საერთაშორისო საკრედიტო სარეიტინგო სააგენტო Moody’s-მა საქართველოს სუვერენული რეიტინგი უცვლელად დატოვა, თუმცა მისი პერსპექტივა "სტაბილურიდან" "ნეგატიურამდე" შეამცირა. აღნიშნული ცვლილება მნიშვნელოვნად უკავშირდება ქვეყნის პოლიტიკურ და გეოპოლიტიკურ გამოწვევებს, რაც საქართველოს მომავალ ეკონომიკურ და ფინანსურ მდგრადობაზე უარყოფითად შეიძლება აისახოს. Moody’s-ი მიუთითებს, რომ ქვეყნის ინსტიტუტების, მათ შორის ცენტრალური ბანკის დამოუკიდებლობის შესახებ აქვთ კითხვები ისეთ საფინანსო ორგანიზაციებს როგორიცაა IMF-ი. რა არგუმენტებით გააუარესა საკრედიტო სააგენტომ საქართველოს ეკონომიკის პერსპექტივა და როგორია შეფასებები? #ახალიამბები #BusinessMediaGeorgia
აგროსექტორისთვის ბანკებთან ურთიერთობა გამოწვევაა - ამის შესახებ ბიემჯისთან თხილის მწარმოებელთა ასოციაციის აღმასრულებელი საბჭოს თავჯდომარემ მერაბ ჭითანავამ განაცხადა. მისი თქმით, დაკრედიტების კუთხით არსებული სირთულეები გადამამუშავებელიო ქარხნების მუშაობას აფერხებს და დარგს განვითარებაში ხელს უშლის. აგროდაკრედიტების მიმართულებით არსებულ სირთულეებზე საუბრობენ სხვადასხვა დარგებში მომუშავე ფერმერებიც, როგორია სოფლის მეურნეობის დაკრედიტების ტემპი ქვეყანაში, რა რისკებს ხედავენ ბანკები პროცესში და რა გამოწვევებზე საუბრობენ ბიზნესის წარმომადგენლები? #ახალიამბები #BusinessMediaGeorgia
შრომის ბაზარზე მნიშვნელოვანი ცვლილებებია. სამუშაოს მაძიებელთა რაოდენობა იზრდება, მათ შორის, სამსახურის მაძიებელთა რიგებში გადაინაცვლა მაღალკვალიფიციური კადრების ნაწილმაც. საკონსულტაციო და დასაქმების კომპანიებში ამბობენ, რომ ეს ვითარება რამდენიმე ფაქტორითაა გამოწვეული. ერთი მხრივ, არასამთავრობო და დონორი ორგანიზაციების მიერ დაფინანსებული პროგრამების შემცირებით, მეორე მხრივ კი საჯარო უწყებებიდან რეორგანიზაციის მოტივით უკვე ასობით თანამშრომელი გაუშვეს. რა ტენდენციებია შრომის ბაზარზე და რა გავლენა შეიძლება ჰქონდეს ბოლოდროინდელ მოვლენებს დასაქმების ბაზარზე. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 24.03.2025 რამდენი მილიონის შემოსავალი აქვს კომპანია “მეამას” ? 2024 წელს, 56 მილიონის ინვესტიცია განვახორციელეთ - „თბილისი ენერჯი" გასულ წელს აფასებს; ტექსტილის საწარმოები დაიხურა, ბევრმა თანამშრომლები 300-დან 70-მდე შეამცირა ასოციაცია; "არასტაბილურობა დასაქმებულებს აძლევს მოტივაციას, დატოვონ ქვეყანა" - სამკერვალო საწარმო კადრების გადინებაზე; 2025 წელს, Hippie რუსთავში მაღაზიის გახსნას გეგმავს; #ახალიამბები #BusinessMediaGeorgia
აგროსექტორისთვის ბანკებთან ურთიერთობა გამოწვევაა - ამის შესახებ ბიემჯისთან თხილის მწარმოებელთა ასოციაციის აღმასრულებელი საბჭოს თავჯდომარემ მერაბ ჭითანავამ განაცხადა. მისი თქმით, დაკრედიტების კუთხით არსებული სირთულეები გადამამუშავებელიო ქარხნების მუშაობას აფერხებს და დარგს განვითარებაში ხელს უშლის. აგროდაკრედიტების მიმართულებით არსებულ სირთულეებზე საუბრობენ სხვადასხვა დარგში მომუშავე ფერმერებიც, როგორია სოფლის მეურნეობის დაკრედიტების ტემპი ქვეყანაში, რა რისკებს ხედავენ ბანკები პროცესში და რა გამოწვევებზე საუბრობენ ბიზნესის წარმომადგენლები? #ახალიამბები #BusinessMediaGeorgia
შრომის ბაზარზე მნიშვნელოვანი ცვლილებებია. სამუშაოს მაძიებელთა რაოდენობა იზრდება, მათ შორის, სამსახურის მაძიებელთა რიგებში გადაინაცვლა მაღალკვალიფიციური კადრების ნაწილმაც. ეს კი იმითაა გამოწვეული, რომ არასამთავრობო და დონორი ორგანიზაციების მიერ დაფინანსებულ ინსტიტუტებში სამუშაო ადგილების რაოდენობის შემცირების ფონზე, არაერთი პროფესიონალი კადრი სამსახურის გარეშე დარჩა. ამას ემატება ისიც, რომ საჯარო უწყებებიდან ასობით თანამშრომელი გაათავისუფლეს ან არ გაუგრძელეს ხელშეკრულება. როგორც საკონსულტაციო და დასაქმების კომპანიებში ამბობენ, იანვრიდან შეიმჩნევა ტენდენცია, რომ სამუშაოს მაძიებელთა რაოდენობა მზარდია. რა ტენდენციებია შრომის ბაზარზე და რა გავლენა შეიძლება ჰქონდეს ბოლოდროინდელ მოვლენებს დასაქმების ბაზარზე? #ახალიამბები #BusinessMediaGeorgia
