თბილისის საერთაშორისო აეროპორტმა მეხუთე მემილიონე მგზავრს უმასპინძლა - ეს ქვეყნის სამოქალაქო ავიაციის ისტორიაში უპრეცედენტო შემთხვევაა. მეხუთე მემილიონე მგზავრი საფრანგეთის მოქალაქე პიერ ბარეტი გახდა, რომელიც თბილისიდან პარიზში გაფრინდა. „ტავ ჯორჯიამ“ ის სიმბოლური საჩუქრებით დააჯილდოვა.

კომპანიის ინფორმაციით, მიმდინარე წელი ორივე აეროპორტისთვის რეკორდულია. პროგნოზით, 2025 წლის ბოლოს თბილისისა და ბათუმის აეროპორტები 6.6 მილიონ მგზავრს მოემსახურება. 11 თვეში მგზავრთნაკადი თბილისში 13%-ით, ბათუმში კი 30%-ით გაიზარდა, ხოლო საერთო რაოდენობამ 6.1 მილიონს გადააჭარბა.

#ახალიამბები #BusinessMediaGeorgia