წლის ბიუჯეტი 2 მილიარდ 455 მილიონ ლარად განსაზღვრა. ყველაზე მეტი თანხა ინფრასტრუქტურულ პროექტებს, ჯანდაცვასა და სოციალურ ხარჯებს მოხმარდება. #ახალიამბები #BusinessMediaGeorgia
ეკონომიკის მინისტრი აღიარებს, რომ ქვეყანაში შექმნილმა არასტაბილურობამ ბიზნესის ნაწილი, მათ შორის განსაკუთრებით ტურიზმის სექტორი დააზარალა. ამასთან, ლევან დავითაშვილი ამბობს, რომ მიმდინარე მოვლენების ფონზე დაზარალებულ სხვადასხვა ბიზნეს-ჯგუფებს ხვდებიან და მსჯელობენ, როგორ დაეხმარონ ამ სექტორებს. თავად ტურიზმის დარგის წარმომადგენლების ნაწილი კი ამბობს, რომ ჯერჯერობით სამინისტროდან მათთან კომუნიკაცია არ ყოფილა. შესაბამისად, ისინი მინისტრთან შეხვედრას ითხოვენ. ამასობაში კი ქვეყანაში შექმნილი არასტაბილური ვითარების ფონზე, ჯავშნების გაუქმება გრძელდება. #ახალიამბები #BusinessMediaGeorgia
შეჩერებული საინვესტიციო პროექტები და დონორული დაფინანსება - საქართველოში განვითარებული მოვლენების ფონზე ინვესტორები ახალი პროექტების დაწყებისგან თავს იკავებენ, შექმნილი გაურკვევლობის ფონზე მაგალითად ენერგეტიკის სექტორში ინვესტორების ნაწილი უკვე ფიქრობს საქართველოდან კაპიტალის გატანას. კერძო საინვესტიციო პროექტებთან ერთად დაპაუზებულია ქვეყნისთვის მნიშვნელოვანი პროექტები და რეფორმები, რომელიც დონორების დაფინანსებით უნდა განხორციელებულიყო. რა გავლენა აქვს ქართული ოცნების მიერ ევროინტეგრაციის პროცესის შეჩერების შესახებ განაცხადს და პროტესტს, რომელიც 27-ე დღეა ოცნების მიერ ქვეყნის კურსის ცვლილებას უპირისპირდება. #ახალიამბები #BusinessMediaGeorgia