მეტალურგთა, სამთო და ქიმიური მრეწველობის პროფკავშირებში განუცხადეს, მოთხოვნებს შორის არის ხელფასის 500 ლარით მატება, ასევე პირობების გაუმჯობესება, მათ შორის შრომის უსაფრთხოების ნორმების გამოსწორება, სასადილოს ჰიგიენური ნორმების გამოსწორება და კვების რაციონის შეცვლაა. გაფიცულები კოლექტიური შრომითი ხელშეკრულების გაფორმებას ზეგანაკვეთური სამუშაოს შესრულების დროს 50%-ით გაზრდილი ტარიფით ანაზღაურებასაც ითხოვენ. რა ვითარებაა მძიმე მრეწველობის სექტორში და რა პასუხი აქვთ დასაქმებულთა მოთხოვნაზე კომპანიის მენეჯმენტს, რატომ ვერ ხდება შეთანხმებები დასაქმებულებსა და დამსაქმებლებს შორის გაფიცვის გარეშე? სტუმარი: თემურ სურამელაშვილი - მეტალურგიული, სამთო და ქიმიური მრეწველობის მუშაკთა პროფესიული კავშირის თავმჯდომარე; #ახალიამბები #BusinessMediaGeorgia
„ივანიშვილის არალეგიტიმური პარლამენტის თითოეული აქტი, რომელიც ხალხის თავისუფლებას ზღუდავს, ანტიქართული და ანტიკონსტიტუციურია”. 102 არასამთავრობო და მედია ორგანიზაცია ერთობლივ მიმართვას ავრცელებს, სადაც ე.წ ფარას კანონპროექტზე საუბრობს, რომელიც ორგანიზაციების შეფასებით, საქართველოს წინააღმდეგ არის მიმართული. რით განსხვავდება ამერიკული ფარა ქართული თარგმანისგან და რა საფრთხეებს უქმნის “ქართული ოცნების” ინიციირებული ცვლილებები თავისუფალ საზოგადოებას? #ახალიამბები #BusinessMediaGeorgia
მგზავრთნაკადის მატების ფონზე ტავ ჯორჯია განაგრძობს ინვესტირებას თბილისის საერთაშორისო აეროპორტის ინფრასტრუქტურაში. ბოლო 1 წლის განმავლობაში თბილისისა და ბათუმის აეროპორტების მმართველმა კომპანიამ თბილისის ტერმინალებისა და აეროპორტის მიმდებარე ტერიტორიის ინფრასტრუქტურის განვითარებაში 5 მილიონი ლარის ოდენობის ინვესტიცია ჩადო. #ახალიამბები #BusinessMediaGeorgia
ევროკავშირ-საქართველოს ბიზნეს საბჭოს ორგანიზებით, წევრი ბანკების და მცირე და საშუალო ბიზნესის წარმომადგენლებს შორის შეხვედრა შედგა. მთავარი განსახილველი თემა ქვეყანაში შექმნილი პოლიტიკური კრიზისის ფონზე საბანკო სექტორსა და კომპანიებს შორის სამომავლო თანამშრომლობის პერსპექტივები იყო. დღევანდელ შეხვედრაზე საფინანსო სექტორის წარმომადგენლებმა დაადასტურეს, რომ მსხვილმა ბანკებმა ფაქტობრივად გააჩერეს სამშენებლო-დეველოპერულ სექტორში ახალი პროექტების დაფინანსება. #ახალიამბები #BusinessMediaGeorgia
საქართველოდან ტექსტილის ნაწარმის ექსპორტი მცირდება-სამკერვალო ბიზნესში ჩართული სუბიექტები ჰყვებიან, რომ ადგილობრივ ბაზარზე მომუშავე რამდენიმე კომპანია დაიხურა, ხოლო დიდმა ნაწილმა თანამშრომლების რაოდენობა მნიშვნელოვნად შეამცირა. მიზეზად გაზრდილი ხარჯები და არასტაბილური პოლიტიკური ვითარება სახელდება. #ახალიამბები #BusinessMediaGeorgia
საქართველოდან ტექსტილის ნაწარმის ექსპორტი მცირდება - სამკერვალო ბიზნესში ჩართული სუბიექტები ჰყვებიან, რომ ადგილობრივ ბაზარზე მომუშავე რამდენიმე კომპანია დაიხურა, ხოლო დიდმა ნაწილმა თანამშრომლების რაოდენობა მნიშვნელოვნად შეამცირა. მიზეზად გაზრდილი ხარჯები და არასტაბილური პოლიტიკური ვითარება სახელდება. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 21.03.2025
კომერციული ბანკები ადასტურებენ, რომ სამშენებლო სექტორის დაკრედიტებას ფრთხილად ეკიდებიან, სამასპინძლო სექტორი კი უარესი სცენარისთვის მზადებასა და საგადასახადო შეღავათების საჭიროებაზე საუბრობს - ეს განცხადებები ბიზნესსა და საბანკო სექტორს შორის შეხვედრის შემდეგ გაკეთდა. შეხვედრა ევროკავშირ საქართველოს ბიზნეს საბჭოს ორგანიზებით გაიმართა. რაზე ისაუბრეს ბანკებისა და ბიზნესის წარმომადგენლებმა? #ახალიამბები #BusinessMediaGeorgia
საქართველოდან 2025 წლის იანვარ თებერვალში 45%-ით მეტი ღირებულების თხილი და კაკალი გავიდა ექსპორტზე, ჯამში 18.6 მილიონი ამერიკული დოლარის ოდენობით. მზარდია როგორც თხილის საექსპორტო მოცულობები ისე სარეალიზაციო ფასი, რომელიც 6 დოლარს აჭარბებს. რამ განაპირობა ქართული თხილის საექსპორტო მოცულობებისა და ფასის ზრდა, რას ელოდებიან თხილის მწარმოებლები მომდევნო თვეებში და სად გვაქვს დღეს მთავარი გამოწვევა, რომელთან გამკლავებაც სექტორს მოუწევს? #ახალიამბები #BusinessMediaGeorgia
