როგორი იქნება ეკონომიკის ახალი მინისტრის ხედვა ენერგეტიკის სექტორში. როგროც მარიამ ქვრივიშვილმა სექტორის ნაწილს განუცხადა გაცემული მემორანდუმების გადახედვას და სექტორში რეალური სურათის გამოკვეთამდე ახალ აუქციონებზე მორატორიუმს გეგმავს. ამ შეხვედრაზე ასევე ითქვა, რომ გაცემულია 11 ათას მეგავატის სიმძლავრის ახალი მემორანდუმები, მაშინ როდესაც დღეისათვის საქართველოს მთელი ენერგოსისტემა 5000 მგვტ-ზე ნაკლებია. აღსანიშნავია, რომ CFD-ის შემოღებამ ინვესტორების ინტერესი განსაკუთრებით ქარის და მზის სადგურების მიმართ გაზარდა, თუმცა ქსელს მათი მიღება ამ ეტაპზე შეზღუდული აქვს. საინვესტიციო ბანკ გალტ ენდ თაგარტის ივნისის კვლევა აჩვენებდა, რომ იმ პერიოდისთვის დასამტკიცებლად შეტანილი იყო 3.1 გეგავატის ქარის და 5.1 გეგავატი მზის პროექტები, მაშინ როდესაც ელექტროსისტემას ჯერ მხოლოდ 1.2 გეგავატის მიერთების შესაძლებლობა აქვს. რეალურია თუ ქაღალდზე დაჩენილი ქარისა და მზის პროექტები, შეფერხებული წყალსაცავიანი ჰესების ფონზე არის თუ არა საჭირო ამ მოცულობის მზის ელექტროსადგურები, როგორ უნდა გაცხრილოს სამინისტრომ ინვესტორები და როგორია მოთხოვნა და პოტენციალი დღეს მზის ენერგიის ათვისებაზე?