ყველა დასაქმებულის ხელფასის ნაწილი საპენსიო ფონდში მიემართება, შედეგად, საქართველოს მოქალაქეების საპენსიო დანაზოგი უკვე 7.5 მილიარდს აჭარბებს, ფონდის სრული ზომიდან თითქმის 2 მილიარდი კი უკვე საინვესტიციო დაბანდებებიდან მიღებული ამონაგებია. ფონდის პორტფელებისთვის საკმაოდ კარგი თვე აღმოჩნდა აგვისტო, რაც საერთაშორისო ბაზრებზე აქციების ფასების ზრდამ განაპირობა. გასულ თვეში დადებითი დინამიკა კომპანიების ძლიერ კვარტალურ შედეგებს, გაუმჯობესებულ ეკონომიკურ გარემოსა და ფედერალური რეზერვის მიერ შერბილებული პოლიტიკის მოლოდინებს უკავშირდებოდა. აგვისტოში, ყველაზე მაღალი, თითქმის 2%-იანი ზრდა ზრდა დინამიკურმა პორტფელმა აჩვენა, ხოლო დაბალანსებული და კონსერვატიული პორტფელები შესაბამისად 1.5 % და 1.2 %-ით გაიზარდნენ. წლის დასაწყისიდან დღემდე შემოსავლიანობა სამივე პორტფელისთვის საკმაოდ მაღალია: კონსერვატიული პორტფელის ამონაგები 7.3%-მდეა, დაბანდებულის 8%-ზე მეტი, დინამიკურის კი 9.2%.

რა აქტივობები დგას ამ რიცხვების უკან, როგორ ოპერირებს საპენსიო ფონდი ჯერ კიდევ შეზღუდული საინვესტიციო ჩარჩოს პირობებში და როგორ აპირებს ფონდის გუნდი 1 მილიონ 600 ათასზე მეტი ადამიანის დანაზოგების უფრო მომგებიანად მართვას?

სტუმარი: ანა ნაჭყებია - საპენსიო ფონდის მთავარი საინვესტიციო ოფიცრის მოვალეობის შემსრულებელი


#ახალიამბები #BusinessMediaGeorgia