ზესტაფონის ფეროშენადნობთა ქარხანამ 4 თვიანი დროებითი მართვის რეჟიმის შემდეგ მუშაობა სრულად განაახლა. კომპანიაში ამბობენ, რომ მიუხედავად გლობალურად შემცირებული ფასებისა, განახლებულია პროდუქციის ექსპორტიც და მოლოდინია, რომ მომდევნო თვეებში ფეროშენადნობების ექსპორტი გაიზრდება. თუმცა ამ დრომდე გაჩერებულია დარგში მომუშავე მცირე და საშუალო საწარმოების უმეტესობა, რისი ერთ-ერთი მიზეზიც მიღმა საერთაშორისო ფასებისა, ელექტროენერგიის მაღალი ტარიფებია. რა ვითარებაა მრეწველობის სექტორში და რა გავლენას ახდენს სექტორზე ელექტროენერგიის ფასი? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 20.03.2025 2019-2023 წლებში ცემენტზე მოთხოვნის 83% ადგილობრივ წარმოებაზე მოდიოდა; 2024 წელს ექსპორტირებული გაზიანი სასმელების 40% "ეფეს საქართველოს" ექსპორტია - ნიკოლოზ ხუნძაკიშვილი; "წინასწარი ჯავშნების კულტურა გაიზარდა" - რა ტენდენციებია 2025 წელს გამყვან ტურიზმში? ქართული რესტორანი Stumara ჩიკაგოში ფართოვდება - რა გეგმები აქვთ დამფუძნებლებს? რესტორანი „დაფნა“ ქსელის გაფართოებაზე მუშაობს; #ახალიამბები #BusinessMediaGeorgia
4 თვიანი დროებითი მართვის რეჟიმის შემდეგ ზესტაფონის ფეროშენადნობთა ქარხანამ მუშაობა სრულად განაახლა. კომპანიაში ამბობენ, რომ მიუხედავად გლობალურად შემცირებული ფასებისა, განახლებულია პროდუქციის ექსპორტიც და მოლოდინია, რომ მომდევნო თვეებში ფეროშენადნობების ექსპორტი გაიზრდება. თუმცა ამ დრომდე გაჩერებულია დარგში მომუშავე მცირე და საშუალო საწარმოების უმეტესობა, რისი ერთ-ერთი მიზეზიც დაბალ ფასებთან ერთად ძვირი ელექტროენერგიაა - რა ვითარებაა მრეწველობის სექტორში და რა გავლენას ახდენს სექტორზე ელექტროენერგიის ფასი? #ახალიამბები #BusinessMediaGeorgia
საქართველოდან 2025 წლის იანვარ თებერვალში 45%-ით მეტი ღირებულების თხილი და კაკალი გავიდა ექსპორტზე, ჯამში 18.6 მილიონი ამერიკული დოლარის ოდენობით. მზარდია როგორც თხილის საექსპორტო მოცულობები ისე სარეალიზაციო ფასი, რომელიც 6 დოლარს აჭარბებს. რამ განაპირობა ქართული თხილის საექსპორტო მოცულობებისა და ფასის ზრდა, რას ელოდებიან თხილის მწარმოებლები მომდევნო თვეებში და სად გვაქვს დღეს მთავარი გამოწვევა, რომელთან გამკლავებაც სექტორს მოუწევს? #ახალიამბები #BusinessMediaGeorgia
როგორია დღეს განწყობები ბიზნესში და ცდილობს თუ არა საქმიანი სამყარო პოზიტიური დღის წესრიგის შექმნას და არსებულ პოლიტიკურად ტურბულენტურ ვითარებაში დადებითი მოლოდინებით მოთხოვნის წახალისებას? როგორ უყურებენ ინვესტორები ქვეყანას, სადაც პროტესტი ისევ მიმდინარეა, პოლიტიკური კურსი კი ისევ გაურკვეველი. სტუმარი: ბექა ბექაია - კომპანია „ნუტრიმაქსის“ მმართველი პარტნიორი #ახალიამბები #BusinessMediaGeorgia
საქართველოში ავტომობილების იმპორტი 23.3%-ით შემცირდა. საქსტატის მონაცემებით, წელს იანვარ-თებერვალში საქართველოში 19 765 ერთეული (326.797 მლნ აშშ დოლარი) შემოვიდა წინა წლის იგივე პერიოდში 25 770 ცალი (391.438 მლნ აშშ დოლარი). ამავე პერიოდში თითქმის იგივე დარჩა ექსპორტის (რეექსპორტი) მაჩვენებელი. კერძოდ, 2025 წლის 32 თვეში საქართველოდან 12 238 ერთეული (285.186 მლნ აშშ დოლარი) ავტომობილი გავიდა, წინა წლის იანვარ-თებერვალში - 12 373 ცალი (262.592 მლნ აშშ დოლარი). ავტოიმპორტიორები ბაზარზე გაყიდვების დინამიკის მნიშვნელოვან შემცირებაზე მიუთითებენ. დილერების ნაწილი ფიქრობს, რომ ბიზნესის კეთება დიდ სირთულედ იქცა და არარეზიდენტებისგან მომდინარე კონკურენციაზე საუბრობენ, რაც სექტორისათვის გამოწვევაა. ფინანსთა სამინისტროში კერძო სექტორის წარმომადგენლებმა დღეს შეხვედრა გამართეს და ყაზახი და ყირგიზი დილერების მხრიდან ადგილობრივად დემპინგური ფასებით ოპერირების გამოწვევებზე ისაუბრეს. #ახალიამბები #BusinessMediaGeorgia
