ევროპის ენერგეტიკული გაერთიანების სამდივნომ 2025 წლის იმპლემენტაციის ანგარიში გამოაქვეყნა, რომლის მიხედვითაც, საქართველოს ენერგეტიკული ბაზრის ინტეგრაციისა და ლიბერალიზაციის მიმართულებით მნიშვნელოვანი ჩამორჩენა აქვს. მთავარ გამოწვევად რჩება ევროკავშირის ენერგეტიკული ბაზრის ფუნდამენტური მოთხოვნების შესრულება. შედარებით უკეთესი, თუმცა კვლავ არასრული პროგრესია ენერგეტიკის სექტორის დეკარბონიზაციის მიმართულებით, მაღალი მაჩვენებლებით კი ენერგეტიკული უსაფრთხოების მიმართულება და მმართველობითი ორგანოების მუშაობა ფასდება. ენერგეტიკული სექტორის ევროკავშირთან ინტეგრაციისთვის მთავარ და გადაუდებელ ამოცანად ბაზრის ფუნდამენტური რეფორმების დაჩქარება რჩება.


#ახალიამბები #BusinessMediaGeorgia