იანვარ-თებერვალში საქართველოდან ექსპორტზე 835.4 მლნ დოლარის ღირებულების პროდუქცია გავიდა, რაც წლიურად 4%-ით გაზრდილი მაჩვენებელია. თუმცა 1.3%-ით შემცირებულია ადგილობრივად წარმოებული პროდუქციის ექსპორტი. კლების ძირითადი მიზეზი საქართველოსთვის ისეთი მნიშვნელოვანი საექსპორტო დარგების მიმართულებით შემცირებაა როგორიცაა ფეროშენადნობები და ღვინო. წელს ორ თვეში ფეროშენადნობების ექსპორტი 60%-ითაა შემცირებული, საზღვარგარეთ ქართული ღვინის გაყიდვებმა კი 38%-იანი კლება აჩვენა. რა ტენდენციებია ადგილობრივი ექსპორტის მიმართულებით და როგორია მოლოდინები? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 19.03.2025 PSG და წყალი "მთის" პარტნიორები გახდნენ; “ჯინო ჰოლდინგი“ თბილისის ზღვაზე საცხოვრებელ-გამაჯანსაღებელ კომპლექსს აშენებს - მხარდამჭერი საქართველოს ბანკია; საქართველოს ინფორმაციის, კომუნიკაციისა და IT სექტორში ხელფასები შემცირდა; "დაწყნარდით და ჩამოვალთო" - ტურისტული კომპანია სექტორში არსებულ გამოწვევებზე; "დაახლოებით, 40%-იან დატვირთვაზე ვმუშაობთ" - რა გამოწვევის წინაშეა რესტორანი "გაუდი"? #ახალიამბები #BusinessMediaGeorgia
ადგილობრივი ავტოდილერები ბაზარზე არასამართლიან კონკურენციაზე საუბრობენ და ამბობენ, რომ ყაზახი და ყირგიზი დილერები საქართველოში დემპინგური ფასებით ოპერირებენ, ხსნიან ავტობაზრობებსა და ავტო შეკეთების ცენტრებს, რის გამოც ადგილობრივები შემოსავლის გარეშე რჩებიან. ბიზნესი დახმარებას ითხოვს. საკითხზე შეხვედრა დღეს ფინანსთა სამინისტროში შედგა. #ახალიამბები #BusinessMediaGeorgia
საქართველოდან უალკოჰოლო გაზიანი სასმელების ექსპორტი კი მზარდია. წელს 2 თვეში საექსპორტო ბაზრებზე 18.2 მლნ დოლარის სასმელები გავიდა, 29%-ით მეტი ვიდრე შარშან. მთლიანობაში გასულ წელს საექსპორტო ბაზრებზე 139 მლნ დოლარის სასმელები გავიდა, რაც 27%-იან ზრდას აჩვენებს. მთლიანობაში ექსპორტზე 150 მლნ ლიტრი უალკოჰოლო სასმელები გაიყიდა, რითაც მას აგროსასურსათო პროდუქციის საექსპორტო კალათაში მე-4 ადგილი უჭირავს და ჯამში 8%-იან წილს იკავებს. სოფლის მეურნეობის სამინისტროს მონაცემებით, უალკოჰოლო სასმელების საექსპორტო ფასი 20%-ით გაიზარდა წინა წელთან შედარებით და ლიტრზე 93 ცენტი შეადგინა. მთავარი საექსპორტო ბაზარი კი რუსეთია, რომელზეც ექსპორტის- 44% მოდის, აზერბაიჯანში პროდუქციის 16% გაიყიდა, ყაზახეთს კი საექსპორტო ბაზრებს შორის 12%-იანი წილი უჭირავს. როგორია წელს სასმელების ბაზრის ტენდენციები? სტუმარი: ნიკოლოზ ხუნძაკიშვილი - „ეფ ეს საქართველოს“ კორპორაციულ საქმეთა დირექტორი #ახალიამბები #BusinessMediaGeorgia
იანვარ-თებერვალში ადგილობრივად წარმოებული პროდუქტის ექსპორტი შემცირდა. წელს ორ თვეში ექსპორტზე სულ 388.5 მლნ დოლარის ღირებულების ადგილობრივი საექსპორტო პროდუქცია გავიდა, რაც წლიურად 1.3%-ით შემცირებული მაჩვენებელია. 60%-იანი კლება ფიქსირდება საქართველოსთვის ისეთ მნიშვნელოვან საექსპორტო პროდუქციაში, როგორიცაა ფეროშენადნობები. წელს ორ თვეში შემცირებული იყო ღვინის ექსპორტიც, რისი ძირითადი მიზეზიც რუსეთში ღვინის გაყიდვების კლებაა. #ახალიამბები #BusinessMediaGeorgia
ენერგეტიკის სექტორში პირდაპირი მოლაპარაკების გზით კონტრაქტების მსურველებისგან ეკონომიკის სამინისტროში 435 განაცხადი შევიდა. ეკონომიკის სამინისტროს მონაცემებით, 435 განაცხადიდან ყველაზე მეტი მზის პროექტებზე მოდის, ჯამში 241 განაცხადი; 133 განაცხადი შევიდა ჰესების, 61 კი ქარის ელექტროსადგურის პროექტების შემთხვევაში. აღსანიშნია, რომ პირდაპირი მოლაპარაკების გზით კონტრაქტების გაფორმებისას სახელმწიფო სიმძლავრის მეორე აუქციონში დადგენილ მედიანურ ტარიფს ითვალისწინებს, რაც მზის სადგურების შემთხვევაში 5,6 ცენტს, მოდინებაზე არსებული ჰიდროელექტროსადგურების შემთხვევაში 6,5 ცენტს, ქარის პროექტების შემთხვევაში კი 6 ცენტს ითვალისწინებს. კერძო სექტორში აცხადებენ, რომ აღნიშნული ტარიფი განსაკუთრებით მზის და ქარის პროექტების ინვესტორებისთვის აღმოჩნდა მისაღები, რადგან ჰიდროპროექტების განხორციელება 6,5 ცენტად რთულად წარმოსადგენია, ამიტომ კომპანიების ნაწილმა პროექტები შეცვალა და მზის ენერგეტიკაში ინვესტირება გადაწყვიტა. რამდენად მისაღებია მზის ელექტროსადგურების ასაშენებლად სახელმწიფოს შემოთავაზებული პირობები და ზოგადად რამდენად გაიზარდა მოთხოვნა მზის სადგურების მშენებლობაზე? სტუმარი: გიორგი აბულაძე - "ენოვუსის" თანადამფუძნებელი; #ახალიამბები #BusinessMediaGeorgia
ქართული წყლის ბრენდი “მთის“ მსოფლიოს ერთ-ერთი ცნობილი საფეხბურთო კლუბის “პარი-სენ-ჟერმენის” პარტნიორი 4 წლით გახდა. კოკაკოლა ბოთლერ ჯორჯიაში აცხადებენ, რომ ეს კოლაბორაცია ინოვაციისა და სრულყოფილებისადმი ერთგულებას ემსახურება და საფუძველს უყრის წყალი “მთის“-თვის მნიშვნელოვან ეტაპს, რომელიც ისევ შთააგონებს ადამიანებს იყოს ცხოვრებით სავსე და მისდიოს აქტიური ცხოვრების წესს. კომპანიაში აცხადებენ, რომ პარტნიორობა, რომელმაც ორი გამორჩეული ბრენდი ერთმანეთს მჭიდროდ დააკავშირა, ბევრ ექსკლუზიურ გამოცდილებებს, აქტივობებს, ინოვაციურ მარკეტინგულ კამპანიებს შესთავაზებს როგორც ქართველ, ისე სხვადასხვა ქვეყნების გულშემატკივარს. მათი თქმით, ეს წამოწყება, კიდევ ერთხელ ნათელს ხდის ,,კოკა-კოლა ბოთლერს ჯორჯიას,, ერთგულებას ხელი შეუწყოს სპორტის და ცხოვრების ჯანსაღი წესების შეკავშირებას. #ახალიამბები #BusinessMediaGeorgia
გასულ წელს პირდაპირი უცხოური ინვესტიციების შემცირების მიუხედავად, უძრავ ქონებაში ჩადებული FDI-ს მოცულობა 155 მილიონ დოლარამდე გაიზარდა. უძრავი ქონების ბაზრის დინამიკაში დაკვირვების პარალელურად რა ვითარებაა სექტორში ამ დროისთვის ტენდენციების შესაფასებლად დღევანდელი უძრავი ქონების პროსპექტის ეთერში თათია ჩაფიჩაძემ და გუგა კობახიძემ ბაზრის რამდენიმე მსხვილი მოთამაშე შედარებით გაფართოვებულ ფორმატში უმასპინძლეს. გასული წლის მიწურულს შემცირებული ტრანზაქციების ფონზე უძრავი ქონების სექტორში ბოლო დროს საბანკო სფეროსგან ახალი პროექტების დაფინანსების ტემპის შედარებითი კლების ფონზე ბიზნესი 2025 ის პირველ კვარტალში მზარდ მოთხოვნაზე მიუთითებს. #ახალიამბები #BusinessMediaGeorgia
საერთაშორისო ბირჟაზე ოქრო რეკორდულად ძვირდება. უნცია ოქროს ღირებულება ამ დროისთვის 3030 დოლარიანი ნიშნულის ფარგლებშია. ბოლო ერთ წელში ოქროს ფასი თითქმის 40%-ითაა გაზრდილი, რაც თავის მხრივ გეოპოლიტიკურ დაძაბულობას უკავშირდება. გლობალურად ძვირფას ლითონზე ფასის ზრდა უკვე აისახა ქართულ ბაზარზეც და ბოლო რამდენიმე თვეა ოქროს ნაკეთობებზე ფასი იზრდება ქართულ ბირჟაზეც. რა ფაქტორები მოქმედებს ოქროს ფასზე, როგორ შეიცვალა საქართველოში ძვირფასი ლითონის ღირებულება და როგორია მოთხოვნა? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 18.03.2025 როდის დაიწყება დედაქალაქის ანძის მოდერნიზება? Kass Land - ტურისტული მარგალიტი დაშბაშის კანიონზე - რა სიახლეები იგეგმება 2025 წელს? საახალწლო პერიოდი ჩვენთვის სრული კოლაფსი იყო - "ლორუკა"; „წელი 45%-იანი ზრდით დავასრულეთ“ - Global Benefits Georgia; #ახალიამბები #BusinessMediaGeorgia
სადაზღვევო ინდუსტრია საყოველთაო ჯანდაცვის პროგრამაში ცვლილებებს და ე. წ შემავსებელი პაკეტების აღდგენას აყენებენ დღის წესრიგში. კერძო სექტორში თვლიან, რომ სახელმწიფოსა და სადაზღვევოების სინერგიით ასეულობით მილიონი ლარის დაზოგვაა შესაძლებელი. დღეს არსებული მოდელით, მოსახლეობის დიდი ნაწილი კერძო დაზღვევით სარგებლობისას საყოველთაო ჯანდაცვის პროგრამას ეთიშება, სადაზღვევო ინდუსტრიას კი მიჩნია, რომ ეს უსამართლოა და მოქალაქეებს სახელმწიფოსთან ერთად კერძო დაზღვევით სარგებლობის და იმ სერვისების შევსების შესაძლებლობა უნდა ჰქონდეს, რასაც სახელმწიფო არ აფინანსებს. რა არგუმენტები არსებობს დღეს სადაზღვევო სექტორის მხარეს და რა იცვლება იმით, რომ მოქალაქეებს საყოველთაოსთან ერთად კერძო დაზღვევით სარგებლობის შესაძლებლობა ექნებათ. #ახალიამბები #BusinessMediaGeorgia
საერთაშორისო ბირჟაზე ოქრო ძვირდება. უნცია ოქროს ღირებულება 3000 დოლარიან ნიშნულს აჭარბებს. რაც ისტორიული მნიშვნელობის მოვლენაა. ბოლო ერთ წელში ოქროს ფასი თითქმის 40%-ითაა გაზრდილი. გლობალურად ძვირფას ლითონზე ფასის ზრდა უკვე აისახა ქართულ ბაზარზეც. ბოლო რამდენიმე თვეა ფასი იზრდება ოქროს ნაკეთობებზე ქართულ ბირჟაზეც. რა ფაქტორები მოქმედებს ოქროს ფასზე და როგორ შეიცვალა საქართველოში ოქროს ნაკეთობების ღირებულება? #ახალიამბები #BusinessMediaGeorgia
IT სექტორში ხელფასი 7%-ით შემცირდა. მეოთხე კვარტალში სექტორში საშუალო ხელფასი 4 008 ლარი იყო, რითაც ყველაზე მაღალანაზღაურებადი დარგია. ინფორმაციისა და კომუნიკაციის სფერო საქართველოს ეკონომიკის ყველაზე მაღალანაზღაურებადი სექტორი 2022 წელს, რუსეთის მიერ უკრაინაში შეჭრის შემდეგ გახდა, რაც რუსეთიდან, ბელარუსიდან და უკრაინიდან IT სპეციალისტების საქართველოში მიგრაციის ტალღას უკავშირდებოდა. იქამდე, საქართველოს ეკონომიკის ყველაზე მაღალანაზღაურებადი სექტორი საფინანსო და სადაზღვევო სექტორი იყო, რომელმაც მეორე პოზიციაზე გადაინაცვლა. ამის პარალელურად ქვეყნის ექსპორტის მოცულობა მხოლოდ აიტი სერვისების უცხო ქვეყნებში რეალიზების შედეგად 900 მლნ დოლარამდე არის გაზრდილი. თანხის ეს მოცულობა ორშაბათს ეკონომიკის მინისტრის მოადგილემ პარლამენტში კომიტეტის მოსმენაზე დაასახელა. ირაკლი ნადარეიშვილი ამბობს, რომ საქართველოში საერთაშორისო ტექნოლოგიური კომპანიების მოზიდვის პოლიტიკის შედეგად, აიტი სერვისების ექსპორტიდან მიღებული შემოსავლები უპრეცედენტოა არამხოლოდ ჩვენი რეგიონის მასშტაბით. საგადასახდელო ბალანსის მიხედვით 2019-23 წლებში IT სექტორის საგარეო შემოსავლები მზარდი იყო და 2023 წელს 784 მლნ დოლარს მიაღწია, თუმცა გასული წლის 9 თვის შემოსავლებში 22%-იანი კლება იყო. სულ სექტორმა 475 მილიონი დოლარის შემოსავალი მიიღო. როგორი იყო სექტორისთვის მეოთხე კვარტალი ოფიციალური მონაცემები არ გამოქვეყნებულა. რა ტენდენციებია დარგში, მოიხსნა თუ არა მიგრაციული ბუმი და როგორ აისახა პოლიტიკური ტურბულენტობა ეკონომიკის ერთ-ერთ ყველაზე მაღალშემოსავლიან სეგმენტზე? სტუმარი: თორნიკე სულაბერიძე ICT ასოციაციის სამეთვალყურეო საბჭოს თავმჯდომარე/ Lineate Georgia-ს ბიზნესის განვითარების ხელმძღვანელი #ახალიამბები #BusinessMediaGeorgia
“დღევანდელი მდგომარეობით ნარჩენების ცირკულარობა 1,3 %-ია, რაც საკმაოდ დაბალი მაჩვენებელია”- ამის შესახებ გარემოს დაცვისა და სოფლის მეურნეობის მინისტრის მოადგილემ სოლომონ პავლიაშვილმა გასულ კვირას განაცხადა. მისი თქმით, მაჩვენებელი დაბალია, თუმცა არსებობს პოტენციალი. რატომ ვერ მიმდინარეობს ნარჩენების მართვის რეფორმა იმ ტემპით რა ტემპითაც იყო დაგეგმილი, რა აფერხებს პროცესს და სად აქვს ქვეყანას პროგრესი? #ახალიამბები #BusinessMediaGeorgia
ცვლილებები DRG სისტემაში-ჯანდაცვის სამინისტრო საყოველთაო ჯანდაცვის პროგრამის ბენეფიციარებისთვის თანაგადახდის შესაძლებლობას უშვებს. კერძოდ, პაციენტებს თანაგადახდის შესაძლებლობა არჩეული, ე.წ. VIP პალატით სარგებლობისას მიეცემათ. გარდა ამისა, ჯანდაცვის სამინისტრო პაციენტის მხრიდან თანხის დამატების შესაძლებლობას კიდევ რამდენიმე მიმართულებით განხილავს. ჯანდაცვის ასოციაცია ცვლილებებს დადებითად აფასებს, თუმცა ყველაზე მსხვილი სამედიცინო გაერთიანება მთლიანად DRG სისტემის გადახედვის საჭიროებას ხედავს. რა იცვლება სახელმწიფო დაფინანსების მოდელში და როგორია კლინიკების პოზიცია? #ახალიამბები #BusinessMediaGeorgia
რა ეტაპზეა საგადასახადო დავების განხილვის საბჭოს რეფორმა - ფინანსთა სამინისტროში ირწმუნებიან, რომ საბჭოს ეფექტიანობა გაიზარდა და მისი სამინისტროს გარეთ გამოტანა დღის წესრიგში არ დგას. ფინანსთა მინისტრის მოადგილე აცხადებს, რომ ბიზნესისთვის ერთ-ერთი პრობლემური საკითხი გადაიჭრა და დავების განხილვის ვადები შემცირდა. თავად კერძო სექტორის წარმომადგენლების ნაწილი კი ამბობს, რომ კვლავ პრობლემად რჩება საბჭოს გადაწყვეტილებების დროული აღსრულება. ასევე ბიზნესი მიუთითებს, რომ საგადასახადო დავების საბჭოს ძირეული რეფორმა სჭირდება, მათ შორის დამოუკიდებლობის ხარისხის ზრდის ნაწილში. რეალურად, გაიზარდა თუ არა ფინანსთა სამინისტროს დავების განხილვის საბჭოს ეფექტიანობა. #ახალიამბები #BusinessMediaGeorgia
ცვლილებები DRG სისტემაში - ჯანდაცვის სამინისტრო საყოველთაო ჯანდაცვის პროგრამის ბენეფიციარებისთვის თანაგადახდის საშუალებას უშვებს. კერძოდ, პაციენტებს თანაგადახდის უფლება არჩეული, ე.წ. VIP პალატით სარგებლობისას მიეცემათ. გარდა ამისა, ჯანდაცვის სამინისტრო პაციენტის მხრიდან თანხის დამატების შესაძლებლობას კიდევ რამდენიმე მიმართულებით განხილავს. ჯანდაცვის ასოციაცია ცვლილებებს დადებითად აფასებს, თუმცა ყველაზე მსხვილი სამედიცინო გაერთიანება მთლიანად DRG სისტემის გადახედვის საჭიროებას ხედავს. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 17.03.2025 უძრავ ქონებაზე ფასების კლების მოლოდინი ლოგიკას მოკლებულია - ასოციაცია; რა უნდა გააკეთოთ თუ კურიერი ქართულად ვერ გემსახურებათ? "ნარჩენების მართვის მოქნილობა პირდაპირი ინდიკატორია ქვეყნის განვითარების" - "პოლივიმი"; როგორია კურორტ "განთიადის" ₾2 მლნ-იანი გეგმები? "ქართულ ბაზარზე სარეალიზაციო არეალი 80%-მდე შევამცირეთ" - "ნეკრესის მამული"; #ახალიამბები #BusinessMediaGeorgia
“დღევანდელი მდგომარეობით ნარჩენების ცირკულარობა 1,3 %-ია, რაც საკმაოდ დაბალი მაჩვენებელია”- ამის შესახებ გარემოს დაცვისა და სოფლის მეურნეობის მინისტრის მოადგილემ სოლომონ პავლიაშვილმა გასულ კვირას განაცხადა. მისი თქმით, მაჩვენებელი დაბალია, თუმცა არსებობს პოტენციალი. რატომ ვერ მიმდინარეობს ნარჩენების მართვის რეფორმა იმ ტემპით რა ტემპითაც იყო დაგეგმილი, რა აფერხებს პროცესს და სად აქვს ქვეყანას პროგრესი? #ახალიამბები #BusinessMediaGeorgia
საგადასახადო დავების საბჭოს რეფორმა - რომელიც, დღეს ხელისუფლების დღის წესრიგში აღარ დგას BMG-ს მთავარმა რედაქტორმა და ტელეგადაცემა წერტილის ავტორმა და წამყვანმა თელარა გელანტიამ 2 კვირის წინ მოიკითხა. მასთან საუბრისას იურისტები ამბობდნენ, რომ მართალია დავების საბჭო პროფესიონალების ხელშია, თუმცა თანამდებობრივად მიკერძოებულები არიან. 10-წევრიან საბჭოში 8 ფინანსთა სამინისტროდანაა, ერთი ბიზნესომბუდსმენის აპარატის წევრია და ერთიც - საქართველოს ბიზნესასოციაციის წარმომადგენელი. კერძო სექტორის მხრიდან უკვე წლებია გვესმის წუხილი, რომ სისტემა არაერთი მიზეზის, მათ შორის ინტერესთა კონფლიქტის გამო, რეფორმირებას საჭიროებდა. რა გამოწვევებს ქმნის დღეს არსებული მოდელი და რა კუთხით საჭიროებს საბჭო რეფორმირებას? სტუმარი: ზურაბ ძნელაშვილი - იურიდიული კომპანია Tax & Legal Solutions-ის მმართველი #ახალიამბები #BusinessMediaGeorgia
დარწმუნებული ვარ, ეროვნული ბანკის საჭიროების შემთხვევაში, სავალუტო რეზერვების დაგროვებას უზრუნველყოფს, ფინანსთა სამინისტროს სტრატეგია კი მთლიან ვალდებულებებში საგარეო ვალის წილის შემცირებაა - ამის შესახებ ფინანსთა მინისტრის მოადგილე აცხადებს. სწორედ ასე უპასუხა გიორგი კაკაურიძემ bmg-ის კითხვას სავალუტო რეზერვების შემცირების საკითხთან დაკავშირებით, რომელიც გასულ თვეს სწორედ საგარეო ვალის მომსახურების გამო შემცირდა. გიორგი კაკაურიძემ კომენტარი გააკეთა სავალუტო ფონდთან ახალი პროგრამის დაწყების შესაძლებლობაზეც. #ახალიამბები #BusinessMediaGeorgia
16 მილიონი ლარის ინვესტიცია და ბოლო ერთ წელში განხორციელებული პროექტები - ტავ ჯორჯიამ აეროდრომზე ინფრასტრუქტურის გაუმჯობესებისთვის ჩატარებული სამუშაოების შეაჯამა. შესრულებულ სამუშაოებს არის სამიმოსვლო ბილიკი „E”-ს გაფართოვება, საჰაერო ხომალდების მომსახურებისთვის დამატებითი სადგომების მოწყობა და არსებულების რეაბილიტაცია, 100 000 მ2 -მდე ფართობზე ხელოვნური საფარის განახლება და არაერთი მიმართულება რაზეც ლევან მოსეშვილმა “ტავ ჯორჯიას” აეროდრომის შესაბამისობის მონიტორინგის ხელმძღვანელმა დეტალურად ისაუბრა. #ახალიამბები #BusinessMediaGeorgia
კომპანია ჯეოსთილი საქართველოში წარმატებული ოპერირებს 15 წელს აჯამებს. ამ პერიოდის განმავლობაში დაგროვილ წარმატებებს, პარტნიორობებს და ახალ ბაზრებს, კომპანიამ გახსნიდან ძალიან მალევე გარემოზე ზრუნვაც აქტიურად დაიწყო. #ახალიამბები #BusinessMediaGeorgia
შრომის ბაზარზე უცხოელები მომრავლდნენ. სფეროს დამკვირვებლების შეფასებით, ყველაზე ხშირად არაქართულენოვანი თანამშრომლები კერძო სექტორმა ექსპატების თუ უცხოელი სტუდენტების ჩანაცვლებით შეძლო. მომსახურების სფეროში არაქართულენოვანი სერვისის მიმწოდებლების გამოჩენამ კი მომხმარებლების უკმაყოფილება გამოიწვია. კონკურენციისა და მომხმარებლის უფლებების დაცვის სააგენტოში ამ საკითხზე არაერთი განაცხადია შესული, რის საპასუხოდაც სააგენტომ საკურიერო კომპანიებს მუშაობის ახალი სტანდარტი დაუდგინა. #ახალიამბები #BusinessMediaGeorgia
ქართული ტურისტული ბიზნესი ძირითადად აზიურ ბაზრებზე გადაეწყო. დღეს მოთხოვნა სწორედ აზიური ბაზრებიდან, ჩინეთიდან, ინდოეთიდან და საუდის არაბეთიდან მოდის, რადგან როგორც ტურისტული კომპანიების ნაწილი აცხადებს, ევროპის ბაზარი ფაქტობრივად დახურულია და შექმნილი გაურკვევლობის გამო ევროპელი ტურისტი საქართველოში იშვიათად ჩამოდის. მარტიდან გამოცოცხლება შეიმჩნევა სტუმარ-მასპინძლობის სექტორშიც. სასტუმროების ფედერაციის ინფორმაციით, ზაფხულის ტურისტულ სეზონზე გათვლა სწორედ ინდოეთის და ჩინეთის ბაზრებზე კეთდება, თუმცა როგორც შალვა ალავერდაშვილი ამბობს, ინდოეთიდან ტურისტების შემოსვლასთან დაკავშირებით საქართველოს საზღვარზე ისევ პრობლემებია. #ახალიამბები #BusinessMediaGeorgia
საქართველოში უცხოელი დასაქმებულები მომრავლდნენ, ყველაზე მეტად არაქართულენოვანი თანამშრომლები საკურიერო ბიზნესში და სამშენებლო კომპანიებში დასაქმდნენ. მიზეზად შრომით ბაზარზე წარმოქმნილი დეფიციტი სახელდება, რომლის დაბალანსებაც ბიზნესმა ამ გზით შეძლო. უცხოელი კადრების მომსახურების სფეროში გამოჩენამ კი მომხმარებლების უკმაყოფილება გამოიწვია, კონკურენციისა და მომხმარებლის უფლებების დაცვის სააგენტოში არაერთი განაცხადი შევიდა, რომლის პასუხადაც სააგენტომ საკურიერო კომპანიებს მუშაობის ახალი სტანდარტი დაუდგინა. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 14.03.2025
პოლიტიკური არასტაბილურობის გავლენა ბიზნესზე - ევროპული ბიზნეს ასოციაციის მიერ გამოქვეყნებული კვლევის თანახმად, საქართველოში ბიზნესისთვის მთავარი გამოწვევა პოლიტიკური არასტაბილურობაა, რასაც ორგანიზაციის მიერ გამოკითხული 200-მდე ევროპული კომპანია მთავარ ხელისშემშლელ ფაქტორად ასახელებს. როგორც bmg-სთან ასოციაციის გამგეობის თავმჯდომარე აცხადებს, საქართველოში შექმნილი არასტაბილურობის ფონზე, ევროპული კომპანიების ნაწილმა ახალი ინვესტიციების განხორციელება შეაჩერა და ბიზნესი ახლა ნაკლებად ფიქრობს გაფართოებაზე. ის რომ საქართველოს საინვესტიციო გარემოს არაერთი გამოწვევა აქვს, ამაზე ოფიციალური სტატისტიკაც მიუთითებს. საქართველოში ზედიზედ მეორე წელია პირდაპირი უცხოური ინვესტიციები მცირდება. 2024 წელს ქვეყანაში მილიარდ 333 მილიონი დოლარის მოცულობის ინვესტიციები შემოვიდა, რაც წლიურად 30%-ით შემცირებული მაჩვენებელია. როგორ აისახება პოლიტიკური არასტაბილურობა საინვესტიციო გარემოსა და ბიზნესის გადაწყვეტილებებზე? სტუმარი: თამაზ დაუშვილი - კომპანია „დიოს“ მმართველი პარტნიორი #ახალიამბები #BusinessMediaGeorgia
ქართული ტურისტული ბიზნესი ძირითადად აზიურ ბაზრებზე გადაეწყო. დღეს მოთხოვნა სწორედ აზიური ბაზრებიდან, ჩინეთიდან, ინდოეთიდან და საუდის არაბეთიდან მოდის, რადგან როგორც ტურისტული კომპანიების ნაწილი აცხადებს, ევროპის ბაზარი ფაქტობრივად დახურულია და შექმნილი გაურკვევლობის გამო ევროპელი ტურისტი საქართველოში აღარ ჩამოდის. მარტიდან გამოცოცხლება შეიმჩნევა სტუმარ-მასპინძლობის სექტორშიც. სასტუმროების ფედერაციის ინფორმაციით, ზაფხულის ტურისტულ სეზონზე გათვლა სწორედ ინდოეთის და ჩინეთის ბაზრებზე კეთდება, თუმცა როგორც შალვა ალავერდაშვილი ამბობს, ინდოეთიდან ტურისტების შემოსვლასთან დაკავშირებით საქართველოს საზღვარზე ისევ პრობლემებია. რა ვითარებაა დღეს ტურიზმის სექტორში და ვინ მოგზაურობს საქართველოში? #ახალიამბები #BusinessMediaGeorgia